Մրցույթ` Հանուն խաղաղ հարևանության

ԵՀԽ հայաստանյան Կլոր սեղան հիմնադրամը (ՀԿՍ)հայտարարում է փոքրածավալ ծրագիր-առաջարկների մրցույթ «Հանուն խաղաղ հարևանության» խորագրով: ՀԿՍ- կողմից տրամադրվող դրամաշնորհը կազմելու է 300,000-ից 500,000 ՀՀ դրամ: Ողջունելի են երիտասարդական և հասարակական կազմակերպությունների նորարարական նախաձեռնությունները:

Ծրագիր-առաջարկը պետք է հանրության ստվար զանգվածներին մատչելի կերպով հասցնի «խաղաղ հարևանության» ուղերձը:

Ընտրության չափանիշներ

Նախապատվությունը կտրվի այն հասարակական կազմակերպություններին, որոնք

• հարում են «հանուն խաղաղ հարևանության» գաղափարին
• զբաղվում են կոնֆլիկտի ձևափոխմամբ, խթանում են մարդու իրավունքները և ժողովրդավարությունը
• ունեն վերոնշյալ ոլորտում աշխատելու փորձ
• ծրագրով նախատեսված գործողություններում կընդգրկեն առնվազն 50 մարդ
• ծրագրի փորձը կկարողանան տարածել և կրկնօրինակել
• նախատեսում են համագործակցություն այլ երիտասարդական ծրագրերի ու քաղաքացիական հասարակության կազմակերպությունների միջև, որոնք ակտիվ են կոնֆլիկտի ձևափոխման և խաղաղաշինության ոլորտում
• կաշխատեն ազգային կամ տարածաշրջանային մակարդակով:

Ծրագիր-առաջարկ ներկայացնելու կարգը և վերջնաժամկետը

Խնդրում ենք լրացնել ծրագիր-առաջարկի և նախահաշվի ձևանմուշները:

Ծրագիր-առաջարկները կարող եք ներկայացնել մինչև ս.թ. մարտի 20-ը հետևյալ հասցեով` anahit.terzikyan@gmail.com

Ծրագիր-առաջարկի ու նախահաշվի ձևաթերթերը կարող եք գտնել այստեղ`https://drive.google.com/folderview?id=0B8acACjFy9EhbHFwSmxLOXp2WTQ&usp=sharing

Մրցույթի արդյունքները կհրապարակվեն ս.թ. ապրիլի 15-ին:

Հարցերի դեպքում կարող եք զանգահարել Անահիտ Թերզիկյանին հետևյալ հեռախոսահամարներով ` (+37410) 517 157, ` (+37410) 517 216: