«Խաղաղության գրադարան»՝ ԵՊՀ Իջևանի մասնաճյուղում

ԵՊՀ Իջևանի մասնաճյուղի գրադարանում իրականացվեց «Խաղաղության գրադարան» ծրագիրը։ Նախաձեռնության հեղինակն էր ԵՊՀ Իջևանի մասնաճյուղում ԵՀԽ հայաստանայն Կլոր սեղան հիմնադրամի «Ձայն խաղաղությանը» ծրագրի շրջանակներում անցկացվող «հակամարտությունների փոխակերպում» ոչ ֆորմալ կրթական դասընթացի դասընթացավար Վլադիմիր Պողոսյանը:

Ծրագրի նպատակն է ԵՊՀ Իջևանի մասնաճյուղի գրադարանը համալրել քաղաքագիտական և մասնագիտական գրականությամբ։ Գրադարանին նվիրաբերվեց 22 միավոր քաղաքագիտական և քաղաքական գրականություն, որը կօգնի գրադարանի շուրջ 1600 ընթերցողներին՝ ձեռք բերել նոր մասնագիտական գիտելիք։

ԵՊՀ Իջևանի մասնաճյուղ կատարած այցի շրջանակում ԵՀԽ Կլոր սեղան հիմնադրամի ծրագրերի ղեկավարի օգնական Հարություն Կարապետյանը հանդիպեց «Հակամարտությունների փոխակերպում» դասընթացի մասնակիցների և դասընթացավարների հետ։ Հանդիպման ավարտին դասընթացի 16 մասնակիցները ստացան վկայականներ:

«Հակամարտությունների փոխակերպում» դասընթացը երիտասարդներին տրամադրել է բազային գիտելիք կոնֆլիկտների ծագման և զարգացման օրինաչափությունների վերաբերյալ, զարգացրել կոնֆլիկտների հետ աշխատանքի վերլուծական ունակությունները, նպաստել կոնֆլիկտների ստեղծագործական փոխակերպման, ոչ ստանդարտ ու նորարարական մտածելակերպի ձևավորմանը: Այն նաև կօգնի փոխել վերաբերմունքը ինչպես կոնֆլիկտների ընկալման, այնպես էլ դրանց փոխակերպման հնարավորությունների նկատմամբ:

Ծրագիրն անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակում՝ Շվեյցարիայի բողոքական եկեղեցիների միության (HEKS/EPER) աջակցությամբ:

{gallery}Images/2019/12_December/Gradaran_Ijevan{/gallery}