Նորություններ

Օգոստոսի 20-24-ը Գերմանիայի Լինդաու քաղաքում կայացել է «Կրոնները՝ հանուն խաղաղության» շարժման 10-րդ համաշխահային համաժողովը: Համաժողովին նախորդել էր կանանց և երիտասարդության հարցերով հանդիպումը:

Համաժողովը կազմակերպվել էր Գերմանիայի արտաքին գործերի դաշնային նախարարության և Բավարիայի մարզի աջակցությամբ: Համաժողովին մասնակցել է 100-ից ավելի երկրից ժամանած 900 կրոնական առաջնորդի, կառավարությունների ներկայացուցիչների, միջկառավարական կազմակերպությունների, քաղաքացիական հասարակության, կանանց և երիտասարդների հավատքահեն կազմակերպությունների ներկայացուցիչների: ԵՀԽ հայաստանյան Կլոր սեղան հիմնադրամից հանդիպմանը մասնակցել է ծրագրերի պատասխանատու Ծովինար Ղազարյանը:

20190819 090418

Համաժողովը նախաձեռնել է քննարկումներ «Հոգալով մեր ընդհանուր ապագայի մասին՝ կառուցենք ընդհանուր բարեկեցություն» թեմայով: Համաժողովի մասնակիցները կոչ են արել գործողություններ և գործակցություն սկսել համընդհանուր բարեկեցության համար: Միջոցառման ավարտին մասնակիցներն ընդունել են հռչակագիր, որով պատրաստակամություն են հայտնել նախաձեռներ գործողություններ ընդհանուր բարեկեցության համար՝ կանխելով և փոխակերպելով կոնֆլիկտները, աջակցելով արդար և ներդաշնակ հասարակության հաստատմանը, օժանդակելով կայուն և ինտեգրված մարդկային զարգացումը և պահպանելով Երկիրը:

«Ֆրեսկո 2019» արդի արվեստի և հոգևոր ֆիլմերի փառատոնի շրջանակում Երևանում կայացավ հոգևոր և կրոնական ֆիլմերի փառատոների ներկայացուցիչների հանդիպում- քննարկումը՝ «Մարդը՝ նշանակետի տակ» խորագրով: Հայ Եկեղեցու համաշխարհային երիտասարդական միության (ՀԵՀԵՄ) շենքում կայացած կոնֆերանսին ներկա էին Իտալիայում, Լեհաստանում, Ռուսաստանում, Ուկրաինայում և Հայաստանում անցկացվող հոգևոր և կրոնական ֆիլմերի փառատոների ներկայացուցիչները: Նրանք Հայաստան են ժամանել «Ֆրեսկո 2019»-ին մասնակցելու, փառատոնի ընթացքում իրենց փառատոներին մասնակցած որոշ ֆիլմեր ցուցադրելու և հանդիպումներին ու քննարկումներին մասնակցելու նպատակով:

IMG 2187
Մասնակիցներն իրենց փառատոները ներկայացնելուց հետո քննարկեցին կինոյի մեջ հոգևորի ազդեցությունը, հաշմանդամության թեման կինոյի մեջ, համագործակցության հեռանկարներն ու հնարավորությունները:

IMG 2191


«Ֆրեսկո 2019» արդի արվեստի և հոգևոր ֆիլմերի փառատոնն անցկացվում է օգոստոսի 23-30-ը: Փառատոնն անցկացվում է Մայր Աթոռ Սուրբ Էջմիածնի և ԵՀԽ հայաստանյան Կլոր սեղան հիմնադրամի աջակցությամբ:

IMG 2193


Փառատոնի մասին առավել մանրամասն՝ այստեղ:
Փառատոնի ծրագիրը՝ այստեղ:

 

Օգոստոսի 24-30-ը Երևանում և մարզերում կանցկացվի «Ֆրեսկո» արդի արվեստի և հոգևոր ֆիլմերի վեցերորդ միջազգային փառատոնը: Հայաստանն այդ օրերին կվերածվի մշակութային ժողովրդական տոնի՝ ծավալվելով թե Երևանի սրտում, թե մարզերի պատմամշակութային վայրերում: Սուրբ Աննա եկեղեցու հարակից տարածքում, Նկարիչների միությունում, Հայ Առաքելական Եկեղեցու համաշխարհային երիտասարդական միության շենքում տեղի կունենան ֆիլմերի դիտում-քննարկումներ, համերգային ծրագրեր, վարպետության դասեր: Կինոդիտում կկազմակերպվի Սաղոմսավանքում։ Իր տեսակով Հայաստանում եզակի «Ֆրեսկո» ճամբարները, ոչ միայն հասարակության ու հատկապես երիտասարդ սերնդի լայն շրջանակներին ներգրավելու հրաշալի միջոց են, այլև՝ Հայաստանը ճանաչելու նոր ձևաչափ:
Ամեն տարի փառատոնն իր շուրջն է համախմբում տարբեր երկրներից հոգևորականների, արվեստագետների, կինոգործիչների և այլ մտավորականների: Այս տարի հազարից ավել հայտերից փառատոնում ընդգրկվել են 10-ից ավելի երկրներից 37 ֆիլմ, ինչպես նաև միջազգային ճանաչում ունեցող հյուրեր:

IMG 2083
«Ֆրեսկո 2018»-ն անցկացվում է Մայր Աթոռ Սուրբ Էջմիածնի աջակցությամբ: Գլխավոր գործընկերն է Եկեղեցիների համաշխարհային խորհրդի հայաստանյան Կլոր սեղան (ՀԿՍ) միջեկեղեցական բարեգործական հիմնադրամը:


Ֆրեսկո 2019 փառատոնի ծրագիրը կարող եք ներբեռնել այստեղից:

 

Ֆրեսկո արդի արվեստի և հոգևոր ֆիլմերի
փառատոնի ընդհանուր նկարագիրը


Ֆրեսկո՝ կինոփառատոնի նոր բանաձև:
«Ֆրեսկո» միջազգային նախաձեռնությունն առաջարկում է փառատոնի անցկացման բոլորովին նոր` հանրության մեջ արմատացած պատկերացումներից տարբերվող ձևաչափ: Փառատոն, որի նպատակը հոգևոր ասելիք ունեցող համաշխարհային միջոցառումների և մշակութային նմուշների ցուցադրությունն է և դրանցում արծարծված հարցերի վերաբերյալ առողջ և ազատ հանրային քննարկումների կազմակերպումը:


«Ֆրեսկո». ոչ ֆորմալ մոտեցում:


«Ֆրեսկոն» մասնակիցներին փառատոնի անցկացման ոչ ֆորմալ մոտեցում է ներկայացնում փառատոնի բոլոր փուլերում` կինոդիտումից մինչև միջոցառումների անցկացման վայրեր, նստարանից մինչև մրցանակ: Հայաստան բերված հրաշալի ֆիլմերը, ֆոտոցուցահանդեսները և ներկայացումները դուրս են բերվում կինոդահլիճներից ու բառիս բուն իմաստով մտնում փողոց:
Փառատոնի մի մասն անցկացվում է Երևանից դուրս` Հայաստանի գեղատեսիլ անկյուններում: Մասնակիցները հնարավորություն են ստանում մասնակցելու Հայաստանում իր նախադեպը չունեցող ճամբարների:

Վրանային կինոճամբարներ ՀՀ մարզերում:


Սիրելու առաջին քայլը ճանաչելն է:


Ցուցադրությունների համար ընտրելով Հայաստանի պատմամշակութային կարևոր կենտրոնները` փառատոնը մասնակիցներին առանց ճնշող պարտադրանքի «ստիպում է» ճանաչել այդ հուշարձանները, տեղի նիստուկացը, շփվել բնության, տեղի բնակիչների հետ: Վրաններ, ազգային հյուրասիրություն, երգ-երաժշտություն, տեղանքին համապատասխան ֆիլմ ու խարույկի շուրջ կազմակերպված քննարկումներ:
«Ֆրեսկո» կինոծրագիր՝ խոսում ենք մարդասիրության լեզվով:


Փառատոնին մասնակցում են խաղարկային և վավերագրական տարբեր ձևաչափերի ֆիլմեր, որոնցում դատապարտվում են պատերազմները, բռնությունը, ազգային, կրոնական խտրականությունը, մարդկային գործոնների հետևանքով ծագած էկոլոգիական աղետներն ու... քարոզվում խաղաղություն, հանդուրժողականություն, մարդասիրություն և համամարդկային այլ արժեքներ: Ֆիլմերին հաջորդող քննարկումներին մասնակցում են ոչ միայն ժապավենի ստեղծողները, ալև ֆիլմում արծարծված խնդիրներին անմիջականորեն առնչվող հերոսներ, ոլորտի պատասխանատուներ:

IMG 2121

Ֆիլմերի Մրցանակները շնորհվում են հետևյալ անվանակարգերում`


Լավագույն ուղերձ «Հավատ»,
Լավագույն ուղերձ «Հույս»,
Լավագույն ուղերձ «Սեր»,
Լավագույն ուղերձ «Խաղաղություն»,
Լավագույն ուղերձ «Քաջություն»,
Լավագույն ուղերձ «Մարդասիրություն»,
Լավագույն ուղերձ «Հայրենասրություն»:

Ռոքից դասական, ազգայինից-հոգևոր:


Արդի արվեստի և դասական մշակույթի համադրություն «Ֆրեսկոն» համախմբում է տարբեր սերնդի և ճաշակի պատկանող հանդիսատեսի՝ ռոքից մինչև դասական, դասականից մինչև ժողովրդական:
Յուրաքանչյուր փառատոնային օրվա մեկնարկը հայտարարվում է համերգային ծրագրով:

IMG 2158

Տարվա խորհրդանիշերը:


Ֆրեսկոյի մարդասիրական ուղերձներն աշխարհին
Ամեն տարի փառատոնի հարյուրավոր կամավորների ձեռքով պատրաստում են փառատոնի խորհդանիշերը՝ հուշանվերները, որոնք ունենում են իրենց ուղերձը: Հուշանվերների հազարավոր օրինակները հանդիսավոր կերպ՝ բեմականցմամբ բաժանվում են հանրությանը: Այս փոքրիկ հուշանվերները ոչ միայն գեղեցիկ խորհրդանիշ են այլև երիտասարդներին և խոցելի խմբերին միավորելու և ներառական կրթության միջոց:
Մոմեր, աղոթքներ, հայկական խաչքարեր, մրցանակներ:
Փառատոնի աշխատանքներում ներգրաված են ավելի քան 200 կամավորներ:

Հատուկ ծրագրեր:


Միասին կարող ենք…


«Ֆրեսկոն» առանձնակի նշանակություն է տալիս սոցիալական հատուկ խմբերի հետ աշխատանքներին՝ հատկապես սահմանափակ կարողություն ունեցող անձանց, մանկատան սաներին, ովքեր ոչ միայն մասնակից են բոլոր միջոցառումներին, այլ ակտիվորեն ներգրավված են փառատոնի կազմակերպչական աշխատանքներում: Փառատոնի մրցանակները հատուկ մասնագիտացված մանկատան սաների ձեռքերով:

20190717 120103ԵՀԽ հայաստանյան Կլոր սեղան հիմնադրամի աջակցությամբ «Ուսանողական ջոկատների հանրապետական շտաբ - կամավորական աշխատանքների ծառայություն» ՀԿ-ն իրականացնում է «Աշխատանքի միջազգային կամավորական ճամբարներ» ծրագիրը: Այս տարի ծրագիրը նախատեսել է 12 ճամբար ՀՀ տարածքում` Հանրապետական մանկական վերականգնողական կենտրոնում, Զվարթնոց տաճարում, Տեսողական խանգարում ունեցող երեխաների հատուկ դպրոցում, Աբովյանի և Իջևանի ՍՈՍ մանկական գյուղերում, Երևանի բուսաբանական այգում, «Դիակոնիա» բարեգործական հիմնադրամի «Հույսի ավան» թաղամասում, Մխիթար Սեբաստացի կրթահամալիրում և Թումո ստեղծարար տեխնոլոգիաների կենտրոնում։ Ճամբարներին մասնակցում են երիտասարդներ Հայաստանից, Մեքսիկայից, Ֆրանսիայից, Իսպանիայից, Ռուսաստանից, Սերբիայից, Սլովենիայից, Թայվանից և այլ երկրներից:

20190717 114413

Կլոր սեղան իմնադրամի ծրագրերի պատասխանատուի օգնական Հարություն Կարապետյանն այցելեց Ջվարթնոց տաճարում գործող ճամաբար, որը սկսել էր իր աշխատանքները հուլիսի 13-ից: Ճամբարում աշխատում է 13 երիտասարդ, որոնք ընդգրկված են Զվարթնոց տաճարի և ճամբարի հարակից տարածքների բարեկանգման աշխատանքում: Կամավորների համար ստեղծվել են աշխատանքի համար անհրաժեշտ պայմաններ: Երիտասարդները կիսեցին իրենց տպավորությունները Հայաստանի պատմամշակութային արժեքների վերաբերյալ, ինչպես նաև հայտնեցին իրենց գոհունակությունը նման ճամբարներ կազմակերպելու համար:

Ավարտվեց Հայաստանի Աստվածաշնչային Ընկերության ամառային էկումենիկ ճամբարը` համագործակցությամբ ԵՀԽ հայաստանյան Կլոր սեղան հիմնադրամի, որն այս տարի տեղի ունեցավ հուլիսի 8-13-ը՝ Հայ Առաքելական Եկեղեցու Գուգարաց թեմի «Ծիծեռնակ» ճամբարում: Ծրագրին մասնակցել են 11-16 տարեկան 63 պատանիներ, 7 ջոկատավարներ, 2 սարկավագներ և 8 ղեկավար կազմ: Պատանիները ճամբարային հագեցած 6 օրվա ընթացքում մասնացկել են տարբեր մրցույթների, վիկտորինաների, սեմինարների, դասընթացների և այլ բովանդակալից միջոցառումների: Քննարկվող թեմաներից են եղել ընտանեկան բռնության կանխարգելումը, անցկացվել են աստվածաշնչյան ընթերցումներ, հայկական ավանդույթների և ծեսերի մասին լսումներ, խեցեգործության դասընթացներ, հանդիպումներ հոգեբանի հետ:

Հիանալի շենքային պայմաններ ունեցող ճամբարի մասնակիցների թվում էին պատանիներ Հայ Առաքելական, Հայ Կաթողիկէ, Հայ Ավետարանական Եկեղեցիներից, ասորի, հույն և եզդի համայնքներից: Նրանց ուղեկցել, և հոգևոր գիտելիք են փոխանցել Գևորգյան հոգևոր ճեմարանի ուսանողները, Հայ Առաքելական եկեղեցու հոգևորականներ: Դասընթացներ են անցկացրել առաջատար մասնագետներ, փորձագետներ: Այս տարի առաջին անգամ է, որ ճամբարի կազմակերպիչները որոշել էին ընդգրկել նաև տղաներին:

Արտաշատից ժամանած Մարիամը նշում է, որ իր համար ճամբարը նշանավորվել է նոր ընկերների ձեռքբերումով, նոր հոգևոր գիտելիքի պաշարով և անչափ հետաքրքիր և հագեցած առօրյայով:

Ասորի համայնքից Արաքսյա Ավչիևան իրեն համայնքի պատանիների ջոկատավարն է: Ասում է, որ աննկարագրելի և հույժ օգտակար 6 օր են անցկացրել: «Անշուշտ, կարևոր է, որպեսզի մեր համայնքը շփվի այլ համայնքների հետ: Այդպես մենք միմյանց ավելի լավ ենք ճանաչում»,- նշում է Ավչիևան: Լուսինե Ավչյանը փաստում է. «Ես նախկինում մի քանի ճաբարների եմ մասնակցել: Եթե առաջ օրերն էի հաշվում, թե երբ եմ վերադառնալու տուն, այս ճամբարից չեմ ուզում հեռանալ: Մայրս այնքան զարմացած էր, որ նման փոփոխություն է եղել իմ մեջ: Ես արցունքն աչքերիս եմ բաժանվելու ընկերներիցս»:

Ասորի համայնքից Իոսիֆ Աբրամովը, Անդրեյ Միրզոևը և Հրանտ Գրիգորյանը համաձայն էին ջոկատավարի հետ: Նրանք հատկապես կարևորեցին ասորի ժողովրդի մասին պատմելու հնարավորության և նոր ընկերներ ձեռք բերելու հնարավորությունները:

Կիսով չափ ասորի Աննա Ղազարյանն էլ ասում է. «Այս ճամբարի շնորհիվ ես ավելի սկսեցի հետաքրքրվել իմ ասորական արմատներով: Ասորերեն ես սովորել եմ տատիկիցս: Հիմա ավելի շատ ուշադրություն կդարձնեմ: Մինչև հիմա ես ակտիվորեն ներգրավված եմ եղե Հայ Առաքելական Եկեղեցու համայնքին»,- ասում է Աննան:

Ճամբարը եզրափակվեց հայկական ավանդական երգերով ու պարերով, ինչպես նաև ծեսերի բեմականացմամբ:

ԵՀԽ հայաստանյան Կլոր սեղան հիմնադրամում տեղի ունեցավ հոգաբարձուների խորհրդի հերթական ժողովը: Այն նախագահեց Կլոր սեղան հիմնադրամի հոգաբարձուների խորհրդի նախագահ Գերաշնորհ Տ. Մուշեղ եպիսկոպոս Բաբայանը: Ժողովին մասնակեցին Կլոր սեղան հիմնադրամի հոգաբարձուների խորհրդի անդամներ Արժանապատիվ Տ. Վահրամ քահանա Մելիքյանը, Տ. Պարույր քահանա Ավետիսյանը, Հայ Կաթողիկէ եկեղեցու ներկայացուցիչ Տ. Կոմիտաս Դավեյանը, Կլոր սեղան հիմնադրամի գործադիր տնօրեն Կարեն Նազարյանը, ծրագրերի պատասխանատու Ծովինար Ղազարյանը, գործադիր տնօրենի օգնական Լուսինե Աղաջանյանը:

Հանդիպումը սկսվեց նախորդ ժողովի արձանագրության հաստատմամբ: Այնուհետև Կարեն Նազարյանը և Ծովինար Ղազարյանը ներկայացրեցին Կլոր սեղան հիմնադրամի եռամյա ծրագրերի գերակա ուղղությունները, որոնց վերաբերյալ ծավալվեց քննարկում: Ծովինար Ղազարյանը հոգաբարձուների խորհրդի անդամներին ներկայացրեց Կլոր սեղան հիմնադրամի արտաքին գնահատման առաջարկների իրականացման պլանը: Այդ թեմայով նույնպես մասնակիցներն անցկացրեցին քննարկում: Հաջորդիվ Կլոր սեղան հիմադրամի գործադիր տնօրեն Կարեն Նազարյանը ներկայացրեց տեղեկություններ Գերմանիայում հունիսին կայացած Էկո աստվածաբանության ժողովի մասին: Ժողովն ավարտվեց Կլոր սեղան հիմնադրամի ընթացիկ հարցերի քննարկմամբ:

ԵՀԽ հայաստանյան Կլոր սեղան հիմնադրամի նախաձեռնությամբ Հայ Առաքելական Եկեղեցու Տավուշի թեմի Արևիկ սոցիալ-կրթական կենտրոնում տեղի ունեցավ հակամարտությունների փոխակերպմանը նվիրված ոչ ֆորմալ կրթական դասընթացի հերթական հանդիպումը: Հանդիպման սկզբում Գյումրիից ժամանած մասնակիցները և Իջևանի խմբի անդամները մասնակցեցին Կլոր սեղան հիմնադրամի հանրային կապերի պատասխանատու Դավիթ Մուրադյանի անցկացրած մեդիա դասընթացին: Այդ ընթացքում նրանք իմացան հեռախոսով նկարահանում և մոնտաժ անելու հիմնարար սկզբունքների մասին, կատարեցին գործնական աշխատանք:


Հակամարտությունների փոխակերպմանը նվիրված դասընթացը և ծրագրերի ներկայացումն անցկացրեցին Կլոր սեղան հիմնադրամի ծրագրերի պատասխանատուի օգնական Հարություն Կարապետյանը, և վերապատրաստում անցած Էրինե Ղարայանն ու Վլադիմիր Պողոսյանը: Հանդիպման ավարտին դասընթացի մասնակիցները ստացան մասնակցության հավաստագրեր:


Դասընթացները կօգնեն երիտասարդներին ստանալ բազային գիտելիք կոնֆլիկտների ծագման և զարգացման օրինաչափությունների վերաբերյալ, զարգացնել կոնֆլիկտների հետ աշխատանքի վերլուծական ունակությունները, նպաստել կոնֆլիկտների ստեղծագործական փոխակերպման, ոչ ստանդարտ ու նորարարական մտածելակերպի ձևավորմանը: Այն նաև կօգնի փոխել վերաբերմունքը ինչպես կոնֆլիկտների ընկալման, այնպես էլ դրանց փոխակերպման հնարավորությունների նկատմամբ:

Դասընթացն անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակներում՝ Շվեյցարիայի բողոքական եկեղեցիների միության (HEKS/EPER) աջակցությամբ:


Իջևան կատարած այցի շրջանակում Կլոր սեղան հիմնադրամը իրավունքի տարբեր տեսակներին, առաջնորդությանը, Հայոց Ցեղասպանությանն առնչվող մասնագիտական գրականություն և ձեռնարկներ հանձնեց Երևանի պետական համալսարանի Իջևանի մասնաճյուղի գրադարանին:

«Սիրիահայ երիտասարդների պայծառ ապագա» ծրագրի շրջանակում, որն իրականացվում է «ՀԱԼԵՊ» հայրենակցական բարեսիրական հասարակական կազմակերպության կողմից՝ ԵՀԽ հայաստանյան Կլոր սեղան հիմնադրամի ֆինանսավորմամբ, սիրիահայ և տեղացի երիտասարդներն այցելեցին Երևանի մանկատներից մեկը։

IMG 1884


Նախքան այցելությունը երիտասարդները պատրաստեցին մի քանի արևելյան կերակրատեսակ՝ մանկատան սաներին արևելյան խոհանոցի յուրահատուկ ուտեստներին ծանոթացնելու համար։ Մանկատանը երիտասարդները ծանոթացան տարբեր տարիքային խմբերի պատկանող երեխաների ու կենտրոնի անձնակազմի հետ և ջերմ մթնոլորտում միասին համտեսեցին պատրաստված կերակուրները։ Երեխաներին ուրախացրեց այն փաստը, որ կերակուրները պատրաստվել էին անձամբ երիտասարդների կողմից։ Միասին ճաշելուց հետո այցելության մասնակիցները, շրջելով կենտրոնի տարբեր սենյակներով, քաղցրավենիք բաժանեցին մանկատան մյուս սաներին։


Երեխաներն այցելության մասնակիցների հետ կիսեցին իրենց երազանքներն ու նպատակները։ «Եթե մենք երբևէ սիրվել ենք մեր ընտանիքի կամ սիրելիների կողմից, ապա մենք ևս պարտավոր ենք այդ նույն սերն ու կարեկցանքը փոխանցել մեկ ուրիշին: Իմ սիրտը ջերմացավ և շոյվեց այդ երեխաներով, որոնց մենք հանդիպեցինք: Նրանք վերահաստատեցին այն միտքը, որ կյանքում ամենակարևորն այն է, թե որքան սեր ենք մենք դնում ամեն գործի մեջ: Անկասկած, շատ ավելի հաճելի է մի բան տալը, քան ստանալը», - նշում է այցի կազմակերպիչ Սերլի Թեքայանը:

Կայացավ ԵՀԽ հայաստանյան միջեկեղեցական Կլոր սեղան հիմնադրամի աջակցությամբ «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) կողմից իրականացվող «Սիրիահայ երիտասարդների պայծառ ապագա» ծրագրի մեկտարյա արդյունքների ամփոփումը:


Հանդիպմանը ներկա էին գործընկեր կառույցների ներկայացուցիչներ`«Առաքելություն Հայաստան» ԲՀԿ-ից, «Վորլդ Վիժն Հայաստան» կազմակերպությունից, ՄԱԿ-ի Փախստականների հարցերով Գերագույն հանձնակատարի գրասենյակից, «Հայկական Կարիտաս» բարեսիրական կազմակերպությունից, «Հայկական բարեգործական ընդհանուր միությունից» (ՀԲԸՄ), «Հայ առաջադեմ երիտասարդություն» ՀԿ-ից, «Միջազգային համագործակցության խնայաբանկերի հիմնադրամ»-ից, դիվանագիտական ներկայացուցչությունների անդամներ, ծրագրի շահառու երիտասարդներ և այլ հյուրեր:


Ներկաների առջև ողջույնի խոսքով հանդես եկավ «ՀԱԼԵՊ» ՀԿ-ի հիմնադիր նախագահ Անի Բալխյանը: Նա շնորհակալություն հայտնեց Կլոր սեղան հիմնադրամին՝ երիտասարդական այս մեծ կարևորություն ունեցող ծրագրի աջակցության համար: Տկն. Բալխյանը շնորհավորեց ծրագրի շահառու այն երիտասարդներին, ովքեր «Սիրիահայ երիտասարդների պայծառ ապագա» ծրագրի շրջանակում մասնակցել են տարբեր դասընթացների և բարեհաջող ավարտել այն: Հիմնադիր նախագահը հորդորեց երիտասարդներին էլ ավելի նպատակասլաց լինել և հասնել նորանոր հաջողությունների:


Անի Բալխյանի ելույթից հետո ցուցադրվեց տեսաֆիլմ՝ «Սիրիահայ երիտասարդների պայծառ ապագա» ծրագրի շրջանակում՝ 2018 թ. մարտ ամսից մինչև 2019թ. մայիս ամիս իրականացված գործունեության մասին:


Տեսաֆիլմից հետո, «ՀԱԼԵՊ» ՀԿ-ի գործադիր տնօրեն Սարգիս Պալխեանն ամփոփ ներկայացրեց «Սիրիահայ երիտասարդների պայծառ ապագա» ծրագիրը, ձեռքբերումներն ու մեկ տարվա ընթացքում առաջադրված թիրախային նպատակների իրականացումը։


Հաջորդիվ կրկին ցուցադրվեց տեսաֆիլմ՝ նվիրված ապրիլի 11-14-ը Կլոր սեղան հիմնադրամի աջակցությամբ կայացած՝ ՄԱԿ-ի Կայուն զարգացման նպատակների սեմինարի մասին, որն իրականացվել էր վերոհիշյալ ծրագրի շրջանակում:


Այնուհետև, ծրագրի շրջանակում հաշվապահական, ճարտարապետական Autodesk Revit, TOEFL և Premier Pro դասընթացների, ինչպես նաև համալսարանական կրթավճար ստացած մի քանի մասնակիցներ ցանկություն հայտնեցին արտահայտել իրենց խոսքը և երախտագիտությունը ծրագրի կազմակերպիչներին՝ իրենց նման հնարավորություն ընձեռելու և ստացած տեսական ու գործնական գիտելիքների կապակցությամբ։


Վերոնշյալ դասընթանցերի հավաստագրերի հանձնման համար բեմ հրավիրվեցին «Սքիլլշոփ» և «Էդուքեյշնլ փլանետ» ուսումնական կենտրոնների և «Այ Սի Էլ Թի» լեզուների և վերապատրաստման միջազգային կենտրոնի ներկայացուցիչները։


«Սքիլլշոփ» ուսումնական կենտրոնի տնօրեն Արեգ Քեշիշիանը բարձր գնահատեց «ՀԱԼԵՊ» ՀԿ-ի և ԵՀԽ հայաստանյան միջեկեղեցական Կլոր սեղան հիմնադրամի համատեղ գործունեությունը՝ ծրագրի շրջանակներում սիրիահայ երիտասարդներին տրվող հնարավորությունների ու հեռանկարների համար, որին հետևեց ճարտարապետական Autodesk Revit դասընթացի մասնակիցների հավաստագրերի հանձնումը:


Ելույթով հանդես եկավ նաև «Էդուքեյշնլ փլանետ» ուսումնական կենտրոնի տնօրեն Ռուզաննա Ալեքսանյանը։ Վերջինս մատնանշեց «Սիրիահայ երիտասարդների պայծառ ապագա» ծրագրի կարևորությունը սիրիահայ երիտասարդների տեսական և գործնական գիտելիքների ձեռքբերման և Հայաստանում աշխատանք գտնելու գործում: Տիկին Ալեքսանյանն իր գոհունակությունը հայտնեց նոր ու հաճելի ծանոթությունների կապակցությամբ և խրախուսեց սիրիահայ երիտասարդներին գործնականում օգտագործել հաշվապահական դասընթացի արդյունքում ձեռք բերված գիտելիքները, որին հետևեց դասընթացի մասնակցիների հավաստագրերի հանձնումը:


Այնուհետև խոսքը տրվեց «Այ Սի Էլ Թի» կենտրոնի ներկայացուցիչ Ալլա Իվանյանին, ով մեծ հանդիսավորությամբ TOEFL-ի դասընթացի մասնակիցներին հանձնեց հավաստագրերը և իր շնորհակալությունը հայտնեց ծրագրի կազմակերպիչներին, մասնակիցներին էլ մաղթելով նորանոր ձեռքբերումներ ըստ իրենց կենտրոնի կարգախոսի՝ “Learn for life”- Սովորիր կյանքի համար:


Հավաստագրերի հանձնումից հետո ԵՀԽ հայաստանյան Կլոր սեղան հիմնադրամի տնօրեն Կարեն Նազարյանը մատնանշեց ծրագրի շրջանակում իրենց առջև դրված նպատակների լիարժեք իրականացումը, իր խորին շնորհակալությունը հայտնեց ծրագրի իրականացմանն աջակցող կառույցներին, ծրագրի մասնակիցներին և պատրաստակամություն հայտնեց շարունակել համագործակցությունը «ՀԱԼԵՊ» ՀԿ-ի հետ՝ կյանքի կոչելով նորանոր ծրագրեր՝ ուղղված Հայաստանում սիրիահայ երիտասարդների կարողությունների զարգացմանն ու կայացմանը:


«Սիրիահայ երիտասարդների պայծառ ապագա» ծրագրի նպատակն է Հայաստանում բնակություն հաստատած սիրիահայ երիտասարդների կարողությունների զարգացումը, կրթաթոշակների և ֆինանսական աջակցության տրամադրումը, ինչպես նաև հոգևոր-հոգեբանական աջակցությունը: 2018 թ. մարտ ամսից ի վեր, ավելի քան 250 սիրիահայ, իրաքահայ և տեղացի երիտասարդներ իրենց մասնակցությունն են ունեցել ծրագրի տարբեր դասընթանցերին և միջոցառումներին:

ԵՀԽ հայաստանյան Կլոր սեղան հիմնադրամը Հայ Առաքելական Եկեղեցու թեմերի հոգևորականների և հիմնադրամի աջակցությամբ թեմերում գործող սոցիալական կենտրոնների աշխատակիցների համար կազմակերպել էր ընտանեկան բռնությունների զոհերի և բռնարարների հետ աշխատանքի վերաբերյալ դասընթաց: Եռօրյա միջոցառման ընթացքում հոգևոր հայրերը ՄԱԿ-ի բնակչության հիմնադրամի հայաստանյան գրասենյակի փորձագետի, սոցիոլոգի և հոգեբանի ուղեկցությամբ ծանոթացան թեմային առնչվող տեղեկություններին և մանրամասներին:


Կլոր սեղան հիմնադրամի ծրագրերի պատասխանատու Կարինե Քոչարյանը նշեց, որ հոգևորականները, լինելով ընտանեկան բռնության զոհ դարձածների և բռնարարների հետ առաջին առնչվողներից, դասընթացի միջոցով ստացած հմտությունները կկարողանան կիրառել՝ կանխելու բռնության հետագա դեպքերը և անհրաժեշտ աջակցություն ցուցաբերելու զոհերին:

 

ՄԱԿ-ի բնակչության հիմնադրամի ներկայացուցիչ Լուսինե Սարգսյանը հավաքվածներին պատմեց աշխարհում և Հայաստանում ընտանեկան բռնությունների հետ կապված իրավիճակի և ժողովրդագրության վրա դրանց ունեցած ազդեցության մասին: Ընտանեկան բռնությունների տեսակների ու ձևերի, նախնական նույնականացման ցուցանիշների մասին խոսեց սոցիոլոգ, սոցիալական աշխատանքի փորձագետ Արմինե Մխիթարյանը: Բանախոսության երկրոդ հատվածում նա ներկայացրեց ընտանեկան բռնության ենթարկված և ենթարկած անձանց նույնացման ցուցանիշների, բռնության հակված մարդկանց վարքագծային բնութագրիչների մասին:


Այնուհետև դասընթացի մասնակիցների հետ սկսեց աշխատել հոգեբան Դավիթ Գևորգյանը: Մասնագետը ներկայացրեց ընտանեկան բռնությունների հոգեբանական ասպեկտները, հոգեբանական և հոգեպաթոլոգիական հետևանքները, տեղեկություններ սթրեսի, տրավմայի, զոհի հոգեբանության զարգացման մասին: Դասընթացի երկրորդ և երրորդ օրվա ընթացքում Գևորգյանը ներկայացրեց ընտանեկան բռնությունների զոհերի և բռնարարների հետ աշխատանքի հոգեբանական ասպեկտները, մասնակիցներին փոխանցեց խորհրդատվական հիմնական հմտություններ: Կլոր սեղան հիմնադրամը և մասնագետը կարևոր դեր էին հատկացրել նաև գործնական աշխատանքին: Դասընթացի երրորդ օրը հոգեբան Դավիթ Գևորգյանի ուղեկցությամբ ամբողջությամբ նվիրված էր ընտանեկան բռնության զոհերի և բռնարարների հետ աշխատանքի հմտությունների ձևավորմանը՝ իրավիճակների բեմադրման և վերլուծության միջոցով: Դասընթացն անցկացվել է ՄԱԿ-ի բնակչության հիմնադրամի հայաստանյան գրասենյակի աջակցությամբ: 

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436