Մուղնու սոցիալական ձեռնարկություն – Հացն կենաց
Ծրագրի նպատակն է բարելավել Արագածոտնի մարզի ծայրահեղ կարիքավոր բնակչության տնտեսական վիճակը` Աշտարակի, Թալինի և Ապարանի տարածաշրջանների մինչև 200 ծայրահեղ կարիքավոր շահառու ընտանիքներին օրական տրամադրելով 2-3 թարմ հաց/ալյուր: Ծրագրի խնդիրն է հիմնել սոցիալական ձեռնարկություն` ապահովելու եկամտի աղբյուր թեմի ծրագրերի համար:
Ծրագրի հիմնական շահառուներնե են 25 կարիքավորներ, ովքեր մասնակցել են հացաթխման ուսուցումների, ապա աշխատանք ստացել նորաստեղծ սոցիալական ձեռնարկությունում կամ մոտակա փռերում: 2013 թ. վերջին սոցիալական ձեռնարկությունում աշխատում էին 14 մարդ, որոնց եկամուտներն ըստ իրենց գնահատման ավելացել են 20 %-ով: 200 ծայրահեղ աղքատներ օգնություն են ստանում ձեռնարկության եկամուտներից: Ծրագրի խնդիրը` հիմնել սոցիալական ձեռնարկություն թեմի մարդասիրական և զարգացման ծրագրրեի համար, իրականացվել է:
Նախ և առաջ կարիքավոր գյուղաբնակներն անցել են ուսուցում: Երիտասարդները, 55%-ը կանայք և աղջիկներ, սովորել են թխել հայկական երկու տեսակի հաց` լավաշ և մատնաքաշ: Լրացուցիչ հմտացել են խմորեղեն թխելու մեջ: Իր որակյալ հացամթերքով հայտնի <<Գնթունիք>> ընկերության փորձված հացթուխները ուսուցումներից հետո ապահովել են նաև ամսական խորհրդատվություն:
Այս ծրագիրը Հայաստանում սոցիալական ձեռնարկություն ստեղծելու առաջին փորձերից է, և այն մեծապես գերազանցել է արտադրության և վաճառքի նախատեսված քանակները : 2013-ին սկսվել է գարեհացի և խաչապուրու, ինչպես նաև երկու տեսակի գաթաների արտադրությունը: Արտադրանքի քանակը օրական հասել է 520 կգ-ի: Ծրագրի ղեկավարությունը մշտապես զբաղվում է որակի բարելավմամբ` փորձարկելով արտադրանքի նոր տեսակներ և կազմակերպելով զանազան ուսուցումներ: Ձեռնարկությանը կից բացվել է <<Նկանակ Սբ. Գևորգ>> խանութը Մուղնու Սբ. Գևորգ եկեղեցու դիմաց:
Ծրագիրը մշտադիտարկում է Խորհուրդը , որի կազմում են Արագածոտնի թեմը, ՀԿՍ-ն, World Vision-ը, ծրագրի շահառուները և տեղի ձեռնարկատերերը: