Հանդիպում՝ սիրիահայ երիտասարդների և Շվեդիայի «Մալմո» ասոցիացիայի անդամների միջև

ԵՀԽ հայաստանյան Կլոր սեղան հիմնադրամի աջակցությամբ իրականցվող «Սիրիահայ երիտասարդների պայծառ ապագա» ծրագրի շրջանակում, «ՀԱԼԵՊ» հայրենակցական բարեսիրական հասարակական կազմակերպությունը կազմակերպել էր երիտասարդական միջոցառում: Սիրիահայ երիտասարդները հանդիպեցին Շվեդիայի «Մալմո» արտաքին գործերի ասոցիացիայի ուսանողական պատվիրակության հետ՝ քննարկելու Հայաստանում և Շվեդիայում սիրիացի փախստականներին վերաբերող հիմնահարցեր:

«Հալեպ» ՀԿ-ի գործադիր տնօրեն Սարգիս Բալխյանը ողջունեց հյուրերին, ապա, «Մալմո» ասոցիացիայի անդամներին ներկայացրեց Հայաստանում սիրիացի փախստականների իրավիճակը: Բացման խոսքից հետո, պատվիրակության անդամները և սիրիահայ երիտասարդները սկսեցին ակտիվ քննարկում Սիրիայում շարունակվող հակամարտության, ամբողջ աշխարհում սիրիացի փախստականների կարգավիճակ և այն մարտահրավերների մասին, որ բախվում են սիրիացի փախստականները Շվեդիայում և Հայաստանում:

Հանդիպումը կազմակերպվել է «Սիրիահայ երիտասարդների պայծառ ապագա» ծրագրի շրջանակում, որն իրականացնում է «ՀԱԼԵՊ» հայրենակցական բարեսիրական հասարակական կազմակերպությունը՝ հայաստանյան Կլոր սեղան հիմնադրամի աջակցությամբ:

{gallery}Images/2019/05._May/Syrian_Refugees_and_Swedish_youth{/gallery}