Զանգակատանը կայացավ 44-օրյա պատերազմի երկու հերոսի հիշատակին նվիրված հուշամրցաշարը

Արարատի մարզի Արարատ համայնքի Զանգակատուն բնակավայրում կայացավ Եկեղեցիների համաշխարհային խորհրդի (ԵՀԽ) հայաստանյան Կլոր սեղան հիմնադրամի, Արարատի համայնքապետարանի և Հայ Առաքելական Սուրբ Եկեղեցու Մասյացոտնի թեմի կազմակերպած մինի ֆուտբոլի հուշամրցաշարը, որը նվիրված էր 44-օրյա պատերազմում անմահացած Հրաչիկ Թադևոսյանի և Լևոն Մարտիրոսյանի հիշատակին, ովքեր իրենց կյանքն ու գործունեությունը նվիրեցին մեր ազգի պատմության էջերին։

Մրցաշարին մասնակցում էր Կլոր սեղան հիմնադրամի աջակցությամբ գործող Պարույր Սևակի և Զանգակատան 12-13 տարեկանների ֆուտբոլի 2 թիմը, հրավիրված էին նաև Արարատի Վազգեն Սարգսյանի թիմը և Արարատի Արաքս թիմը՝ ֆուտբոլի մարզիչ Էդիկ Զիրոյանի գլխավորությամբ։  

Մասնակիցներին ողջունեցին Արարատի համայնքապետարանի զարգացման ծրագրերի, կրթության սպորտի, մշակույթի, երիտասարդության և առողջապահության բաժնի պետ Արթուր Իսաջանյանը, Կլոր սեղան հիմնադրամի ծրագրերի պատասխանատու Հարություն Կարապետյանը, Արարատի սպորտ դպրոցի տնօրեն Տիգրան Արմենակյանը, Զանգակատան բնակավայրի վարչական ղեկավար Հովիկ Կարապետյանը։ 

Օրվա ավարտին ամփոփվեց մրցաշարը և ներկայացվեցին հաղթող թիմերը և զբաղեցրած հորիզոնականները՝

1-ին հորիզոնական —  Արարատի Վազգեն Սարգսյան թիմ,
2-րդ հորիզոնական — Պարույր Սևակի թիմ,
3- րդ հորիզոնական — Արարատի Արաքս թիմ:

Մասնակիցներից Գարիկ Մխիթարյանն արժանացավ «Լավագույն դարպասապահ»,  Գոռ Խաչատրյանը՝ «Լավագույն պաշտպան», Արտյոմ Դավթյանը՝ «Լավագույն կիսապաշտպան», Հրաչ Աբրահամյանը՝ «Լավագույն հարձակվող» և Արամ Խաչատրյանը՝ «Լավագույն ռմբարկու» մրցանակներին։ Մասնակիցները Կլոր սեղան հիմնադրամի կողմից ստացան գավաթներ, մեդալներ և պատվոգրեր։ 

Ծրագիրն իրականացվում է ԵՀԽ հայաստանյան Կլոր սեղան հիմնադրամի գործընկեր Brot für die Welt և F.A.P. կազմակերպությունների ֆինանսական աջակցությամբ։

«Շողակաթ» հեռուստաընկերության անդրադարձը՝ 

«Արարատ» հեռուստաընկերության անդրադարձը՝