Կլոր սեղան հիմնադրամի աջակցությամբ գործող պարի խմբակները Երևանում ներկայացրեցին ձեռքբերումները

Գաբրիել Սունդուկյանի անվան ազգային ակադեմիական թատրոնում տեղի ունեցավ «Ամառային ղողանջներ» համերգային ծրագիրը։ Համերգի նպատակն էր ներկայացնել երիտասարդ սերնդի աշխատանքները և նպաստել նրանց բեմական գործունեությանն ու  առաջընթացին։ 

ԵՀԽ հայաստանյան Կլոր սեղան հիմնադրամի աջակցությամբ համերգին ներկայացան Գեղարքունիքի մարզի Մեծ Մասրիկ, Փոքր Մասրիկ, Գեղամասար, Նորակերտ և Սոթք բնակավայրերի պարային համույթների 170 սաները՝ մեծերի և փոքրերի տարիքային խմբերի մասնակցությամբ, «Ազգագրական պարեր» ելույթներով։ 

2023թ․ հուլիսից ի վեր Գեղարքունյաց թեմի և Վարդենիսի համայնքապետարանի հետ համագործակցաբար ԵՀԽ հայաստանյան Կլոր սեղան հիմնադրամը նախաձեռնել է պարարվեստի դասերի պարապմունքներ՝ Գեղարքունիքի մարզի 6 բնակավայրի մոտ  270 երեխայի համար։

Խմբերի կայացման գործում մեծ ջանքեր են ներդրել պարուսույցներ Անուշիկ Աբրահամյանը և Մարիամ Ստեփանյանը։

Ծրագիրն իրականացվում է Brot-fuer-die-welt և F.A.P. կազմակերպությունների ֆինանսական օժանդակությամբ։