Նորություններ

Սիրով հրավիրում ենք մասնակցելու մեդիա դասընթացների` նվիրված լրագրությանը և տեսանյութ պատրաստելուն: Դասընթացները կօգնեն և կնպաստեն Ձեզ հասկանալու`

  • Ինչու՞ և ինչպե՞ս զբաղվել գրագետ քաղաքացիական լրագրությամբ և նպաստել սեփական համայնքի զարգացմանը:
  • Ինչպես պատրաստել տեսանյութեր և տարածել ինֆորմացիան ինտերնետային միջավայրում:
  • Ինչպես վերհանել համայնքների խնդիրները և բարձրացնել հանրային իրազեկությունը:
  • Դասընթացի ավարտից հետո կկայանա մրցանակաբաշխություն 3 անվանակարգերում (Լավագույն լրագրող, Լավագույն տեսանյութ և Լավագույն հարթակ) լավագույնները կստանան մրցանակներ: Դասընթացը նախատեսվում է անցկացնել 2 օրվա ընթացքում` ս.թ. հոկտեմբեր ամսին:

Դասընթացներն անվճար են:
Երկօրյա դասընթացները, անհրաժեշտության դեպքում, կարող են անցկացվել շաբաթ կամ կիրակի օրերին:

 

Դիմում ներկայացնելու կարգը և վերջնաժամկետը`

Նախագծին մասնակցելու համար անհրաժեշտ է լրացնել հետևյալ (https://goo.gl/forms/Ah3gpZQ5phdqJAVl2) դիմում-հայտը մինչև ս.թ. հոկտեմբերի 7-ը:

Ընտրված երիտասարդները կտեկեղացվեն հարցազրույցի անցկացման օրվա և ժամի մասին:
Հարցերի դեպքում կարող եք զանգահարել Տավուշի թեմի «Արևիկ» սոցիալական կենտրոնի տնօրեն Մերի Առաքելյանին` հետևյալ հեռախոսահամարով` +374-77-005-001:
Դասընթացին կարող են մասնկացել բոլոր երիտասարդ (18-25 տարեկան) ցանկացողները:
Դասընթացին կարող են մասնակցել 18-25 տարեկան բոլոր ցանկացողները:

Ցանկալի է ունենալ Սմարթֆոն Android 4 կամ ավելի բարձր օպերացիոն համակարգով, որը կունենա տեսաձայնագրելու հնարավորություն և ինտերնետային միացում:


Դասընթացի կազմակերպիչներն են՝ ԵՀԽ հայաստանյան Կլոր սեղան հիմնադրամը և Տավուշի թեմի «Արևիկ» սոցիալական կենտրոնը:

Սիրով հրավիրում ենք մասնակցելու մեդիա դասընթացների` նվիրված լրագրությանը և տեսանյութ պատրաստելուն: Դասընթացները կօգնեն և կնպաստեն Ձեզ հասկանալու`

  • Ինչու՞ և ինչպե՞ս զբաղվել գրագետ քաղաքացիական լրագրությամբ և նպաստել սեփական համայնքի զարգացմանը:
  • Ինչպես պատրաստել տեսանյութեր և տարածել ինֆորմացիան ինտերնետային միջավայրում:
  • Ինչպես վերհանել համայնքների խնդիրները և բարձրացնել հանրային իրազեկությունը:
  • Դասընթացի ավարտից հետո կկայանա մրցանակաբաշխություն 3 անվանակարգերում (Լավագույն լրագրող, Լավագույն տեսանյութ և Լավագույն հարթակ) լավագույնները կստանան մրցանակներ: Դասընթացը նախատեսվում է անցկացնել 2 օրվա ընթացքում` ս.թ. հոկտեմբեր ամսին:

Դասընթացներն անվճար են:
Երկօրյա դասընթացները, անհրաժեշտության դեպքում, կարող են անցկացվել շաբաթ կամ կիրակի օրերին:

Դիմում ներկայացնելու կարգը և վերջնաժամկետը`

Նախագծին մասնակցելու համար անհրաժեշտ է լրացնել հետևյալ (https://goo.gl/forms/MZ5uV9KPOxfQHovH3) դիմում-հայտը՝ մինչև ս.թ. հոկտեմբերի 7-ը:
Ընտրված երիտասարդները կտեկեղացվեն հարցազրույցի անցկացման օրվա և ժամի մասին:
Հարցերի դեպքում կարող եք զանգահարել Հայ Առաքելական Եկեղեցու Շիրակի թեմի Սոցիալ-կրթական կենտրոնի աշխատակից Եսթեր Գրիգորյանին` հետևյալ հեռախոսահամարով ` +374-98-076-381:
Դասընթացին կարող են մասնկացել 18-25 տարեկան բոլոր ցանկացողները:
Ցանկալի է ունենալ Սմարթֆոն Android 4 կամ ավելի բարձր օպերացիոն համակարգով, որը կունենա տեսաձայնագրելու հնարավորություն և ինտերնետային միացում:


Դասընթացի կազմակերպիչներն են ԵՀԽ հայաստանյան Կլոր սեղան հիմնադրամը և Հայ Առաքելական Եկեղեցու Շիրակի թեմի Սոցիալ-կրթական կենտրոնը:

18 2Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի «Գարեգին Ա» կրթական կենտրոնում ընդունեց «Վորլդ Վիժըն» միջազգային բարեգործական կազմակերպության Միջին Արևելքի և Արևելյան Եվրոպայի տարածաշրջանային ֆորումի մասնակիցներին: Նրանց ուղեկցում էին Մայր Աթոռի Ներեկեղեցական հարաբերությունների գրասենյակի տնօրեն, «Վորլդ Վիժըն» Հայաստանի Խորհրդատվական խորհրդի անդամ Արժանապատիվ Տ. Պարույր քահանա Ավետիսյանը և ԵՀԽ Հայաստանյան Կլոր սեղան միջեկեղեցական բարեգործական հիմնադրամի տնօրեն, «Վորլդ Վիժըն» Հայաստանի Խորհրդատվական խորհրդի ատենապետ պրն. Կարեն Նազարյանը:


«Վորլդ Վիժըն» միջազգային բարեգործական կազմակերպության Միջին Արևելքի և Արևելյան Եվրոպայի տարածաշրջանային ղեկավար պրն. Բենգ Յեոնն Ամենայն Հայոց Կաթողիկոսին ներկայացրեց 21 երկրից Հայաստան ժամանած պաշտոնական պատվիրակության մոտ 40 անդամներին, որոնք հաջորդող օրերին Երևանում գումարելու են իրենց հերթական ֆորումը՝ շնորհակալություն հայտնելով Մայր Աթոռում Հայոց Հովվապետի հետ հանդիպելու և Ս. Պատարագին մասնակցելու համար:


18 3Այնուհետև հյուրերին իր օրհնությունն ու բարեմաղթանքները փոխանցեց Գարեգին Երկրորդ Հայրապետը: Նորին Սրբությունը, ներկայացնելով Խաչվերացի խորհուրդը, նշեց, որ այս տաղավար տոնին եկեղեցու յուրաքանչյուր անդամ անդրադարձ է կատարում Քրիստոսի փրկագործությանը: Այս առիթով Ամենայն Հայոց Կաթողիկոսը վստահություն հայտնեց, որ ներկաները, մասնակցելով Ս. Պատարագին, կհամակվեն աղոթքով և հաղորդ կդառնան օրվա խորհրդին:
Վեհափառ Հայրապետն իր գնահատանքը բերեց կազմակերպության անդամներին իրենց նվիրյալ և օգտաշատ ծառայության համար, որն իր բարի պտուղներն է տալիս թե՛ Հայաստանում և թե՛ Հայաստանից դուրս: Նորին Սրբությունը գոհունակություն հայտնեց նաև Հայոց Եկեղեցու և «Վորլդ Վիժըն»-ի միջև կրթական և սոցիալական ոլորտներում ձևավորված սերտ գործակցության առիթով: Հայոց Հովվապետը նաև խոսեց «Վորլդ Վիժըն»-ի աշխատանքներում ընդգրկված Արժանապատիվ Տ. Պարյուր քահանա Ավետիսյանի և պրն. Կարեն Նազարյանի նվիրյալ ծառայության մասին։


Հանդիպման ավարտին ներկաներն իրենց երախտագիտությունը հայտնեցին Ամենայն Հայոց Կաթողիկոսին` ջերմ հյուրընկալության և Հայրապետական օրհնության արժանանալու համար:Հանդիպմանը ներկա էին նաև Մայր Աթոռի Արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանն ու Գևորգյան հոգևոր ճեմարանի տեսուչ Հոգեշնորհ Տ. Գարեգին վարդապետ Համբարձումյանը:


Աղբյուր՝ Մայր Աթոռ Սուրբ Էջմիածնի տեղեկատվական համակարգ:

Ձեռագործ աշխատանքներ, հուշանվերներ, Գավառի փախլավա, գաթա, կանեփով տոլմա, արևելյան քաղցրավենիք, համեմունքներ, Հաղարծնի մեղր, օշարակներ, մուրաբաներ էին ներկայացվել Եկեղեցիների համաշխարհային խորհրդի հայաստանյան Կլոր սեղան (Կլոր սեղան) հիմնադրամի տաղավարում: «Բերքի փառատոն 2018»-ին իրենց աշխատանքները և բերքն էին ներկայացրել Ջրվեժի, Քարակերտի, Գայի, Աշտարակի, Գավառի, Վարդենիսի, Իջևանի և Մեղրաձորի սոցիալական կենտրոնները, սիրիահայերի աջակցության ծրագրերի մասնակից սիրիահայ կանայք:


Գավառի կենտրոնը, օրինակ՝ ներկայացրել էր հետաքրքիր և յուրօրինակ ապրանք՝ կանեփով տոլմա: Մեծ պահանջարկ ունեին սիրիահայ կանանց ներկայացրած քաղցրավենիքը, ձեռքի աշխատանքները՝ սպասքի վրա, Կլոր սեղան հիմնադրամի կենտրոնները նույնպես յուրաքանչյուր տարվա պես, ներկայացրեցին իրենց աշխատանքները: Թեմերում գործող կենտրոններում գործում են տարբեր խմբակներ, որոնց մասնակիցները հաճախ են տարբեր ցուցահանդեսներին և փառատոներին ներկայացնում իրենց աշխատանքները:

ԵՀԽ հայաստանյան Կլոր սեղան (ՀԿՍ) հիմնադրամի աջակցությամբ հիմնված «Սուրբ Մարիանե» սոցիալական կենտրոնը մասնակցեց Աշտարակում իրականացվող «Գինու և մշակույթի փառատոնին»։ Նման փառատոնն Աշտարակում իրականացվում էր առաջին անգամ և մեծ հետաքրքրություն առաջացրեց համայնքում:


Փառատոնի շրջանակում կազմակերպված ցուցահանդես-վաճառքին տարբեր մառաններ, գինետներ, մշակութային կազմակերպություներ ներկայացրեցին իրենց արտադրանքը։ Ցուցահանդեսին «Սուրբ Մարիանե» սոցիալական կենտրոնը ներկայացրեց շահառու կանանց և երեխաների կողմից պատրաստված իրերը՝ տարբեր տեսակի թափոններից ու թելերից հուշանվերներ, զարդարված ապակյա շշեր, կարի դասերի ընթացքում պատրաստված պայուսակներ, գրչամաններ, բրոշներ: Կենտրոնում գործող հրուշակեղենի խմբակի մասնակիցները թխել էին ավանդական Աշտարակի կլոր գաթա, որը նույնպես ներկայացված էր ցուցահանդես-վաճառքին։

«Սուրբ Մարիանե» կենտրոնի սեղանը հատկապես աչքի էր ընկնում ներկայացված իրերի յուրահատկությամբ, վառ գույներով, մեծ ուշադրության արժանանալով բազմաթիվ այցելուների, այդ թվում զբոսաշրջիկների կողմից: 

Ցուցահանդես վաճառքն անցավ բավականին հետաքրքիր, այցելուներն ու գնորդները հիանում էին ներկայացված իրերով, ոմանք էլ ցանկություն հայտնեցին ծանոթանալու կենտրոնի գործունեությանը հետագա համագործակցության նպատակով, պատվերներ տվեցին որոշ իրերի պատրաստման:

 

 

 

2018 թվականի սկզբին անցկացվեց «Հալեպ» ՀԿ-ի և ԵՀԽ հայաստանյան Կլոր սեղան հիմնադրամի կողմից կազմակերպված ամառային ճամբարը Լոռու մարզի «Կռունկ» ճամբարում: Ճամբարին մասնակցեց թվով 39 երիտասարդ, այդ թվում՝ Սիրիայից տեղահանված երիտասարդներ, ինչպես նաև երիտասարդներ Երևանից և Շիրակի մարզից: Ճամբարը կազմակերպվել էր «Սիրիահայ երիտասարդների պայծառ ապագա» ծրագրի շրջանակում:


Ճամբարի առաջին օրը մասնակիցներին դիմավորեց և ողջունեց Գուգարաց թեմի առաջնոդ Տ. Սեպուհ արքեպիսկոպոս Չուլջյանը: «Ես լիահույս եմ, որ այս ճամբարում անցկացրաց առաջիկա օրերը կունենան և կրթական, և հոգևոր նպաստ ձեր կյանքում,» - ասաց սրբազանը: Լոռու մարզը հայտնի է իր մեծաքանակ եկեղեցիներով և սրբատեղիներով: Ճամբարի կազմակերպիչները մասնակիցներին ուղեկցեցին դեպի Արդվիի վանք, Օձունի և Դսեղի եկեղեցիներ և այլ սրբատեղիներ և տեսարժան վայրեր:

Օձունի եկեղեցում մասնակիցները զրուցեցին Տեր Վրթանես քահանա Բաղալյանի հետ, որը ներկայացրեց եկեղեցու պատմությունը, ցույց տվեց եկեղեցու պատերին փորագրված արձանագրությունները: Օձունի եկեղեցին կառուցվել է 5-րդ և 7-րդ դարերում և վերակառուցվել 8-րդ դարում` Հովհաննես Գ Օձնեցի կաթողիկոսի (717- 728 թթ.) կողմից: Արդվիի Սուրբ Հովհաննես վանքում մասնակիցները հետաքրքիր փաստեր իմացան եկեղեցու մասին, որը հայտի է նրանով, որ այստեղ հանրաճանաչ ռեժիսոր Սերգեյ Փարաջանովը նկարահանել է «Նռան գույնը» ֆիլմը:

Դսեղում մասնակիցներն այցելեցին Սուրբ Գրիգոր Լուսավորիչ եկեղեցին: Բանաստեղծ Հովհաննես Թումանյանի տուն-թանգարանը նույնպես հետաքրքեց երիտասարդներին: Ճամբարի ընթացքում Գուգարաց թեմի քահանաները պարբերաբար այցելում էին մասնակիցներին, խորհուրդներ տալիս: Տեր Վահանն ու Տեր Ահարոնը երիտասարդների հետ զրուցեցին ժամանակակից աշխարհի խնդիրների և դրանք հաղթահարելու համար հոգևոր կրթության կարևորության մասին:


Ճամբարի մասնակից Սևան Կելեշյանը կիսեցտպավորությունները Տեր Վահանի հետ հանդիպման մասին, երբ վերջինս մասնակիցների հետ զրուցեց համացանցի վտանգների և երիտասարդների միջև միայնակության, մեկուսացման և դեպրեսիայի հետ ուղղակի կապի մասին: «Ես կարծում եմ, որ շատ կարևոր է քննարկել ժամանակակից խնդիրները հավատքով մարդկանց հետ: Մենք համացանցից օգտվում ենք ամեն օր և անգամ չենք մտածում դրա վտանգների մասին» ,- ասաց Սևանը՝ շարունակելով. «Տեր Վահանի և երիտասարդների ցույց տվեց, որ եկեղեցականներն այնտեղ չէին միայն եկեղեցին քարոզելու, այլ նաև երիտասարդների հետ ամենօրյա խնդիրների հետ զրուցելու»:

 

 

 

 

 DSC4462Եկեղեցիների համաշխարհային խորհրդի հայաստանյան Կլոր սեղան հիմնադրամի (ԵՀԽ Հայաստանյան Կլոր սեղան) ֆինանսավորմամբ շարունակվում են սիրիահայերի մասնագիտական դասընթացները՝ «Արտ հաուս» ուսումնական կենտրոնի և «Հալէպ» ԲՀԿ-ի հետ սերտ համագործակցությամբ: Ծրագրի շրջանակներում 40 սիրիահայ երիտասարդներ և կանայք տիրապետում են վարսահարդարի, դիմահարդարի, մատնահարդարի, սեղանի ձևավորման և տորթերի պատրաստման/ձևավորման, ինչպես նաև` հագուստի մոդելավորման և կարի մասնագիտական որակավորման հմտություններին: Հայկական Կարիտասը ծրագրի շահառուներին տրամադրում է աշխատանքային գործիքներ առաջին մասնագիտական քայլերն անելու նպատակով: Դասընթացի ֆինանսավորումն իրականացվել է շվեցարական FONDATION POUR L’AIDE AU PROTESTANTISME RÉFORMÉ (F.A.P.) կազմակերպության տրամադրած դրամաշնորհի միջոցով: Մասնագիտական կարողությունների զարգացման շնորհիվ նրանք կկարողանան ունենալ սեփական եկամուտ՝ կարիքները հոգալու և Հայաստանում արժանապատիվ կյանք ունենալու համար:


 DSC4464Անի Պլազա հյուրանոցի Նաիրի դահլիճում կայացած միջոցառմանը ներկա էին Սփյուռքի նախարարության, հայկական Կարիտասի, GIZ հայկական գրասենյակի և հայաստանյան Կլոր սեղանի աշխատակիցներ: Մասնագիտական դասընթացների մասնակից 40 սիրիահայ կանայք և երիտասարդներ ներկայացրեցին իրենց գործնական գիտելիքի առաջին արդյունքները՝ ցուցադրելով իրենց իսկ ձեռքով պատրաստված մոդելների, ինչպես նաև՝ սուրճի ընդմիջման համար պատրաստված սննդի ողջ տեղականին: Դասընթացներն իրականացրել է «Արտ Հաուս» ուսումնական կենտրոնը: Նախաձեռնությունը կյանքի է կոչվել Կլոր սեղան հիմնադրամի` Արտակարգ իրավիճակների արձագանքման ծրագրերի շրջանակում և մաս է կազմում «Սիրիահայ փախստականների կենսապայմանների բարելավում» ծրագրի:


«Սիրիահայերին աշխատանքով ապահովելը կարևոր խնդիր է, որի լուծմանն է ուղղված մեր ծրագրերի մի մասը: Այսօրվա միջոցառումն առիթ է ամփոփելու կատարած աշխատանքը: Այս դասընթացների շնորհիվ ավելի քան 170 սիրիահայ կանայք և երիտասարդներ հնարավորություն են ունեցել իրենց գիտելիքի շնորհիվ ձեռք բերել մասնագիտություններ, գումար վաստակել և բարելավել իրենց կենսապայմանները Հայաստանում»,-ասաց ծրագրի պատասխանատու Ալլա Սարկիսովան:


 DSC4475«Մենք այսօր սերմեր ենք ցանել, որոնց պտուղները կվայելեք հետագայում, կարևորը աշխատասիրությունն է, իսկ աշխատանք միշտ կա: Այս մասնագիտություններով սիրիահայերը կարող են վաստակել և՛ Հայաստանում, և՛ արտերկրներում»,- նշեց «Արտ Հաուս» կենտրոնի տնօրեն Լիլիթ Կարապետյանը:


Դասընթացի մասնակիցները նշեցին, որ ստացած գիտելիքով կփորձեն աշխատանք գտնել Հայաստանում և մնալ այստեղ` կառուցելով իրենց ընտանիքի ապագան: 2015թ. Անցկացված տարբեր դասընթացների մասնակիցներից Լենա Շամլյանը շեշտեց, որ ինքն ու քույրն արդեն ունեն աշխատանք և մշտական պատվերներ են կատարում տարբեր կազմակերպությունների համար:

 

Ծրագրի կարևոր բաղադրիչն է նաև սիրիահայ փախստականների սոցիալ-հոգեբանական աջակցությունը, որն իրականացվում է Հայ Առաքելական Եկեղեցու աջակցությամբ: Սիրիահայերի հետ աշխատում է Տեր Գրիգոր քահանա Գրիգորյանը Սուրբ Զորավոր Մարիամ Աստվածածին Եկեղեցում: Մեծահասակներն և երեխաները հաճախում են պատարագների ու ժամերգությունների, եկեղեցու սպասավորների հետ կիսում իրենց հոգսերը, ստանում խորհրդատվություն, մասնակցում տարբեր միջոցառումների, ուխտագնացությունների, ստանում հոգևոր և նյութական աջակցություն:

 

 

Լուսանկարները՝ Սուրեն Նազարյանի:

Սքիլշոփ կազմակերպության գրասենյակում տեղի ունեցան «Սիրիահայ երիտասարդների պայծառ ապագա» ծրագրի համակարգչային դասընթացների ավարտական հանդիպումները:

Ապրիլից ի վեր «Հալեպ» ՀԿ-ի և ԵՀԽ հայաստանյան Կլոր սեղան հիմնադրամի համատեղ «Սիրիահայ երիտասարդների պայծառ ապագա» ծրագրի շրջանակներում 20 սիրիահայ երիտասարդներ մասնակցում էին 3DsMax և Photoshop համակարգչային ծրագրերի դասընթացներին՝ Skillshop կազմակերպությունում: Դասընթացների նպատակն էր հայաստանաբնակ սիրիահայ երիտասարդ ճարտարապետներին և ինտերիերի դիզայներներին տրամադրել համապատասխան համակարգչային գիտելիքներ:

«Լիահույս եմ, որ վերջին մի քանի ամիսների ընթացքում ձեռք բերած գիտելիքներն ու հմտությունները կօգնեն ձեր պրոֆեսիոնալ կարիերայում` որպես ապագա ճարտարապետներ և դիզայներներ», - նշեց «Հալեպ» ՀԿ-ի գործադիր տնօրեն Սարգիս Պալխեանը: «Ապագայում ես ակնկալում եմ, որ կկարողանաք նախագծել բարձր որակի կառույցներ՝ մեր «Նոր Հայաստանը» կերտելով», ավելացրեց նա:

Պալխեանը և «Սիրիահայ երիտասարդների պայծառ ապագա» ծրագրի համակարգող Լաուրա Սամվելյանը տպավորված էին սիրիահայ երիտասարդ ճարտարապետների և դիզայներների ավարտական աշխատանքներով: «Մենք բարձր ենք գնահատում սիրիահայ ապագա մասնագետներին օգնելու այս հնարավորությունը: Միշտ հպարտ ենք աջակցելու ոգևորված երիտասարդներին», - նշեց Skillshop կազմակերպության գործադիր տնօրեն Արեգ Քեշիշեանը:

«Սիրիահայ երիտասարդների պայծառ ապագա» ծրագիրն իրականացվում է «Հալեպ» ՀԿ-ի և ԵՀԽ հայաստանյան Կլոր սեղան հիմնադրամի կողմից: Ծրագրի նպատակն է սիրիական հակամարտության հետևանքով Հայաստանում ապաստանած սիրիահայ երիտասարդներին տրամադրել նոր գիտելիքներ և հմտություններ՝ նպաստելով նրանց զարգացմանը և հայաստանյան քաղաքացիական կյանքում ինքնաիրացմանը, տրամադրելով հոգեբանական աջակցություն, ինչպես նաև տրամադրելով ֆինանսական աջակցություն սիրիահայ ուսանողներին և պրակտիկանտներին, կազմակերպով ուխտագնացություններ և ամառային ճամբարներ, այդ ամենով նպաստելով երիտասարդների ինտեգրմանը Հայաստանում: Իրականացված կարողությունների զարգացմանը նպաստող դասընթացներից են ճարտարապետական ծրագրերի ուսուցում, խոսակցական անգլերենի դասընթացներ, առաջին օգնություն և Microsoft Office-ի դասընթաց:

 

ԵՀԽ հայաստանյան Կլոր սեղան հիմնադրամի աջակցությամբ հիմնադրված՝ Արագածոտնի թեմի «Սուրբ Մարիանե» սոցիալական կենտրոնի երեխաների և մեծահասակների համար կազմակերպվեց հերթական ուխտագնացություն` դեպի Երևանի հոգևոր և մշակութային վայրեր: Ուխտագնացությունն իրականացվել էր World Vision Armenia կազմակերպության հետ համագործակցության շրջանակներում՝ վերջինիս հովանավորությամբ: Պայմանավորվածություն էր ձեռք բերել Երևանի Մանկական պատկերասրահի ղեկավարության հետ այցելության համար, իսկ կենտրոն հաճախող կանայք և երեխաները խմորեղենի դասին պատրաստել էին խաչապուրի և ավանդական հայկական գաթա:

Միջոցառմանը մասնակցեցին «Սուրբ Մարիանե» կենտրոնի 37 շահառու կանայք, երեխաներ, ինչպես նաև աշխատակազմը և Կենտրոնի հոգևոր պատասխանատու Տեր Փառեն քահանա Առաքելյանը։
Կատարվեց այցելելություն Արաբկիր համայնքի նորակառույց Սուրբ Խաչ և Աբովյան փողոցում գտնվող Սուրբ Աննա եկեղեցիներ: Առաջինում` հոգևոր հովիվ Տեր Բաբկեն քահանան, և երկրորդում` Տեր Զենոն քահանան ուխտավորներին ծանոթացրեցին եկեղեցիների պատմությանը, կատարվեց միասնական աղոթք, իսկ երեխաները երգեցին Տերունական աղոթքը և մի քանի շարական, ստացան հոգևորականների օրհնությունը:
image7Մանկական ստեղծագործության պատկերասրահում երեխաները և մեծահասակները, մեծ հետաքրքրությամբ ծանոթանում էին աշխարհի տարբեր երկրների երեխաների ցուցադրված ստեղծագործություններին՝ նկարներին, քանդակներին, գորգագործության նմուշներին։ Մի քանի դահլիճում ներկայացված էին հայ երեխաների աշխատանքները: «Սուրբ Մարիանե» կենտրոնում երեխաները և կանայք մասնակցում են նկարչության դասընթացների, և Աշտարակ քաղաքում արդեն կազմակերպվել է նրանց նկարների ցուցահանդեսը: 
Պատկերասրահ այցելության նպատակն էր երեխաներին ծանոթացնել այլ երեխաների ստեղծագործություններին: Վերջում Տեր Փառեն քահանան և երեխաներից մի քանիսը իրենց տպավորությունների մասին գրեցին գրառումների գրքում: Ուխտագնացության ավարտին մասնակիցներն այցելեցին Երևանի հանրահայտ սննդի կետերից մեկը, որից հետո բարձր տրամադրությամբ վերադարձան Աշտարակ:

 

33813950 1020708244760571 5009715244931481600 nԳեղարքունյաց թեմի համայնքային–կրթական կենտրոնը իր կենտրոնի շահառուների հայրենաճանաչողության, հոգևոր զարգացման համար կազմակերպում է ուխտագնացություններ դեպի Հայաստանի հոգևոր-պատմամշակութային վայրեր և այցելություններ տարբեր թանգարաններ և պատկերասրահներ:
Գեղարքունյաց թեմի առաջնորդ տ. Կիրակոս վրդ. Դավթյանի օրհնությամբ և աջակցությամբ, ինչպես նաև ԵՀԽ հայաստանյան Կլոր սեղան կազմակերպության աջակցությամբ, կենտրոնի սաները, երիտասարդներն ու ուսուցիչները Հայաստանի առաջին հանրապետության 100-ամյակի կապակցությամբ, հաճելի, օգտակար և ուսանելի օր անցկացրին Էջմիածնում և Սարդարապատում:


Սարդարապատում տոնական շքերթին մասնակցելուց հետո ուխտներն առ Աստված նորոգեցին Մայր Աթոռ Սուրբ Էջմիածնում և Սուրբ Հռիփսիմեի տաճարում: Մայր Աթոռում նրանց դիմավորեցին և ուղեկցեցին Գևորգյան հոգևոր ճեմարանի սաները՝ Նորայր և Նարեկ սարկավագները, որոնք ծանոթացրին ու պատմեցին Մայր Աթոռի կառույցների, խաչքարերի, տաճարի մասին, Գևորգյան հոգևոր ճեմարանում ծանոթացան ճեմարանի պատմությանն ու ճեմարանականների առօրյային: Հագեցած օրվանից հետո երեխաների հանգիստն ու ժամանցը կազմակերպվեց Սուրբ Գայանեի հարակից այգում:

Կենտրոնի մի խումբ երեխաներ, ուսուցիչներ և կամավորներ ուսանելի և օգտակար օր անցկացրին Երևանում: Երևանի Սուրբ Աննա եկեղեցում երեխաները աղոթեցին ու տ. Զենոն քահանայի օրհնությունը ստանալով՝ շարունակեցին իրենց էքսկուրսիան: Խեցեգործութան արվեստանոցում երեխաները ծանոթացան խեցեգործ-վարպետ Գարեգինի աշխատանքներին, նա երեխաների համար խեցեգործության վարպետության դաս անցկացրեց:
էքսկուրսիան շարունակվեց Գաֆեսճեան արվեստի կենտրոնում, որից հետո մասնակցեցին «Կարին» ազգագրական պարի խմբի կողմից հունիս ամսվա վերջին ուրբաթ օրը կազմակերպվող ազգային պարերի բաց դասին: Կենտրոնի կամավորների աջակցության շնորհիվ Էքսկուրսիան անցավ հետաքրքիր ու բազմաբովանդակ: 

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436