ՀԿՍ-ի առաքելությունը
ՀԿՍ առաքելությունն է նպաստել Հայաստանում և Լեռնային Ղարաբաղում աղքատության նվազեցմանը, հոգևոր-բարոյական արժեքներով առաջնորդվող, օրինականության և արդարության սկզբունքներով ապրող հասարակության կայացմանը, ինչպես նաև խաղաղությանն և տարածաշրջանային հաշտեցմանը, քաղաքացիական հասարակության հզորացմանը դիակոնիկ ու զարգացման ծրագրերի իրականացման միջոցով:
ՀԿՍ-ի տեսլականը
ՀՀ-ում և ԼՂՀ-ում մարդիկ ապրում են հավասար իրավունքներ և հնարավորություններ ընձեռող, սոցիալական արդարություն ու արժանապատիվ կյանք վայելող, օրինապաշտ և քրիստոնեական արժեքներով առաջնորդվող, խաղաղություն և բարեկեցիկ պայմաններ ապահովող հասարակությունում:
Արժեքներ և առաջնորդող սկզբունքներ
ՀԿՍ-ն կարևորում է քրիստոնեական հիմնարար արժեքների` սիրո, հավատի ու հույսի, գործուն դրսևորումը: Հիմնվելով այն աստվածաշնչան համոզմունքի վրա, որ մարդիկ ստեղծվել են Աստծո պատկերով և նմանությամբ և պետք է արժանանան հավասար վերաբերմունքի, ՀԿՍ-ն իր աշխատանքում առաջնորդվում է հետևյալով`
- Պահպանել քրիստոնեական, համամարդկային, ազգային և մշակութային արժեքները,
- Հարգել մարդու իրավունքները և հիմնարար ազատությունները,
- Հոգածություն ցուցաբերել հանրության սոցիալապես խոցելի խմբերի կարիքների նկատմամբ,
- Պահպանել շրջակա միջավայրը,
- Կարևորել հաշվետվողականությունը, թափանցիկությունը և մասնակցայնությունը, փոխվստահությունը, անկողմնակալությունը և հետևողականությունը,
- Գրանցել գործունեության բարձր արդյունավետություն և ազդեցիկություն,
- Իրականացնել մատուցված ծառայությունների, ստացված արդյունքների և ազդեցության շարունակական գնահատում և ըստ անհրաժեշտության փոփոխություններ,
- Խրախուսել թիմային աշխատանքը և համագործակցությունը:
Իմացեք տարբեր միություններում մեր անդամակցության մասին՝ այստեղ:
