Օգնություն Սիսիանի մի խումբ երեխաների

Նոր տարվա առիթով Եկեղեցիների համաշխարհային խորհրդի Հայաստանյան Կլոր Սեղան հիմնադրամը Սիսիան համայնքում բնակվող հաշմանդամություն ունեցող 15 երեխաների ամանորի կապակցությամբ տրամադրեց միջոցներ:

Եկեղեցում կազմակերպված ամանորյա հանդիպման ժամանակ Տ. Պարգև քհն. Զեյնալյանը զրուցեց երեխաների և նրանց ծնողների հետ: Հանդիպման ավարտին ծնողներին տրամադրեցին երեխաների համար նվեր փաթեթները` զարգացնող խաղերով և տակդիրներով:

Հոգևոր հովիվը Կլոր սեղանի գործադիր տնօրեն Կարեն Նազարյանին ասաց, որ տրամադրած օգնությունը կարևոր է այդ երեխաների բուժումն ու առօրյան կազմակերպելու համար: