«Կոնֆլիկտների փոխակերպում» թեմայով դասընթացը՝ Շիրակի մարզում

ԵՀԽ հայաստանյան Կլոր սեղան հիմնադրամի (ԵՀԽ ՀԿՍ) երիտասարդների կարողությունների զարգացման ծրագրի շրջանակում կազմակերպվել էր «Կոնֆլիկտների փոխակերպում» դասընթաց՝ այս անգամ ՀԱԵ Շիրակի թեմի «Խաչմերուկ» սոցիալ-կրթական կենտրոնում:

Այն վարում էր ԵՀԽ ՀԿՍ ծրագրի պատասխանատու Հարություն Կարապետյանը:

Նա իր ողջույնի խոսքից և մասնակիցների հետ ծանոթանալուց հետո ներկայացրեց կոնֆլիկտի սահմանումը և անդրադարձավ կոնֆլիկտի առաջացման պատճառներին, դիտարկեց կոնֆլիկտը որպես բախում և բռնություն:

Դասընթացն ընթացավ գործնական աշխատանքներով` ի նպաստ մասնակիցների մոտիվացման և հնարավորությունների գնահատման:

Այնուհետև դասընթացավարն անդրադարձավ կոնֆլիկտների փոխակերպմանը և կոնֆլիկտի վերլուծությանը:

Մինչև դասընթացի ավարտը երիտասարդները ևս մեկ վարժության միջոցով հնարավորություն ունեցան ներկայացնելու քննարկված թեմաների վերաբերյալ իրենց պատկերացումները` բարձրաձայնելով առաջացած հարցերն ու խնդիրները:

Դասընթացի նպատակն էր.

• փոխանցել բազային գիտելիք կոնֆլիկտների ծագման և զարգացման օրինաչափությունների վերաբերյալ,
• զարգացնել կոնֆլիկտների հետ աշխատանքի վերլուծական ունակությունները,
• նպաստել կոնֆլիկտների ստեղծագործական փոխակերպմանը, ոչ ստանդարտ ու նորարարական մտածելակերպի ձևավորմանը,
• փոխել վերաբերմունքն ինչպես կոնֆլիկտի ընկալման, այնպես էլ դրանց դրական փոխակերպման հնարավորությունների նկատմամբ:

Դասընթացի ավարտին մասնակիցները լրացրեցին գնահատման թերթիկներ` դասընթացի որակի բարելավման և խնդիրների դիտարկման նպատակով:

Դասընթացն իրականացվել է ՀԿՍ եռամյա գործողությունների ծրագրի շրջանակում՝ «Հաց աշխարհի համար» (Brot für die Welt) կազմակերպության հետ համագործակցությամբ:

{gallery}Images/2023/06_June/21-06-23-_Gyumri-Harut{/gallery}