ՄԱԿ-ի Կայուն զարգացման նպատակների վերաբերյալ սեմինար՝ Հայաստանի, Իրաքի և Սիրիայի երիտասարդության համար

«Սիրիահայ երիտասարդների պայծառ ապագա» ծրագրի շրջանակում, ԵՀԽ հայաստանյան Կլոր սեղան հիմնադրամը և «ՀԱԼԵՊ» հայրենակցական բարեսիրական հասարակական կազմակերպությունը («Հալեպ» ՀԿ) Աղվերանում կազմակերպեցին 4-օրյա սեմինար Հայաստանի, Իրաքի և Սիրիայի երիտասարդների համար՝ ՄԱԿ-ի Կայուն զարգացման նպատակների (ԿԶՆ) վերաբերյալ:

Սեմինարի նպատակն էր երիտասարդներին տեղեկացնել ԿԶՆ-ի դերի մասին՝ փախստականների և տեղահանված անձանց իրավունքների պաշտպանության, հասարակության և պետությունների զարգացման գործում, ինչպես նաև մասնակիցներին սովորեցնել ներկայացման և մոդերացիայի հմտություններ՝ հետագայում կիրառելու իրենց գիտելիքն ու հմտությունն իրենց համայնքներում: Սեմինարն անցկացրեցին Հայաստանում ՄԱԿ-ի Փախստականների հարցերով գերագույն հանձնակատարի գրասենյակի (ՄԱԿ ՓԳՀ) արտաքին կապերի պատասխանատու տկն. Անահիտ Հայրապետյանը և Գերմանիայի «Հաց աշխարհի համար» կազմակերպությունից ՝ գենդերի թեմայի ուղղվածությամբ դասընթացավար տկն. Էվա Էնգելհարդ Վենթը:

{gallery}Images/2019/04._April/SGD_Workshop_for_Refugees{/gallery}