Նորություններ

Արցախի, արթիկի, Աշտարակի և Տավուշի կարիքավորներին և աշակերտներին ամանորյա անակնկալ նվերներով են այցելել Հայ Առաքելական Եկեղեցու հոգևորականները, թեմերի սոցիալ-կրթական կենտրոնի աշխատակիցները: Նախաձեռնությունն իրեկանացել է ԵՀԽ հայաստանյան Կլոր սեղան հիմնադրամի աջակցությամբ:


ArtikԱրցախի թեմի հոգևորականներն ամանորյա անակնկալ են մատուցել Արցախի ծերանոցին, Թաղավարդ գյուղի, Շուշիի և Ստեփանակերտի 34 բազմազավակ ընտանիքների, Շուշիի բանտում գտնվող 70 մարդու, Ստեփանակերտի Գիշերօթիկ դպրոցի 25 սաների:


Արթիկի թեմում հոգևորականները նվերներ են բաժանել Արթիկ քաղաքի, Անուշավան, Տուֆաշեն, Լեռնակերտ, Վարդաքար, Լուսակերտ, Հոտվաշեն, Նահապետավան, Սպանդարյան, Արևշատ համայնքների 60 կարիքավոր բնակչի:


Աշտակարի «Սուրբ Մարիանե» կենտրոնում ամանորյա միջոցառման ժամանակ նվերներ է ստացել 80 շահառու: Շնորհավորելու և նվերներ Ձմեռ Պապին իրենց երաժշտական կատարումներով ուրախացրեցին կենտրոնի սաները:


48393315 1931492093827387 2987011177248194560 oԱյս տարի Տավուշի թեմի առաջնորդ Տեր Բագրատ եպիսկոպոս Գալստանյանի խորհրդով միջոցառումների ֆորմատը փոքր-ինչ փոփոխության էր ենթարկվել: Եթե անցած տարիներին թեմի կիրակնօրյա դպրոցների սաները ելույթ էին ունենում իրենց և իրենց ծնողների համար, ապա այս տարի նրանք ելույթներով հանդես եկան մանկապարտեզներում ու նախակրթարաններում, հանրակրթական դպրոցներում ու զորամասերում, իսկ Բերդում և Գոշում նրանք այցելել են իրենց համայնքների միայնակ ծերերին և նրանց հաղորդել սուրբծննդյան խորհուրդը: Ընդհանուր առմամբ նվերներ է ստացել Տավուշի մարզի կիրակնօրյա դպրոցներում և սոցիալ-կրթական կենտրոններ այցելող 1805 աշակերտ, որոնք ներկայացում էին մարզի մոտ 40 համայնք:

 

 

 

DSC 0239Իջևանի «Արևիկ» համայնքային կենտրոնում տեղի ունեցավ «Տավուշի երիտասարդների ձայնը սահմանից աշխարհին» ծրագրի փակման արարողությունը: Միջոցառման ընթացքում Հայ Առաքելական եկեղեցու Տավուշի թեմի առաջնորդ Տ. Բագրատ եպիսկոպոս Գալստանյանը և Լևոն սարկավագ Հակոբյանը վկայագրեր հանձնեցին ծրագրի մասնակիցներին: Երկամսյա ծրագրում ներգրավվածության շնորհիվ կենտրոնի պատանի շահառուները ստեղծել են «Տավուշի երիտասարդներ» բլոգը և կազմակերպել են բանավեճի ակումբ:

Ծրագրի ընթացքում պատանիները մասնակցել են «Մեդիա գրագիտության և հասարակության հետ կապերի», «Բլոգ վարելու հմտություններ» և «Նկարահանման և մոնտաժի հմտություններ» դասընթացներին: Նրանք սովորել են, թե ինչպես գրել լրագրողական նյութեր, նկարել լուսանկարներ և պատրաստել տեսանյութեր և ինչպես ընտրել, խմբագրել և միավորել տեսանյութերի առանձին մասեր` շարունակական ամբողջություն կազմելու համար: Պատանիները մեծ ոգևորությամբ ցանկանում էին օգտագործել իրենց գիտելիքները գործնականում` տեղադրելով ստեղծված նյութերը բլոգում:

Նրանց ներգրավումը բանավեճի ակումբում հնարավորություն է տալիս դաստիարակել ակտիվ և գրագետ երիտասարդ քաղաքացիներ, որոնք հեշտությամբ են արտահայտում իրենց մտքերը և ազատորեն քննարկում են համապատասխան խնդիրները: Ժամանակ առ ժամանակ մրցումներ են կազմակերպվում Տավուշի մարզի բանավեճի ակումբի պատանիների և այլ մարզերի բանավեճի ակումբների պատանիների միջև: «Տավուշի երիտասարդներ» բլոգի և բանավեճի ակումբի գործունեությունը մեծապես նպաստում է Տավուշի մարզում երիտասարդության ներուժի ակտիվացմանը և այդ ներուժի օգտագործմանը համայնքի և հասարակական կյանքի զարգացման համար:

 

Եկեղեցիների համաշխարհային խորհրդի հայաստանյան Կլոր սեղան հիմնադրամի (ՀԿՍ) թիմն այցելեց Տավուշի սահմանամերձ Բերքաբեր գյուղ՝ նոր ծրագրի մեկնարկի համար: Ծրագրի նպատակն է բարելավել համայնքի բնակիչների կենսապայմանները՝ մեղրի արտադրության միջոցով և խթանելով երիտասարդների ներուժը: ՀԿՍ թիմը հանդիպեց Բերքաբեր գյուղի բնակիչների հետ, որտեղ 2004-ին Կլոր սեղանի օգնությամբ սկսվել է մեղրի արտադրություն: Հանդիպման ընթացքում քննարկվեց գյուղում մեղվապահության վիճակը: Որախությամբ պետք է նշել, որ 2004 թ.-ի մեր շահառուները շարունակում են մեղվապահությունը, նրանցից շատերն ավելացրել են մեղուների թիվը և գոհ են ծրագրից: Գրանցվել է նաև մեղվաընտանքիների փոխանցում համայնքի մյուս անդամներին: 


Հանդիպմանը ներկա էր մեղվապահությամբ հետաքրքրված 22 կին և տղամարդ: Ծրագիրը ներկայացվեց ներկաներին, հնչեցին և քննարկեցին մտահոգությունները: Ծրագրի իրականացման բոլոր նախադրյալներն այնտեղ կան, քանի որ գյուղից գրեթե արտագաղթ չկա, չնայած այն գտնվում է Ադրբեջանի կողմից ուղղակի կրակոցների տակ: Ավելին, շատ երիտասարդներ պատրաստակամություն հայտնեցին սկսելու կամ ընդլայնելու մեղրի արտադրությունը:

Նոյեմբերի 7–ին ՀԱԵ Տավուշի թեմի «Արևիկ» սոցիալ-կրթական կենտրոնում և Տավուշի մարզի սահմանամերձ Ոսկեպար գյուղում ԵՀԽ հայաստանյան Կլոր սեղան հիմնադրամի կողմից իրականացվող «Ձայն խաղաղությանը» ծրագրի շրջանակում 43 երիտասարդների հետ կազմակերպվեց ֆոկուս խմբային քննարկում: Հանդիպումը վարեց Երևանի պետական համալսարանի միջազգային հարաբերությունների ֆակուլտետի դասախոս դոկտոր Խաչիկ Գալստյանը:


Մասնակիցները ներկայացրեցին իրենց ընկալումները կոնֆլիկտների և դրանց փոխակերպման ուղիների վերաբերյալ՝ նկարների, խմբային աշխատանքների և ընդհանուր քննարկման միջոցով: Վերհանվեցին նաև մասնակիցների առանջահերթ կարիքները կոնֆլիկտի փոխակերպման շրջանակներում՝ ծրագրի շրջանակներում կրթական ծրագիր մշակելու նպատակով: Հանդիպման ավարտին մասնակիցները հետաքրքրություն հայտնեցին կոնֆլիկտների փոխակերպման վերաբերյալ նախատեսվող դասընթացին մասնակցելու և իրենց գիտելիքները այս ոլորտում հարստացնելու հանդեպ: Դասընթացն իրականացել է «Շվեյցարիայի բողոքական եկեղեցիների միություն» (HEKS EPER) հիմնադրամի կողմից ֆինանսավորվող «Խաղաղության ձայնը» ծրագրի շրջանակում:

 

Սիրով հրավիրում ենք մասնակցելու մեդիա դասընթացների` նվիրված լրագրությանը և տեսանյութ պատրաստելուն: Դասընթացները կօգնեն և կնպաստեն Ձեզ հասկանալու`

  • Ինչու՞ և ինչպե՞ս զբաղվել գրագետ քաղաքացիական լրագրությամբ և նպաստել սեփական համայնքի զարգացմանը:
  • Ինչպես պատրաստել տեսանյութեր և տարածել ինֆորմացիան ինտերնետային միջավայրում:
  • Ինչպես վերհանել համայնքների խնդիրները և բարձրացնել հանրային իրազեկությունը:
  • Դասընթացի ավարտից հետո կկայանա մրցանակաբաշխություն 3 անվանակարգերում (Լավագույն լրագրող, Լավագույն տեսանյութ և Լավագույն հարթակ) լավագույնները կստանան մրցանակներ: Դասընթացը նախատեսվում է անցկացնել 2 օրվա ընթացքում` ս.թ. հոկտեմբեր ամսին:

Դասընթացներն անվճար են:
Երկօրյա դասընթացները, անհրաժեշտության դեպքում, կարող են անցկացվել շաբաթ կամ կիրակի օրերին:

 

Դիմում ներկայացնելու կարգը և վերջնաժամկետը`

Նախագծին մասնակցելու համար անհրաժեշտ է լրացնել հետևյալ (https://goo.gl/forms/Ah3gpZQ5phdqJAVl2) դիմում-հայտը մինչև ս.թ. հոկտեմբերի 7-ը:

Ընտրված երիտասարդները կտեկեղացվեն հարցազրույցի անցկացման օրվա և ժամի մասին:
Հարցերի դեպքում կարող եք զանգահարել Տավուշի թեմի «Արևիկ» սոցիալական կենտրոնի տնօրեն Մերի Առաքելյանին` հետևյալ հեռախոսահամարով` +374-77-005-001:
Դասընթացին կարող են մասնկացել բոլոր երիտասարդ (18-25 տարեկան) ցանկացողները:
Դասընթացին կարող են մասնակցել 18-25 տարեկան բոլոր ցանկացողները:

Ցանկալի է ունենալ Սմարթֆոն Android 4 կամ ավելի բարձր օպերացիոն համակարգով, որը կունենա տեսաձայնագրելու հնարավորություն և ինտերնետային միացում:


Դասընթացի կազմակերպիչներն են՝ ԵՀԽ հայաստանյան Կլոր սեղան հիմնադրամը և Տավուշի թեմի «Արևիկ» սոցիալական կենտրոնը:

Ձեռագործ աշխատանքներ, հուշանվերներ, Գավառի փախլավա, գաթա, կանեփով տոլմա, արևելյան քաղցրավենիք, համեմունքներ, Հաղարծնի մեղր, օշարակներ, մուրաբաներ էին ներկայացվել Եկեղեցիների համաշխարհային խորհրդի հայաստանյան Կլոր սեղան (Կլոր սեղան) հիմնադրամի տաղավարում: «Բերքի փառատոն 2018»-ին իրենց աշխատանքները և բերքն էին ներկայացրել Ջրվեժի, Քարակերտի, Գայի, Աշտարակի, Գավառի, Վարդենիսի, Իջևանի և Մեղրաձորի սոցիալական կենտրոնները, սիրիահայերի աջակցության ծրագրերի մասնակից սիրիահայ կանայք:


Գավառի կենտրոնը, օրինակ՝ ներկայացրել էր հետաքրքիր և յուրօրինակ ապրանք՝ կանեփով տոլմա: Մեծ պահանջարկ ունեին սիրիահայ կանանց ներկայացրած քաղցրավենիքը, ձեռքի աշխատանքները՝ սպասքի վրա, Կլոր սեղան հիմնադրամի կենտրոնները նույնպես յուրաքանչյուր տարվա պես, ներկայացրեցին իրենց աշխատանքները: Թեմերում գործող կենտրոններում գործում են տարբեր խմբակներ, որոնց մասնակիցները հաճախ են տարբեր ցուցահանդեսներին և փառատոներին ներկայացնում իրենց աշխատանքները:

Նոյեմբերի 29-ին ԵՀԽ հայաստանյան Կլոր սեղան հիմնադրամի աշխատակիցներն այցելեցին Տավուշի մարզի Ակնաղբյուր համայնք: Այնտեղ նրանք այցելեցին «Սահամանմերձ գյուղերի տնտեսական զարգացումը մեղվապահության միջոցով» ծրագրի շահառուներին: Այցն սկսվել էր համայնքի ղեկավարի հետ հանդիպումից: Համայնքի ղեկավարությունը բարձր է գնահատել Կլոր սեղանի ջանքերը և ծրագրի արդյունավետությունը՝ շահառուներին մեղրի արտադրության լավագույն փորձը փոխանցելու հարցում:


Համայնքի ղեկավարների հետ հանդիպումից հետո Կլոր սեղանի պատվիրակությունն այցելեց մեղվապահներին, որոնք ստացել են մեղվի փեթակներ, մեղվաընտանիքներ, ինչպես նաև նոր բիզնեսն սկսելու և նոր հմտությունները կիրառելու անհրաժեշտ գործիքներ:

 

 

 

 

 

 

 

 

 

 

ter AramWCC Armenia Round Table Foundation participated in a workshop organized in Dilijan by “Civil Society Institute” NGO.  Representatives of more than 40 NGOs, dedicated to the problems of Tavush region. Communities, Regional government, and Tavush Diocese of Armenian Apostolic Curch spoke about the problems and needs of the borderline communities of Tavush, and shared their projects to be implemented in 2017.  Once more special needs existing in the frontier were voiced and ways to overcome them shared. Armenia Round Table Foundation presented its activities in Tavush staring 2004;  In 2017 ART will assist the Diocesan  “Arevik” social center activities and some small projects here. 

ter AramԵՀԽ Հայաստանյան կլոր սեղան հիմնադրամի ներկայացուցիչները մասնակցեցին Տավուշի խնդիրներին նվիրված` «Քաղաքացիական հասարակության ինստիտուտ» ՀԿ-ն կազմակերպած աշխատանքային հանդիպմանը Դիլիջանում: Տավուշի սահմանամերձ համայնքներում առկա կարիքների ու խնդիրների մասին խոսեցին և իրենց այս տարվա անելիքները ներկացրեցին ավելի քան 40 ՀԿ-ների, համայնքների, մարզային կառույցների, ՀԱԵ Տավուշի թեմի ներկայացուցիչներ: Մեկ անգամ ևս բարձրաձայնվեցին սահմանի հատուկ կարիքները և դրանց հաղթահարման ուղիները: Հայաստանյան Կլոր սեղան հիմադրամն իր աշխատանքներն այստեղ սկսել է դեռևս 2004 թվականից, իսկ 2017-ին կօժանդակի թեմի «Արևիկ» սոցիալական կենտրոնի և այլ փոքր ծրագրերի:

Եկեղեցիների համաշխարհային խորհրդի Հայաստանյան կլոր սեղան (ՀԿՍ) հիմնադրամը հրավիրել էր գործընկերներին` նախատոնական միջոցառման ընթացքում ամփոփելու համար անցնող տարին: ՀԿՍ գործադիր տնօրեն Կարեն Նազարյանը ներկայացրեց բարեգործական ծրագրերի դինամիկան և պատասխանեց հարցերին:

Ջրվեժի Սուրբ Կաթողիկե եկեղեցու հովիվ  Տ. Կյուրեղ քահանա Տալյանը Սուրբ Ծննդյան քարոզի ընթացքում անդրադարձավ քրիստոնեության ժամանակակից մարտահրավերներին և բարեգործություն անելու կարևորությանը:

«Սուրբ Նշան» կրթամշակութային կենտրոնի երգչախումբը կատարեց Նուբար-Նուբար և Լուռ գիշեր երգերը: Հանդիպումն ավարտվեց Հայ առաքելական եկեղեցու Տավուշի թեմի առաջնորդ Տ. Բագրատ եպիսկոպոս Գալստանյանի` Պահպանիչ աղոթքով և ամանորյա բարեմաղթանքով:

ՀԿՍ նախատոնական միջոցառմանը մասնակցում էին Հայաստանում Գերմանիայի դեսպան Մաթիաս Քիսլերը, ներկայացուցիչներ ԵՄ պատվիրակությունից, ԱՄՆ դեսպանատնից, գործընկեր կազմակերպություններից: 

Միջոցառման երկրորդ մասում հյուրերը ճաշակեցին ՀԿՍ օժանդակությամբ հիմնադրված սոցիալական ձեռներեցության կենտրոնների  և սիրիահայ շահառուների պատրաստած համեղ սնունդը: Գայի, Քարակերրտի, Գավառի, Վարդենիսի, Ճամբարակի, Գուգարաց թեմի, Աշտարակի և Տավուշի թեմի սոցիալական կենտրոնների  և սոցիալական ձեռներեցության կենտրոնների ձեռքի աշխատանքի նմուշների ցուցադրություն-վաճառքի ընթացքում հանդիպման մասնակիցները կատարեցին գնումներ` այդպիսով նպաստելով մեր գործընկերների զարգացմանը: 

Տեսադարան

Պատկերասրահ

Հետադարձ կապ

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436

JoomShaper