Երիտասարդներն Իջևանում քննարկեցին «Սահմանամերձ շրջանի երիտասարդները հանուն խաղաղության թեման

ԵՀԽ հայաստանյան Կլոր սեղան հիմնադրամի նախաձեռնությամբ տեղի ունեցավ հանդիպում-քննարկում ԵՊՀ Իջևանի մասնաճյուղի հակամարտությունների փոխակերպման ոչ ֆորմալ կրթական դասընթացի մասնակիցների հետ: Քննարկումը նվիրված էր «Սահմանամերձ շրջանի երիտասարդները հանուն խաղաղության» թեմային:

Դասընթացավարների և Կլոր սեղան հիմնադրամի աշխակցի հետ երիտասարդները քննարկեցին մարզում առկա խնդիրները և իրենց լուծման տարբերակները՝ նշելով երիտասարդության կարևորությունը պետության զարգացման և խաղաղաշինության գործում: Քննարկումից հետո մասնակիցները, որպես հակամարտությունների հաղթահարման և խաղաղաշինության կոչ, համալսարասի բակում իրականացրեցին խաղաղության ծառատունկ: Տնկելով խաղաղության ծառերը՝ յուրաքանչյուր ուսանող փորձեց ստեղծել մեկ ընդհանուր գաղափար, որ բնությունը, ինչպես և մարդիկ ու պետությունները, շատ հաճախ զոհ են դառնում կոնֆլիկտային իրավիճաներում:

Հանդիպումը անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակներում՝ Շվեյցարիայի բողոքական եկեղեցիների միության (HEKS/EPER) աջակցությամբ:

{gallery}Images/2019/09_September/Ijevan_tree_planting{/gallery}