Նորություններ

Տավուշի մարզի Կիրանց համայնք կատարած այցելության ընթացքում բարեգործական կազմակերպությունների կոնսորցիումի անդամները համայնքի բնակիչների և ղեկավարության հետ մասնակցային մեթոդով կատարեցին կարիքների գնահատում: Հանդիպմանը մասնակցեց նաև Եկեղեցիների համաշխարհային խորհրդի հայաստանյան Կլոր սեղան հիմնադրամի ծրագրերի պատասխանատու Կարինե Բաղդասարյանը: Այցի և կարիքների գնահատման նպատակներից մեկն էլ այն էր, որպեսզի Կիրանցում հնարավորություն ստեղծվի սեփական ուժերով փոխել գյուղի կյանքը տարբեր զարգացման ծրագրերի միջոցով:


Կոնսորցիումի մասնակիցների հետ հանդիպման ընթացքում Կիրանց համայնքի ղեկավար Կամո Շահինյանը և համայնքի բնակիչները շեշտեցին, որ իրենք «օգնություն» չեն ուզում, այլ աջակցություն՝ «Աջակցել, որ մեր տեսլականը իրականություն դառնա»,- ընդգծեց Շահինյանը: Այն հարցին, թե ինչ կուզեն գործարան, թե ընտանեկան բիզնես, միահամուռ ընտրվեց երկրորդը, քանի որ այսպես մարդիկ իրենք իրենց ձեռքով եկամուտ են ապահովում, անկախ զարգացնում իրենց տնտեսությունները: Խումբն այցելեց նաև դպրոց և այգիներ:

Խնդիրները և հնարավորությունները


Կիրանցի 9-ամյա այս դպրոցը լիցենզավորված չէ և կարող է փակվել, քանի որ հարմարեցված շինություն է և 3-րդ կարգի վթարային է: Շատերը ստիպված երեխաներին տանում են Իջևան: Մեծ հավանականություն կա, որ դրոցը պետական ծրագրով կնորոգվի կամ նորը կկառուցվի: Դպրոցին անհրաժեշտ են ռուսաց լեզվի և ֆիզկուլտուրայի ուսուցիչներ: Ավագ դպրոցը գնտվում է Ն. Ծաղկավան համայնքում, ինչը խնդիրներ է ստեղծում՝ կապված ճանապարհածախսի և հաճախելիության հետ: Մանկապարտեզ և նախակրթարան չկա:


Բնակչությունը այգեգործությունը համարում է կարևոր ճյուղ, տնկվում են նոր այգիներ: Խնդիրը ցանկապատերի բացակայությունն է, որի պատճառով անասունը մտնում է նորատունկ այգիներ և վնասում տնկիները: Կրկին տնկելը և բերք ստանաալը տևում է ևս 5 տարի: Ցանկություն կա ընդլայնել այգիների, արքայամորու, ելակի ցանքատարածությունները, մշակել կիվի, արքայանարինջ և այլ բարձրարժեք մշակաբույսեր, ինչպես նաև զբաղվել չրի արտադրությամբ: Ավանդական և եկամտաբեր է նուշի մշակությունը: Բնակիչները հեռանկարային են համարում ծխախոտագործությունը:


Ոռոգման խնդիրները լուծված են 70 տոկոսով՝ չկան բաշխիչ բաժանարար կայաններ, բացակայում է ոռոգման ներքին ցանցը:


Գյուղում կա անասնաբույժի, կաթի ու մսի հանձնման կայանների կարիք: Մեղվաբուծությամբ զբաղվում է 15 մեղվաբույծ, կա մեղրաքամ մեքենայի խիստ կարիք: Շատերը ցանկություն հայտնեցին զբաղվել մեղվապահությամբ, իրացնելու խնդիր չկա, քանի որ մեղրի որակը բարձր է: Առաջարկ է եղել հիմնել վառելիք-բրիկետների արտադրության փոքրիկ արտադրամաս՝ օգտագործելով տեղի գոմաղբը և անտառի չորուկները:


Մանկապարտեզի և նախակրթարանի բացակայության պատճառով երիտասարդ կանայք աշխատելու հնարավորություն չունեն: 17 երիտասարդ ընտանիք ունի բնակարանի խնդիր: Գյուղը չունի գազամատակարարում: Կիրանցում չկա ակումբ կամ ազատ ժամանակն անցկացնելու այլ վայր:


Աջացության ծրագրեր նաև Նավուր համայնքի համար


Տավուշի կոնսորցիումի անդամները նախատեսում են զարգացման ծրագրեր իրականացնել նաև Տավուշի մարզի Նավուր համայնքում: «Մենք կլինենք 12-րդը Կոնսորցիումի 11 կազմակերպությունների կողքին, ովքեր աջակցելու են Նավուր համայնքին»,- կոնսորցիումի ներկայացուցիչների հետ հանդիպման ընթացքում նշել է Բերդ խոշորացված համայնքի ղեկավար Հարություն Մանուչարյանը: Հանդիպմանը մասնակցում էին նաև Նավուրի վարչական պատասխանատուն և գյուղի նախաձեռնող խմբի անդամները: Նավուրի վարչական պատասխանատու Արամ Նիկոյանը և գյուղի նախաձեռնող խմբի անդամները ներկայացրին համանքի կարիքներն ու առանձնահատկությունները, որից հետո Կոնսորցիումի անդամները հարց ու պատասխանի ձևով պարզաբանեցին իրենց հետաքրքրությունների ոլորտներին վերաբերող հարցերը:


Կոնսորցիումին անդամակցում են Եկեղեցիների համաշխարհային խորհրդի հայաստանյան Կլոր սեղան հիմնադրամը, Ամերիկայի Հայ Ավետարանչական ընկերակցությունը, «Շեն» բարեգործական հասարակական կազմակերպությունը, Հայաստանի մանուկներ հիմնադրամը (COAF), Զարգացման սկզբունքներ ՀԿ-ն, Հայ օգնության ֆոնդը, Վորլդ վիժն Հայաստանը, «Դասավանդի՛ր, Հայաստանը», Հայկական բարեգործական ընդհանուր միությունը (AGBU), Հայկական Կարիտասը և Դիակոնիա կազմակերպությունը:

 

Հունվարի 17-ին Եկեղեցիների համաշխարհային խորհրդի հայաստանյան Կլոր սեղան հիմնադրամի գործադիր տնօրեն Կարեն Նազարյանը հյուրընկալեց ՄԱԿ-ի հայաստանյան գրասենյակի պատվիրակությանը, որը գլխավորում էին Հայաստանում ՄԱԿ-ի մշտական համակարգող Շոմբի Շարփը, Հայաստանում ՄԱԶԾ մշտական ներկայացուցիչ Դմիտրի Մարիյասինը, ՄԱԿ-ի բնակչության հիմնադրամի հայաստանյան գրասենյակի գործադիր ներկայացուցիչ Ծովինար Հարությունյանը, այլ ներկայացուցիչներ: Հանդիպումը կազմակերպվել էր ՄԱԿ-ի բնակչության հիմնադրամի հայաստանյան գրասենյակի նախաձեռնությամբ և առաջարկով: 


Կարեն Նազարյանը հյուրերին ներկայացրեց Կլոր սեղան հիմնադրամի գործունեության ուղղությունները և հիմնական նպատակները: Նա Շոմբի Շարփին տեղեկացրեց, որ փետրվարին Կլոր սեղան հիմնադրամը կազմակերպելու է «Կայուն զարգացման նպատակները և եկեղեցին» վերնագրով համաժողով: Շոմբի Շարփը ողջունեց նման թեմայով միջոցառումը և ընդգծեց դրա անցկացման կարևորությունը:

ԵՀԽ հայաստանյան Կլոր սեղան հիմնադրամը 2010 թ.-ից սերտ համագործակցում է ՄԱԿ-ի բնակչության հիմնադրամի հետ: Համագործակցության գլխավոր ուղղությունները ներառում են ընտանիքում բռնությունների կանխարգելումը, սեռով պայմանավորված հղիության արհեստական ընդհատումների կանխարգելումը, գենդերային հիմնահարցերը: 

4Այնուհետև հյուրերին ընդունեց Ամենայն Հայոց Կաթողիկոս Գարեգին Երկրորդը: Հանդիպմանը ներկա էր նաև Մայր Աթոռի Վարչատնտեսական բաժնի տնօրեն, ԵՀԽ հայաստանյան Կլոր սեղան հիմնադրամի հոգաբարձուների խորհրդի նախագահ Գերաշնորհ Տ. Մուշեղ եպիսկոպոս Բաբայանը: Կարեն Նազարյանը Նորին Սրբությանը ներկայացրեց պրն. Շարփի գլխավորած պատվիրակությանը՝ անդրադառնալով Մայր Աթոռի կառույցների և Կլոր Սեղան հիմնադրամի հետ Հայաստանում ՄԱԿ-ի գրասենյակի համագործակցությանը և դրա հեռանկարներին: 

Ընդգծելով ՄԱԿ-ի գրասենյակի և Հայոց Եկեղեցու առաքելության ընդհանրությունը մի շարք ոլորտներում` պրն. Շոմբի Շարփը շնորհակալություն հայտնեց ՄԱԿ-ի գործակալությունների և եկեղեցական կառույցների միջև ձևավորված գործակցության առիթով` պատրաստակամություն հայտնելով էլ ավելի ընդարձակելու այն:

ՄԱԿ-ի մշտական համակարգողը փոխանցեց Վեհափառ Հայրապետին ՄԱԿ-ի գլխավոր քարտուղարության երախտագիտությունը Հայոց Եկեղեցու` միջկրոնական երկխոսության մեջ հետևողական ներգրավվածության և տարածաշրջանում խաղաղության վերականգնմանն ի նպաստ ծրագրերի իրականացման կապակցությամբ: 

Այնուհետև ներկաներին իր օրհնությունը բերեց Նորին Սրբություն Գարեգին Երկրորդ Կաթողիկոսը` գնահատելով Հայաստանում ՄԱԿ-ի գրասենյակի լայնածավալ գործունեությանը: ՄԱԿ-ի մշտական համակարգողի և Վեհափառ Հայրապետի հանդիպման մանրամասները՝ այստեղ: 

 

Արցախի, Արթիկի, Աշտարակի և Տավուշի կարիքավորներին և աշակերտներին ամանորյա անակնկալ նվերներով են այցելել Հայ Առաքելական Եկեղեցու հոգևորականները, թեմերի սոցիալ-կրթական կենտրոնի աշխատակիցները: Նախաձեռնությունն իրեկանացել է ԵՀԽ հայաստանյան Կլոր սեղան հիմնադրամի աջակցությամբ:


ArtikԱրցախի թեմի հոգևորականներն ամանորյա անակնկալ են մատուցել Արցախի ծերանոցին, Թաղավարդ գյուղի, Շուշիի և Ստեփանակերտի 34 բազմազավակ ընտանիքների, Շուշիի բանտում գտնվող 70 մարդու, Ստեփանակերտի Գիշերօթիկ դպրոցի 25 սաների:


Արթիկի թեմում հոգևորականները նվերներ են բաժանել Արթիկ քաղաքի, Անուշավան, Տուֆաշեն, Լեռնակերտ, Վարդաքար, Լուսակերտ, Հոտվաշեն, Նահապետավան, Սպանդարյան, Արևշատ համայնքների 60 կարիքավոր բնակչի:


Աշտակարի «Սուրբ Մարիանե» կենտրոնում ամանորյա միջոցառման ժամանակ նվերներ է ստացել 80 շահառու: Շնորհավորանքներից և նվերներ ստանալուց հետո Ձմեռ Պապին իրենց երաժշտական կատարումներով ուրախացրեցին կենտրոնի սաները:


48393315 1931492093827387 2987011177248194560 oԱյս տարի Տավուշի թեմի առաջնորդ Տեր Բագրատ եպիսկոպոս Գալստանյանի խորհրդով միջոցառումների ֆորմատը փոքր-ինչ փոփոխության էր ենթարկվել: Եթե անցած տարիներին թեմի կիրակնօրյա դպրոցների սաները ելույթ էին ունենում իրենց և իրենց ծնողների համար, ապա այս տարի նրանք ելույթներով հանդես եկան մանկապարտեզներում ու նախակրթարաններում, հանրակրթական դպրոցներում ու զորամասերում, իսկ Բերդում և Գոշում նրանք այցելել են իրենց համայնքների միայնակ ծերերին և նրանց հաղորդել սուրբծննդյան խորհուրդը: Ընդհանուր առմամբ նվերներ է ստացել Տավուշի մարզի կիրակնօրյա դպրոցներում և սոցիալ-կրթական կենտրոններ այցելող 1805 աշակերտ, որոնք ներկայացում էին մարզի մոտ 40 համայնք:

 

 

 

DSC 0239Իջևանի «Արևիկ» համայնքային կենտրոնում տեղի ունեցավ «Տավուշի երիտասարդների ձայնը սահմանից աշխարհին» ծրագրի փակման արարողությունը: Միջոցառման ընթացքում Հայ Առաքելական եկեղեցու Տավուշի թեմի առաջնորդ Տ. Բագրատ եպիսկոպոս Գալստանյանը և Լևոն սարկավագ Հակոբյանը վկայագրեր հանձնեցին ծրագրի մասնակիցներին: Երկամսյա ծրագրում ներգրավվածության շնորհիվ կենտրոնի պատանի շահառուները ստեղծել են «Տավուշի երիտասարդներ» բլոգը և կազմակերպել են բանավեճի ակումբ:

Ծրագրի ընթացքում պատանիները մասնակցել են «Մեդիա գրագիտության և հասարակության հետ կապերի», «Բլոգ վարելու հմտություններ» և «Նկարահանման և մոնտաժի հմտություններ» դասընթացներին: Նրանք սովորել են, թե ինչպես գրել լրագրողական նյութեր, նկարել լուսանկարներ և պատրաստել տեսանյութեր և ինչպես ընտրել, խմբագրել և միավորել տեսանյութերի առանձին մասեր` շարունակական ամբողջություն կազմելու համար: Պատանիները մեծ ոգևորությամբ ցանկանում էին օգտագործել իրենց գիտելիքները գործնականում` տեղադրելով ստեղծված նյութերը բլոգում:

Նրանց ներգրավումը բանավեճի ակումբում հնարավորություն է տալիս դաստիարակել ակտիվ և գրագետ երիտասարդ քաղաքացիներ, որոնք հեշտությամբ են արտահայտում իրենց մտքերը և ազատորեն քննարկում են համապատասխան խնդիրները: Ժամանակ առ ժամանակ մրցումներ են կազմակերպվում Տավուշի մարզի բանավեճի ակումբի պատանիների և այլ մարզերի բանավեճի ակումբների պատանիների միջև: «Տավուշի երիտասարդներ» բլոգի և բանավեճի ակումբի գործունեությունը մեծապես նպաստում է Տավուշի մարզում երիտասարդության ներուժի ակտիվացմանը և այդ ներուժի օգտագործմանը համայնքի և հասարակական կյանքի զարգացման համար:

 

Հունվարի 10-ին ԵՀԽ հայաստանյան Կլոր սեղան հիմնադրամի անձնակազմը մասնակցեց Ամանորի և Սուրբ Ծննդյան տոների առիթով կազմակերպված՝ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի և Մայր Աթոռի տարբեր կառույցներում պաշտոնավարող աշխարհական աշխատակիցների հանդիպմանը: Այն տեղի ունեցավ Մայր Աթոռ Ս. Էջմիածնի «Վաչե և Թամար Մանուկյան» Մատենադարանում:


Միասնական աղոթքից հետո Մայր Աթոռի Վարչատնտեսական բաժնի տնօրեն, Կլոր սեղան հիմնադրամի հոգաբարձուների խորհրդի նախագահ Գերաշնորհ Տ. Մուշեղ եպիսկոպոս Բաբայանը ներկաների անունից շնորհավորեց Նորին Սրբությանը բերկրաշատ տոների առիթով` վստահեցնելով, որ Մայր Աթոռի պաշտոնեությունը՝ իբրև մեկ ընտանիք, համախբված Ամենայն Հայոց Հայրապետի շուրջ, նոր տարում շարունակելու է իր գործուն նպաստն ու ներդրումը բերել Ս. Էջմիածնի առաքելության իրականացման սրբազան գործում:


Պաշտոնեության անունից Վեհափառ Հայրապետին շնորհավորական խոսք ուղղեց նաև Մայր Աթոռի երիցագույն աշխատակիցներից տիար Նորայր Խաչատրյանը: Վերջինս ընդգծեց, որ Վեհափառ Հայրապետի 20-ամյա գահակալության տարիներին հետևողական կերպով իրագործվել են բազմաթիվ ծրագրեր քարոզչական, կրթական, սոցիալական և եկեղեցաշինության ոլորտներում: Պրն. Խաչատրյանը Նորին Սրբությանը բարեմաղթեց ուժ, եռանդ և հաստատակամություն ազգի և Եկեղեցու առջև ծառացած մարտահրավերների հաղթահարման համար:


Այնուհետև Ամանորի և Ս. Ծննդյան տոների առիթով ներկաներին շնորհավորեց և իր հայրապետական օրհնությունն ու բարեմաղթանքները փոխանցեց Գարեգին Երկրորդ Ամենայն Հայոց Կաթողիկոսը:


Նորին Սրբությունը, իր ուրախությունը հայտնելով ավանդական դարձած հանդիպման կապակցությամբ, իր շնորհակալությունն ու գնահատանքը հայտնեց Մայր Աթոռի աշխատակազմին նվիրյալ ծառայության համար, որի շնորհիվ արդյունավորվում է Ս. Էջմիածնի առաքելությունը, պայծառանում Հայ Եկեղեցու հոգևոր կենտրոնը:


Վեհափառ Հայրապետն անդրադարձ կատարեց տարվա ընթացքում նախանշվող կարևոր ծրագրերին: Մասնավորապես, 2019 թվականը Ընտանիքի տարի հռչակելու առիթով Մայր Աթոռի կողմից կանցկացվեն հասարակության մեջ ընտանիքի արժևորման, ընտանեկան արժեքների և ամրության բարձրացմանն ուղղված միջոցառումներ: Նորին Սրբությունը տեղեկացրեց ընթացիկ տարում Ազգային-եկեղեցական ժողովի գումարման, Մայր Տաճարի ու Վեհարանի հիմնանորոգության աշխատանքների և եկեղեցական նոր ծրագրերի մասին: Վերջում Ամենայն Հայոց Կաթողիկոսը Մայր Աթոռի աշխատակիցներին մաղթեց քաջառողջություն, երջանկություն ու հաջողություններ իրենց կյանքում:

 

 

Ուրախություն պարգևելն առանձակի հաճույք է պարգևում: Գևորգյան հոգևոր ճեմարանի սաները, Գարեգին Բ Ամենայն Հայոց Կաթողիկոսի օրհնությամբ և ԵՀԽ հայաստանյան Կլոր սեղան հիմնադրամի աջակցությամբ ամանորյա զվարճալի միջոցառում էին կազմակերպել Իզմիրլյանկենտրոնի և Զատիկ աջակցության կենտրոնի սաների համար:
Ճեմարանին հյուրընկալված սաներն ընտրվել են ուսանողների անհատական այցելությունների միջոցով: Ճեմարանականների գլխավոր նպատակն էր սոցիալապես վատ վիճակում գտնվող երեխաների օրը լցնել ամանորյա տոների բերկրանքով և անմոռանալի հիշողություններով, ստեղծել նոր և ջերմ միջավայր երեխաների համար, որտեղ նրանք հնարավորություն կունենան ձեռք բերել նոր ընկերներ, քանի որ նրանք հիմնականում զրկված են ծնողական, ընկերական խնամքից և ջերմությունից, նոր միջավայրում նրանք հնարավորություն կունենան հնարավորինս ստանալ այդ ամենը։


Երեխաները միջոցառման սկզբում ճեմարանի փոխտեսուչ Տ. Ղևոնդ քահանա Տյոմկինի հետ արտասանեցին Տերունական աղոթքը, այնուհետև փոխտեսուչն ուրախ ժամանց մաղթեց հյուրերին: Նրանց համար առաջինը «Հիսուսի ծնունդը» վերնագրով տիկնիկային ներկայացում ցուցադրեցին Արաբկիրի հայորդյաց տան սաները: Այնուհետև Սուրբ Ծննդյան երգերով ելույթ ունեցան Կանթեղ երգչախմբի մանուկ երգիիչները: Վերջում Ձմեռ Պապն ու փոքրիկ Ձյունանուշը հյուրերին հրավիրեցին ուրախ շուրջպարի:


Ճեմարանականների խոսքով՝ նախաձեռնության շարունակելիությունը այն կլինի, որպեսզի գեղեցիկ ավանդույթ դառնա և ամեն տարի միախմբի երեխաներին և հարատև շփում ստեղծվի երեխաների և ճեմրանականների միջև, որոնք զբաղվում են դիակոնիկ աշխատանքներով:


Մյուս նպատակն է, որպեսզի Հայաստանում գտնվող բոլոր խավերի երեխաները միանման լավ և ջերմ օրեր ունենան միասին:
Միջոցառման մասնակիցները հիմնականում ճեմարանի 5-րդ լսարանի «Գործնական աստվածաբանություն» հոսքի սաներն են, որոնք ավարտելուց հետո նարգրավվում են սոցիալական ծառայություններում՝ դիակոնիայում:

13ԵՀԽ հայաստանյան միջեկեղեցական բարեգործական Կլոր սեղան հիմնադրամի աջակցությամբ կայացավ «Դաունի համախտանիշով երեխաների աջակցություն» թեմայի շուրջ հանդիպում-քննարկումը: Այն կազմակերպել էր «Արև-երեխաներ» ՀԿ-ն՝ «Դաունի համախտանիշով երեխաների բժշկական տեղեկատվության հասանելիության բարելավում» ծրագրի շրջանակում: Քննարկմանը ներկա էին ՀՀ կրթության, առողջապահության, աշխատանքի և սոցիալական հարցերի նախարարությունների, ՄԻՊ գրասենյակի, Երևանի քաղաքապետարանի աշխատակազմի հանրակրթության վարչության, ՄԱԿ-ի արդյունաբերական զարգացման կենտրոնի աշխատակիցներ, տարբեր բուժհաստատությունների բժիշկ-մասնագետներ և Դաունի համախտանիշ ունեցող երեխաների ծնողներ:

Երևանի Զորավոր Ս. Աստվածածին եկեղեցու հոգևոր հովիվ, «Արև-երեխաներ» ՀԿ-ի հոգաբարձուների խորհրդի նախագահ Տեր Գրիգոր քահանա Գրիգորյանը ողջունեց ներկաներին, նրանց փոխանցեց ԱՀԹ առաջնորդական փոխանորդ Գերաշնորհ Տ. Նավասարդ արք. Կճոյանի օրհնությունը և շնորհակալություն հայտնեց՝ քննարկմանը մասնակցելու համար: Տեր Հայրն իր երախտագիտությունը հայտնեց նաև «Արև-երեխաներ» ՀԿ-ի նախագահ Ռուզան Թամրազյանին, ատենապետ Լիլիթ Հայրապետյանին և ԵՀԽ հայաստանյան միջեկեղեցական բարեգործական Կլոր սեղան հիմնադրամի գործադիր տնօրեն Կարեն Նազարյանին, հիմնադրամի աշխատակիցներին՝ ծրագրին պատրաստակամորեն աջակցելու համար:

1Այնուհետև Տեր Գրիգորն անդրադարձավ «Արև-երեխաներ» ՀԿ-ի գործունեությանը, Դաունի համախտանիշ ունեցող երեխաների առողջության և զարգացման հետ կապված առկա խնդիրներին ու բացթողումներին, ներկայացրեց առաջին անգամ հայերենով հրատարակված «Դաունի համախտանիշ» ձեռնարկ ծնողների համար գրքույկը, որը նպատակ ունի օգնելու Դաունի համախտանիշով երեխաների ծնողներին, խնամակալներին և նրանց հետ աշխատող մասնագետներին ծանոթանալու այս համախտանիշով երեխաների առանձնահատկություններին, նրանց խնամքի, զարգացման և վարման կարգի ճիշտ մոտեցումներին:

Այնուհետև «Արև-երեխաներ» ՀԿ-ի գործունեությունը ողջունեց ԵՀԽ հայաստանյան միջեկեղեցական բարեգործական Կլոր սեղան հիմնադրամի աշխատակից Ալլա Սարգիսովան՝ նշելով, որ կազմակերպությունը լծվել է դժվարին և խնդրահարույց ոլորտի ուսումնասիրությամբ և որին սիրով իր աջակցությունը կբերի ԵՀԽ հայաստանյան Կլոր սեղան հիմնադրամը:

Ապա «Արև-երեխաներ» ՀԿ-ի նախագահ Ռուզան Թամրազյանը նշեց, որ ծրագրի արդյունքում բացի տեղեկատվության լայն տարածումից, բուժաշխատողների իրազեկումից, Դաունի համախտանիշով երեխաների վարման կարգի չափորոշչի մշակումից և ընտանիքներին ցուցաբերված սոցիալական աջակցությունից, թվով տասնհինգ ընտանիքների փոխարեն հոգեբանական աջակցություն են ստացել քառասունհինգ ընտանիքներ: ««Ճանաչեք և ընդունեք մեզ» կարգախոսն է կրում մեր ծրագիրը, որի շրջանակներում նկարահանվում է «Ես կարող եմ» վերնագրով սոցիալական տեսահոլովակը, ինչը նպատակ ունի ներկայացնելու, որ մեր Արև երեխաներն էլ կարող են անել այն ամենը, ինչ մենք՝ բոլորս»,- ասաց «Արև-երեխաներ» ՀԿ-ի նախագահը:

10«Արև-երեխաներ» ՀԿ-ի հոգեբան Սոնա Գրիգորյանը նշեց, որ առաջին փուլը բացահայտումն է, թե երբ, որտեղ, ում կողմից և ինչպես են ծնողները տեղեկանում, որ իրենք Դաունի համախտանիշով երեխա են ունենալու կամ ունեցել են: Կարևորվեց, թե ինչ ինտոնացիայով է ինֆորմացիան ասվում և ինչ ուղղորդում է տրվում. «Շատ հաճախ բժիշկները տեղեկատվությունը հայտնում են ոչ միայն այդ շրջանակի, այլև իրենց ունեցած կարծրատիպերի համաձայն, որն արտահայտում է ցավակցություն և ափսոսանք, նշում են՝ երեխան հատուկ մասնագիտացված կենտրոնում պետք է ապրի և երկար չի ապրի, նրան բույսի կյանք է սպասվում, ձեզ էլ՝ մեծ տանջանքներ, առաջարկում են հղիության ընդհատում, եթե դա հղիության ընթացքում է բացահայտվել»: Սոնա Գրիգորյանը ներկայացրեց, թե նման մոտեցման պարագայում ինչ հիմնական արձագանքներ են ունենում ծնողները, ինչպիսի աշխատանք է անհրաժեշտ, որպեսզի նրանք փուլ առ փուլ հաղթահարեն խնդիրները, իսկ հետագայում երեխաների հետ տարվող հոգեբանական աշխատանքների շնորհիվ ինչպես է հնարավոր լինում նրանց մոտ բացահայտել ներքին ռեսուրսները, հասնել ինքնաբացահայտման, հոգեկան հանգստության և ինքնօգնության մեխանիզմների ներդրման:

«ԱրԲեՍ» ԱԿ-ի բժիշկ-վերականգնողաբան Գայանե Զաքարյանը ներկայացրեց Դաունի համախտանիշով երեխայի հայտնի ֆենոտիպը, կլինիկական ու հիմնական տասը նշանները, տարածված բժշկական խնդիրները, Դաունի համախտանիշով երեխայի առողջության վերահսկման և առողջապահական ուղեցույցները, որ նպաստելու են երեխայի առողջ զարգացմանը:

ԵՀԽ հայաստանյան Կլոր սեղան (ՀԿՍ) հիմնադրամում տեղի ունեցավ հանդիպում-քննարկում Հայ Առաքելական Եկեղեցու թեմերում գործող սոցիալական կենտրոնների պատասխանատուների հետ: Շիրակի թեմի Սոցիալ-կրթական կենտրոնի պատասխանատու Կարինե Գյադուկյանն առաջարկեց դիմել համապատասխան մարմիններին, որպեսզի եկեղեցապատկան սոցիալական կենտրոնները ճանաչվեն սոցիալական աշխատանքի դերակատար և հավասարազոր սոցիալական ծառայություն մատուցող: Քննարկման մասնակիցները որոշեցին հաղորդագրությամբ դիմել համապատասխան մարմիններին՝  եկեղեցապատկան սոցիալական կենտրոնները սոցիալական աշխատանքի դերակատար և հավասարազոր սոցիալական ծառայություն մատուցող ճանաչելու վերաբերյալ: Որոշումն ընդունվեց՝ հաշվի առնելով առկա սոցիալական խնդիրները և փաստը, որ սոցիալական կենտրոնների մարզերի բնակչությանը տարբեր ուղղվածության կրթական և սոցիալական ծրագրերի իրականացման միջոցով ծառայությունների մատուցման երկարամյա փորձ ունեն։ Կարեն Նազարյանը նույնպես հավանության արժանացրեց այդ առաջարկը։ Նա նաև առաջարկեց ավելի հաճախ դարձնել հանդիպումները կենտրոնների պատասխանատուների հետ՝ ռազմավարությունը, գործընթացները և փոխհարաբերությունները գործընկերների հետ քննարկելոի համար:  

Հանդիպմանը մասնակցում էին Գուգարաց թեմի համայնքային զարգացման կենտրոնի, Տավուշի թեմի «Արևիկ» սոցիալ-կրթական կենտրոնի, Արմավիրի թեմի Քարակերտի Սուրբ Գրիգոր Նարեկացու անվան հոգևոր մշակույթի կենտրոնի, Արմավիրի Թեմի, Գայի «Սուրբ Նշան» կրթամշակութային կենտրոնի, Գեղարքունյաց թեմի Գավառի համայնքային կրթական կենտրոնի, Շիրակի թեմի Սոցիալ-կրթական կենտրոնի, Աշտարակի սոցիալական կենտրոնի, Ջրվեժի կրթական կենտրոնի, Վարդենիսի համայնքային կրթական կենտրոնի պատասխանատուներն ու աշխատակիցները, ինչպես նաև ՀԿՍ գործադիր տնօրեն Կարեն Նազարյանն ու ծրագրային պատասխանատուները:

Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը հաջողությամբ ավարտեց հումանիտար օգնության բաշխումը կարկտահարությունից առավել տուժած Լոռու մարզի Դսեղ և Շիրակի մարզի Հառիճ, Առափի և Ոսկեհասկ համայնքներում:
Ծրագրի իրականացման շրջանակում 4260 մարդ ստացավ մեկական պարկ ալյուր և արևածաղկի ձեթ, որը կապահովի յուրաքանչյուր ընտանիքի սնունդն առաջիկա 3 ամիսների համար:


Ծրագրի իրականացմանն աջակցեցին Հայ Առաքելական Սուրբ Եկեղեցու սոցիալական բաժինը՝ հանձին Տեր Մարկոս քահանա Մանգասարյանի, և նշված համայնքների հոգևոր հովիվները, ինչպես նաև՝ կամավորներ համայնքներից: Դսեղ, Ոսկեհասկ համայնքներում օգնության բաշխմանը մասնակցեցին նաև մարզպետարանների ներկայացուցիչները և ՀՀ տարածքային կառավարման և զարգացման նախարարի օգնական Արմեն Մարտիրոսյանը:

 

 

Children are dancing during the opening ceremonyՏեղի ունեցավ Ալավերդու համայնքի թիվ 3 մանկապարտեզի երկրորդ մասնաշենքի բացման հանդիսավոր արարողությունը: Սանաhին երկաթուղային կայարանում տեղակայված մանկապարտեզի վերանորոգումն իրականացվել է Եկեղեցիների համաշխարհային խորհրդի հայաստանյան Կլոր սեղան (ՀԿՍ) հիմնադրամի, «Հարավկովկասյան երկաթուղի» (ՀԿԵ) ՓԲԸ-ի և տեղական ձեռնարկությունների աջակցությամբ: ՀԿՍ-ն ֆինանսավորել է նոր դռների ու պատուհանների ու լամինատե հատակի տեղադրումը: ՀԿԵ-ին իրականացրել է տանիքի վերանորոգում և ներքին հարդարման աշխատանքներ, օգտագործելով սեփական նյութերը և աշխատուժը, ինչպես նաև մասնաշենքի կահավորումը, մանկապարտեզի բակի և խաղահրապարակի վերականգնումը:


ՀԿԵ-ի արհմիությունների միությունը տրամադրել է սարքավորումներ և նյութեր տաք ջրի և ջեռուցման համակարգի համար: Բացման արարողությանը ներկա էին մանկապարտեզի սաները, նրանց ծնողներն ու հարազատները, մանկապարտեզի աշխատակիցները, Ալավերդու քաղաքապետ Սասուն Խեչումյանը, Հայաստանում Ռուսաստանի Դաշնության Արտակարգ և լիազոր դեսպան Սերգեյ Կոպիրկինը, ՀԿԵ ՓԲԸ-ի գործադիր տնօրեն Սերգեյ Վալկոն, ՀԿԵ ՓԲԸ-ի Նյութատեխնոլոգիական ապահովման տնօրինության պետ Եվգենի Լադոշան, ՀՀ-ում ՌԴ Առևտրային ներկայացուցչության ղեկավար Անդրեյ Բաբկոն, բարերարներ ու հյուրեր:

 

 

 

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436