Պարուսույցի մրցույթի հրավեր

ԵՀԽ հայաստանյան Կլոր սեղան հիմնադրամը փնտրում է պարուսույց՝ Գեղարքունիքի մարզի Վարդենիս համայնքի Գեղամասար, Նորակերտ և Մեծ Մասրիկ բնակավայրում ազգային պարի դասեր վարելու համար։

Եթե սիրում եք աշխատել երեխաների հետ, կրեատիվ եք, ունեք փորձ պարային համույթների հետ և ակտիվ եք, ապա մենք ուրախ կլինենք տեսնել ձեզ մեր թիմում։

Պարտականություններ

• Աշխատել 6-17 տարեկան երեխաների հետ՝ կազմակերպելով պարի դասեր շաբաթական 2 անգամ, յուրաքանչյուր դաս՝ 1 ժամ տևողությամբ։
• Հիմնական բնակավայրեր են՝ Գեղամասար, Նորակերտ և Մեծ Մասրիկ։ Խմբերի բաշխումը կազմակերպում է պարուսույցը։
• Ինքնուրույն ապահովել տրանսպորտի հարցերը՝ այցելելու համար նշված բնակավայրեր (տրանսպորտի ծախսերը հոգում է հիմնադրամը)։
• Պարապմունքների ընթացքի, առաջացած խնդիրների, առաջարկությունների և երեխաների հաճախելիության վերաբերյալ պարբերաբար տեղեկացնել ծրագրի համակարգողին և պատասխանատուին։
• Հետևել և ապահովել պարապմունքների համար նախատեսված գույքի անվտանգությունը։
• Կազմակերպել միջոցառումներ և ներկայացումներ երեխաների համար։

Պահանջներ

• Բարձրագույն կրթություն պարարվեստի ոլորտում։
• Առնվազն 3 տարվա դասավանդման փորձ (պարտադիր)։
• Հաղորդակցման և երեխաների հետ աշխատանքի հմտություններ (դիտարկվում է որպես առավելություն)։

Դիմելու կարգ

Ուղարկեք ձեր ինքնակենսագրականը, առնվազն երկու խմբային ներկայացման տեսանյութեր, կրթական պլանը, հավաստագրերը, դիպլոմների և վկայականների պատճենները info@roundtable-act.am հասցեին մինչև 2025 թ․ հունվարի 5-ը։

Նամակի վերնագրում նշեք՝ «Պարուսույց»։