«Համացանցային մարտահրավերներ» դասընթացը՝ Լոռու մարզում
«Քաղաքացիական կրթություն» ծրագրի շրջանակում ԵՀԽ Հայաստանյան Կլոր Սեղան հիմնադրամը շարունակում է երիտասարդների կարողությունների զարգացմանը նվիրված դասընթացների իրականացումը: Այս անգամ Լոռու մարզի քաղաք Ստեփանավանում կազմակերպվել էր «Համացանցային մարտահրավերներ» դասընթացը՝ բաղկացած 2 առանձին դասընթացից։
Մայր Աթոռ Սուրբ Էջմիածնի Համացանցային ծառայությունների գրասենյակի տնօրեն Արժանապատիվ Տ․ Համբարձում քահանա Դանիելյանը ներկայացրեց «Սոցիալական կայքերը և դրանցից օգտվելու գրագետ միջոցները» դասընթացը, միջազգային սերտիֆիկացված ՏՀՏ վերապատրաստող և մեդիա փորձագետ, Մայր Աթոռ Սուրբ Էջմիածնի համակարգչային բաժնի և ԵՀԽ հայաստանյան Կլոր սեղան հիմնադրամի ՏՏ պատասխանատու Լիլիա Թոթոլյանը՝ «Կիբերանվտանգություն և կիբերհիգիենա» դասընթացը։
Դասընթացն սկսվեց Տերունական աղոթքով: Մասնակցում էր Լոռու մարզի 18 երիտասարդ: Նրանք ակտիվորեն ընդգրկվեցին արդի մարտահրավերներին ուղղված թիմային աշխատանքում՝ առաջադրված թեմաների և բարձրացված խնդիրների շուրջ ներկայացնելով իրենց պատկերացումները, մտորումներն ու գաղափարները։
Դասընթացն իրականացվել է ՀԿՍ եռամյա գործողությունների ծրագրի շրջանակում՝ «Հաց աշխարհի համար» (Brot für die Welt) կազմակերպության հետ համագործակցությամբ:
