Մեր մասին

Կլոր սեղան բարեգործական հիմնադրամ

Ընդհանուր տեղեկություն 

Ով ենք մենք

Հայաստանյան Կլոր սեղան հիմնադրամը (ՀԿՍ) հիմնվել է Հայ Առաքելական Սուրբ Եկեղեցու և Եկեղեցիների համաշխարհային խորհրդի նախաձեռնությամբ և Հայ Կաթողիկե և Հայ Ավետարանական եկեղեցիների մասնակցությամբ: Կլոր սեղանը սկսել է իր գործունեությունը 1996 թ.-ին (գրասենյակը հիմնադրվել է 1997թ.) և այժմ գործում է Ն.Ս.Օ.Տ.Տ. Գարեգին Բ Ծայրագույն և Ամենայն Հայոց Կաթողիկոսի հովանու ներքո:


Սերտորեն համագործակցելով հայ եկեղեցիների, տեղական հասարակական կազմակերպությունների, եկեղեցահեն կազմակերպությունների հետ՝ ՀԿՍ-ն նպատակ ունի համատեղ ուժերով անդրադառնալ երկրի մի շարք հիմնարար սոցիալական և տնտեսական խնդիրներին: 2004թ. նոյեմբերին ՀՀ Արդարադատության նախարարության կողմից ՀԿՍ-ն «Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամ» անունով գրանցվել է որպես ինքնուրույն իրավաբանական անձ:

Ինչ ենք անում

Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը (ՀԿՍ կամ Կլոր սեղան հիմնադրամ) էկումենիկ կազմակերպություն է, որը եկեղեցիների և հասարակական կազմակերպությունների հետ սերտ համագործակցության միջոցով աշխատում է ակտիվորեն նպաստել աղքատության վերացմանը, համայնքների կայուն զարգացմանը, եկեղեցու՝ սոցիալական աշխատանքների մեջ ակտիվ ներգրավվածությանը, Հայաստանի և Լեռնային Ղարաբաղի քաղաքացիական հասարակության զարգացմանը: 1996 թ-ից ՀԿՍ-ն լայնածավալ գործունեություն է իրականացրել ամենատարբեր ոլորտներում` կարողությունների զարգացման, կրթության, տնտեսական զարգացման, խաղաղության և հաշտեցման, սոցիալական և մարդասիրական օգնության: Այժմ ՀԿՍ-ն իր գործունեությունը կենտրոնացնում է հետևյալ ուղղություններով՝


• համապարփակ համայնքային զարգացում,
• դիակոնիա,
• գործընկերների և շահառուների կարողությունների զարգացում,
• նախապատրաստություն և արձագանքում արտակարգ իրավիճակներին։

ՀԿՍ կառավարող մարմինը

ՀԿՍ-ի կառավարող մարմինը հոգաբարձուների խորհուրդն է, որի կազմում են Հայ Առաքելական, Հայ Ավետարանական և Հայ Կաթողիկե եկեղեցիների և հասարակական կազմակերպությունների յոթ ներկայացուցիչ: ՀԿՍ-ի հոգաբարձուների խորհրդի հիմնական պատասխանատվություններն են` հիմնադրամի քաղաքականությանը վերաբերող որոշումների ընդունումը, դրամաշնորհային ծրագրերի ընտրությունը և հաստատումը,  ծրագրերի իրականացման վերահսկումը, աջակցությունը ՀԿՍ-ի աշխատակազմին ծրագրեր իրականացնելու գործում: Հոգաբարձուների խորհրդի նիստերը գումարվում են նվազագույնը տարին երեք անգամ։

Իմացեք մեր առաքելության մասին՝ այստեղ

  • Print
  • Email

Տեսադարան

Պատկերասրահ

Հետադարձ կապ

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-196; 

Կայք` www.roundtable-act.am

էլ-փոստ՝ [email protected] 

FB ART page