Կլոր սեղան հիմնադրամի աջակցությամբ ևս մեկ մասնագիտական դասընթաց՝ Վարդենիսում

Մասնագիտական դասընթացի մի նոր խմբի մեկնարկ տրվեց Վարդենիսում ընթացիկ երկու ծրագրերի շրջանակում․ «Լեռնային Ղարաբաղից Հայաստան տեղահանվածների ներհոսք» և  «Աջակցություն Լեռնային Ղարաբաղից բռնի տեղահանված հայերին»։  Ծրագրերի նպատակն է Գեղարքունիքի մարզի  երիտասարդներին և կանանց տալ մասնագիտական գիտելիքներ և համապատասխան գործիքներ՝ սկսելու աշխատանքային գործունեություն, որպեսզի բարելավվի նրանց տնտեսական և սոցիալական վիճակը։  24 կին և աղջիկ սկսել է կար ու ձևի, վարսահարդարման, կոսմետոլոգիայի դասընթացները։

Դասընթացը կազմակերպվել է ACT Alliance կազմակերպության աջակցությամբ: