Սոցիալական ադապտացիայի քրիստոնեական հոգեբանության կենտրոն

     Նշված խնդիրների լուծման համար Եկեղեցիների Համաշխարհային Խորհրդի հայաստանյան Կլոր սեղան հիմնադրամի աջակցությամբ և Շիրակի թեմի առաջնորդ Տ. Միքայել եպս. Աջապահյանի օրհնությամբ թեմում իր գործունեությունն է սկսում <<Սոցիալական ադապտացիայի քրիստոնեական հոգեբանության կենտրոնը>>:    Կենտրոնի վերջնանպատակն է ձևավորել առողջ հասարակություն` հոգեպես  կայուն մարդկանցով:     Կենտրոնի նպատակն է անվճար ծառայություններ մատուցել Շիրակի մարզի նևրոտիկ, վարքային և սթրեսային խանգարումներ ունեցող անձանց` սոցիալական ադապտացիայի քրիստոնեական հոգեբանության մեթոդի կիրառմամբ:     Կենտրոնի շահառուներ են լինելու Շիրակի մարզի նևրոտիկ, վարքային և սթրեսային խանգարումներ ունեցող անձինք` անկախ սեռից, տարիքից, կրոնական պատկանելությունից և սոցիալական կարգավիճակից:    Կենտրոնի բացառիկությունը կայանում է նրանում, որ ՀՀ-ում առաջին անգամ փորձ է արվում համադրել գիտական հոգեբանության և քրիստոնեական բժշկության մեթոդները` վեր հանելով Հայ Առաքելական Եկեղեցու կողմից բազում դարեր կիրառվող, և արդեն գրեթե մոռացված բուժական մեթոդները: Կենտրոնն իր ուշադրությունը սևեռելու է նաև  ազգային, ավանդական բժշկության մեթոդներին` դրանք  կիրառելով գիտական բժշկության մեջ:   Կենտրոնի շահառուների հետ միաժամանակ աշխատելու են հոգեբան և հոգևորական:     Հոգեբանի կողմից իրականացվելու է հետազոտություն և օգնություն, իսկ հոգևորականի կողմից` խորհուրդ և աջակցություն: Բուժման  և սոցիալական ադապտացիայի ամբողջ ընթացքում կենտրոնի շահառուները ընդգրկվելու են տարբեր հանրօգուտ ձեռնարկներում:     Բուժումն ու սոցիալական ռեադապտացիան կիրականացվի առանց դեղորայքի:     Աջակցման հիմնական մեթոդներն են հոգեթերապիա, աղոթքը, հաղորդություն, պահք, ծոմ, քահանայի օրհնություն, ազգային, ավանդական սովորույթների կիրառում:       Կենտրոնն իր ուշադրությունը սևեռելու է նաև այնպիսի հիվանդությունների վրա, ինչպիսիք են մանկական կարիքի զարգացման խանգարումներ, հոգեկան անբուժելի համարվող խանգարումներ, դիվահարվածություն և այլ հիվանդություններ:Ծրագրի մանրամասներին ծանոթանալու համար` սեղմել այստեղ Կենտրոնի գործունեության մանրամասներին ծանոթանալու և ծառայություններից օգտվելու համար կարող եք դիմել.      ք. Գյումրի, Վարպետաց 176, հեռ. 0312 51214, 093195434 /Կենտրոնի պատասխանատու` Կարեն Պետրոսյանին/, էլ. Փոստ: guch82@mail.ru

Ծրագրի մանրամասներին ծանոթանալու համար կարող եք այցելել հետևյալ կայքերը`

http://tsayg.am/mainpage/4509—sn-l-s-s-n-n-sl.html

http://www.galatv.am/news/view/news_25062013874.html

http://hetq.am/arm/news/27648/buzhum-axotqnerov-ev-tsomapahutyamb-nor-buzhakan-kentron-shiraki-temum.html

http://www.asparez.am/news-hy/hogebanakan_kentron-hy/#more-29349

http://armenpress.am/arm/news/723954/hayastanum-arajin-angam-pordz-e-arvum-hamadrel-gitakan.html

http://mygyumri.com/norutyunner/121-socialakan-adaptacia-qristoneakan-hogebanutyan-kirarmamb.html

http://www.aravot.am/2013/06/25/258819/