Նորություններ

Եկեղեցիների համաշխարհային խորհրդի հայաստանյան Կլոր սեղան հիմնադրամի ֆինանսավորմամբ շարունակվում են սիրիահայերի մասնագիտական դասընթացները՝ «Հալեպ» ԲՀԿ և «Արտ հաուս» ուսումնական կենտրոնի հետ սերտ համագործակցությամբ: 29 սիրիահայ երիտասարդներ և կանայք այս պահին մասնագիտանում են վարսահարդարների, դիմահարդարների, մատնահարդարների, սեղանի ձևավորման, ինչպես նաև` հագուստի մոդելավորման և կարի խմբերում: Դասընթացների ավարտին յուրաքանչյուրը կտիրապետի մասնագիտական որակավորման հմտություններին և կկարողանա դրամ վաստակել կարիքները հոգալու և Հայաստանում արժանապատիվ կյանք ունենալու համար:


Աշխատուժի զարգացման այս նախաձեռնությունը Կլոր սեղան հիմնադրամն իրականացնում է արդեն 4-րդ տարին՝ հնարավորություն տալով 150-ից ավելի կանանց ու երիտասարդների ստանալու ծրագրավորման, տարբեր արհեստների, արվեստների և լեզուների կարողությունների զարգացման հնարավորություն, դրանով իսկ նպաստելով նրանց մրցունակությանը հայաստանյան աշխատաշուկայում, և հետևաբար՝ բարեկեցության ապահովմանը:

Սոցիալ-հոգեբանական աջակցությունն իրականացվում է Սբ. Զորավոր Աստվածածին եկեղեցում, ուր ամեն ուրբաթ 50-60 սիրիահայ մասնակցում է հոգևոր միջոցառումների, որից հետո նրանք խոսում են իրենց խնդիրների ու անելիքների մասին, ձեռք մեկնում միմյանց՝ հաղթահարելու դժվարությունները: Տեր Գրիգոր քհն. Գրիգորյանի գլխավորությամբ սիրիահայերի համար կազմակերպած բազմաբնույթ միջոցառումները կնպաստեն շահառուների բարոյահոգեբանական խնդիրների լուծմանը և նրանց հզորացմանը:

 

Եկեղեցիների համաշխարհային խորհրդի Հայաստանյան միջեկեղեցական բարեգործական Կլոր սեղան հիմնադրամն (ՀԿՍ) սկսում է սիրիահայ երիտասարդների աջակցության նոր ծրագիր:  Ծրագրի նպատակն է աջակցել նրանց հայաստանյան կյանքում ինտեգրվելու հարցում՝ տրամադրելով կարողությունների զարգացում, ֆինանսական աջակցություն, հոգևոր և հոգեբանական աջակցություն: 

Ծրագրով հետաքրքրված սիրիահայ երիտասարդներին խնդրում ենք դիմել Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամին (ՀԿՍ): Էլեկտրոնային հասցե՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։: 

Եկեղեցիների համաշխարհային խորհրդի հայաստանյան Կլոր սեղան հիմնադրամը, «Հալեպ» ԲՀԿ և Արտ հաուս ուսումնական կենտրոնի հետ սերտ համագործակցությամբ, ազդարարեց նոր ծրագրի մեկնարկը: Կլոր սեղանը Հայաստանում շարունակում է կազմակերպել վարսահարդարների, ոճաբանների, մատնահարդարների, սեղանի ձևավորման, ինչպես նաև` հագուստի մոդելավորման և կարի մասնագիտական դասընթացներ սիրիահայ փախստականների համար: Կլոր սեղանի, «Հալեպ» ՀԿ-ի և Արտ հաուս ուսումնական կենտրոնի ներկայացուցիչները ողջունեցին 35 սիրիահայերի՝ հայտարարելով ծրագրի մեկնարկը:

Մասնագետները նրանց ներկայացրեցին ծրագրի նպատակը՝ կարևորելով արհեստներ սովորելու անհրաժեշտությունը, քանի որ աշխատանքի հնարավորությունը մեծ խնդիր է Հայաստանում, հատկապես կանանց և երիտասարդների համար: Առաջարկվող ծրագիրը կնպաստի առավել անօգնական և տուժած փախստական ընտանիքների խոցելիության նվազեցմանը, ինչպես նաև` հզորացմանը:

Աշխատուժի զարգացման այս նախաձեռնությունը կնպաստի բարելավելու սիրիահայերի կենսապայմանները և կխթանի նրանց ինտեգրումը Հայաստանում՝ լավացնելով ընտանիքների սոցիալ-տնտեսական պայմանները` արժանապատվորեն ապրելու Հայաստանում: Դասընթացները կանցկացվեն հատկապես կանանց և երիտասարդների, որոնք չեն աշխատել Սիրիայում:

Ծրագրի կարևորագույն խնդիրներից է սոցիալ-հոգեբանական աջակցությունը: Այն կիրականացնի Հայ առաքելական եկեղեցու հոգևորականը՝ Սբ. Զորավոր Աստվածածին եկեղեցում՝ առավել տուժած փախստականների համար:

Սոցիալ-հոգեբանական աջակցությունը կնպաստի շահառուների բարոյահոգեբանական խնդիրների լուծմանը և հզորացմանը: Սոցիալ-հոգեբանական խմբային հանդիպումներն անցկացվում են շաբաթական գրաֆիկով:

 

 

 

 

Եկեղեցիների համաշխարհային խորհրդի Հայաստանյան կլոր սեղան (ՀԿՍ) հիմնադրամը նախատոնական միջոցառման ընթացքում գործընկերների հետ ամփոփեց 2017 թ.: Հանդիպումն սկսվեց միասնական Տերունական աղոթքով և Հայ Առաքելական եկեղեցու (ՀԱԵ) Արագածոտնի թեմի առաջնորդ, ՀԿՍ հոգաբարձուների խորհրդի նախագահ Տ. Մկրտիչ եպիսկոպոս Պռոշյանի ողջույնի խոսքով: Նա կարևոր համարեց Կլոր սեղան հիմնադրամի ծրագրերի իրականացումը, հատկապես՝ ՀԱԵ թեմերում գործող համայնքային սոցիալական կենտրոնների գործունեությունը: Սրբազան հոր խոսքով՝ այդ կենտրոնները լուծում են ոչ միայն սոցիալական, այլև կարևոր՝ կրթական խնդիրներ:

ՀԿՍ գործադիր տնօրեն Կարեն Նազարյանը ներկայացրեց 2017 թ. հիմնադրամի բարեգործական ծրագրերի դինամիկան և պատասխանեց հարցերին: Նա նշեց, որ ցավոք, աղքատության ցուցանիշը Հայաստանում դեռևս էական փոփոխություն չի կրել: Դրա վրա ազդում է նաև գրանցվող գնաճը: Նա նաև հիշեցրեց սոցիոլոգիական վերջին հետազոտությունը, ըստ որի՝ Հայաստանը Եվրոպայում ամենացածր աշխատավարձ ստացող 4-րդ երկիրն է: Նազարյանը նաև անդրադարձ կատարեց ընտանեկան բռնությունների և պատվաստումների թեմային: «Ես կարծում եմ, որ քաղաքացիական հասարակությունը պատվաստումների խնդրի մասին դիրքորոշումը պետք է հիմնավորի ոչ թե գերատեսչությունների կամ սեփական կարծիքներով, այլ գիտական հետազոտություններով»,- շեշտեց Նազարյանը:

Karen NazaryanՆրա խոսքով՝ ՀԿՍ անցած եռամյա ծրագիրը (2014-2016) և ներկա եռամյա ծրագիրը (2017-2019) ֆինանսավորվում են գրեթե նույն չափով, չնայած՝ հիմնադրամը ջանքեր կգործադրի ֆինանսավորումն ավելացնելու ուղղությամբ: Կարեն Նազարյանը գործընկերների հետ կիսեց նաև երկու լավ լուր: «Երբ Ամենայն Հայոց Կաթողիկոս Գարեգին Բ-ի գլխավորած պատվիրակությունն այցելել էր Գերմանիա, «Բողոքական եկեղեցիների միավորումը» (EKD) գոհունակություն էր հայտնել Կլոր սեղանի կողմից Հայաստանում իրականացվող դիակոնիկ ծրագրերի առնչությամբ»: Եվ որպես ՀԿՍ կողմից ֆինանսավորվող սոցիալական կենտրոնների ինքնաբավության օրինակ Կարեն Նազարյանը ներկայացրեց Հայ Առաքելական եկեղեցու Կոտայքի թեմի՝ Ջրվեժի սոցիալական կենտրոնը: Կենտրոնին հանձնարարվել էր իրականացնել ՀԿՍ գրքերից մեկի տպագրությունը:


«Արդեն երրորդ տարին Գևորգյան հոգևոր ճեմարանում դասավանդվում է դիակոնիա առարկան, և ես ուրախ եմ այստեղ տեսնել իմ ուսանողներին, որոնք ավարտելուց հետո կունենան անհրաժեշտ գիտելիք և հմտություններ՝ սովորածն իրականացնելու հարցում»,- եզրափակեց Կլոր սեղան հիմնադրամի գործադիր տնօրեն Կարեն Նազարյանը:

Hasmik SateghyanԳավառի համայնքային կրթական կենտրոնի պատասխանատու Հասմիկ Սեթաղյանը ներկայացրեց կենտրոնի գործունեությունն անցնող տարվա ընթացքում: Նա նշեց, որ Գավառի կենտրոնը 2017թ. ակտիվ գործունեություն է ծավալել հատկապես կրթական և մշակութային ուղղություններով: Նա տեղեկացրեց, որ անցնող տարվա ընթացքում կենտրոնի սաների համար վարպետաց դասեր են անցկացրել ֆրանսահայ նկարիչ Արտուշ Մկրտչյանը: Իսկ կենտրոնի «Նուրի-նուրի» տիկնիկային թատերախումբը 2017 թ. առաջին անգամ մասնակցել է «Նռան հատիկ» 17-րդ հանրապետական մանկապատանեկան փառատոնին և ստացել պատվոգիր:

Irina Hovhannisyan«Աստղացոլք» ՀԿ-ի նախագահ Իրինա Հովհաննիսյանը խոսեց սոցիալական ձեռներեցության և դրա հեռանկարների մասին: Նա պատմեց Ճամբարակի կենտրոնում գործող սոցիալական ձեռնարկատիրության մի քանի նախաձեռնության մասին:

ՄԱԿ-ի Բնակչության հիմնադրամի հայաստանյան գրասենյակի գործադիր ներկայացուցիչ Գարիկ Հայրապետյանի խոսքով՝ ՄԱԿ-ի Բնակչության հիմնադրամի և ՀԿՍ համագործակցությունը զարգացման հոգևոր և աշխարհիկ կազմակերպությունների սերտ գործընկերության լավագույն օրինակներից մեկն է:

Garik HayraprtyanԿլոր սեղան հիմնադրամի հոգաբարձուների խորհրդի անդամ, Ամերիկայի հայ ավետարանչական ընկերակցության (AMAA) հայաստանյան գրասենյակի ղեկավար Հարություն Ներսեսյանը շեշտեց հատկապես կրթական ծրագրերի նշանակությունը հիմնադրամի գործունեության մեջ: Նրա խոսքով՝ կարևոր է ներդրում անել ապագայի մեջ՝ այսօր կրթելով պատանիներին և երիտասարդներին:

Մասնակիցներին ողջունեց նաև ՀԿՍ կամավոր, ազգությամբ գերմանացի Մելանի Կրեբսը: Հոկտեմբերին հիմնադրամին միացած աշխատակիցն արդեն ներդրում է ունեցել ՀԿՍ տարածաշրջանային խաղաղության ծրագրերի իրականացման հարցում նոր գործընկերներ որոնելու հարցում:

Միջոցառման երկրորդ մասում հյուրերը ճաշակեցին ՀԿՍ օժանդակությամբ հիմնադրված սոցիալական ձեռներեցության կենտրոնների պատրաստած համեղ սնունդը: ՀԿՍ գործընկեր կազմակերպությունների ձեռքի աշխատանքի նմուշների ցուցադրություն-վաճառքի ընթացքում հանդիպման մասնակիցները կատարեցին գնումներ` այդպիսով նպաստելով ԵՀԽ հայաստանյան Կլոր սեղան հիմնադրամի գործընկերների և համայնքային սոցիալական կենտրոնների զարգացմանը:

Դեկտեմբերի 7-ին ՔԴԿ երևանյան գրասենյակում տեղի ունեցավ ՄԱԿ-ի Բնակչության հիմնադրամի, ԵՀԽ Կլոր Սեղան հիմնադրամի և ՔԴԿ համագործակցությամբ իրականացվող «Հոգևոր աջակցություն ընտանիքներին» ծրագրի 2017թ. ամփոփիչ ժողովը, որ մեկնարկեց 1988թ. երկրաշարժի զոհերի հոգիների խաղաղության աղոթքով:


Այնուհետև ծրագրի մասնակիցներին ողջունեցին և ծրագրի կարևորությունն ու նշանակությունը շեշտեցին ՔԴԿ տնօրեն Գերաշնորհ Տեր Վարդան Եպս. Նավասարդյանը, ՄԱԿ-ի Բնակչության հիմնադրամի ղեկավար Գարիկ Հայրապետյանը և ԵՀԽ Կլոր Սեղան հիմնադրամի տնօրեն Կարեն Նազարյանը: «Ազատության դրսևորման հնարավորությունն ընտանիքում» թեմայով բանախոսեց Տեր Անդրեաս Աբղ. Եզեկյանը: Ժողովի ավարտին ծրագրի մշտադիտարկման արդյունքները և ամփոփիչ հաշվետվությունը ներկայացրին ԵՀԽ Կլոր Սեղան հիմնադրամի ծրագրի պատասխանատու Կարինե Քոչարյանն ու ՔԴԿ ծրագրերի գծով փոխտնօրեն Ելենա Հարությունյանը:

Ըստ ՔԴԿ կայքի:

Դեկտեմբերի 3-ին տեղի ունեցավ «Կարուձևի խմբակ Աշտարակ համայնքի երիտասարդ կանանց համար» ծրագրի շրջանակներում իրականացվող կարուձևի հերթական դասընթացը: Միջոցառման ընթացքում  շահառուները սովորեցին կարել  երկու  տեսակի պարկ-աթոռ՝ օգտագործելով նաև հին չօգտագործվող հագուստ:  Դասընթացին մասնակցում էին 7 երիտասարդ կանայք և աղջիկներ:  Դասընթացին մասնակցել է ավելի քան 16 երիտասարդ կին և աղջիկ: Կարուձևի խմբակ Աշտարակ համայնքի երիտասարդ կանանց համար» ծրագիրն իրականացնում է «Ավենիր» ՀԿ-ն՝ ԵՀԽ հայաստանյան Կլոր սեղան հիմնադրամի աջակցությամբ՝ կարողությունների զարգացման ծրագրերի շրջանակում:

 

 

 

Արդեն երեք տարի է, ինչ Աշտարակ քաղաքում ԵՀԽ հայաստանյան Կլոր սեղան հիմնադրամի աջակցությամբ գործում է Արագածոտնի թեմի «Սուրբ Մարիանե» համայնքային զարգացման կենտրոնը: Կենտրոնն այսօր աշխատում է համայնքի մոտ 85 ընտանիքի ու դրանց դպրոցահասակ երեխաների հետ և բաց է բոլոր այն անդամների համար, ովքեր ունեն շփման, համագործակցության, խորհրդատվության կարիք, ցանկություն զարգացնելու սեփական կարողություններն ու հմտությունները, մասնակցել ՀԱԵ հոգևոր հովիվ Տեր Փառեն քահանա Առաքելյանի հանդիպումներին և զրույցներին ու ճանաչել Աստծուն:

2017 թ. դեկտեմբերի 1-ին Աշտարակի Գյուլամերյան Հայորդյաց տանը տեղի ունեցավ «Սուրբ Մարիանե» կենտրոնի հաշվետու միջոցառումը: Միջոցառման նպատակն էր ծանոթացնել համայնքին, գործող կառույցներին կենտրոնի գործունեությանը: Միջոցառմանը կենտրոնի երեխաները ներկայացրեցին իրենց առօրյան, պատմեցին կենտրոնում երեխաների և մեծահասակների համար կազմակերպվող և գործող բոլոր դասընթացների և խմբակների, իրենց մանկավարժների և իրականացվող միջոցառումների մասին: Միջոցառմանը ներկայացված էր «Սուրբ Մարիանե» կենտրոնի աշխատանքների 2 ցուցադրություն՝ ձեռքի նկարների և «Նոր կյանք թափոններին» ծրագրի շրջանակներում կենտրոնի կանանց և երեխաների կողմից թափոններից պատրաստած հուշանվերների ցուցահանդեսը:


Միջոցառմանը ներկա էին Արագածոտնի թեմի առաջնորդ Տեր Մկրտիչ եպիսկոպոս Պռոշյանը, թեմի հոգևորականները, ծրագրի հովանավորներն ու բարերարները, ՏԻՄ ներկայացուցիչներ, կենտրոնի ամբողջ անձնակազմը, ծրագրի մասնակիցները և համայնքի ներկայացուցիչները: Կենտրոնի երեխաներին ողջունեցին Հայորդյաց տան պարի և դհոլի խմբակների սաները: Դա կենտրոնների առաջին համագործակցությունն էր, իսկ երեխաների` առաջին համատեղ ելույթը:

 

Նոյեմբերի 29-ին ԵՀԽ հայաստանյան Կլոր սեղան հիմնադրամի աշխատակիցներն այցելեցին Տավուշի մարզի Ակնաղբյուր համայնք: Այնտեղ նրանք այցելեցին «Սահամանմերձ գյուղերի տնտեսական զարգացումը մեղվապահության միջոցով» ծրագրի շահառուներին: Այցն սկսվել էր համայնքի ղեկավարի հետ հանդիպումից: Համայնքի ղեկավարությունը բարձր է գնահատել Կլոր սեղանի ջանքերը և ծրագրի արդյունավետությունը՝ շահառուներին մեղրի արտադրության լավագույն փորձը փոխանցելու հարցում:


Համայնքի ղեկավարների հետ հանդիպումից հետո Կլոր սեղանի պատվիրակությունն այցելեց մեղվապահներին, որոնք ստացել են մեղվի փեթակներ, մեղվաընտանիքներ, ինչպես նաև նոր բիզնեսն սկսելու և նոր հմտությունները կիրառելու անհրաժեշտ գործիքներ:

 

 

 

 

 

 

 

 

 

 

Հայոց ցեղասպանության հարյուրամյա տարելիցին ընդառաջ՝ Հայաստանում իրենց բազմամյա ավանդով և ազնիվ հեղինակությամբ հայտնի 8 հասարակական կազմակերպություն՝ Ամերիկայի Հայ Ավետարանչական ընկերակցությունը, «Շեն» բարեգործական հասարակական կազմակերպությունը, Հայաստանի մանուկներ հիմնադրամը, Զարգացման սկզբունքներ ՀԿ-ն, Հայ օգնության ֆոնդը, Վորլդ վիժն Հայաստանը, «Դասավանդի՛ր, Հայաստանը», Եկեղեցիների համաշխարհային խորհրդի հայաստանյան Կլոր սեղան հիմնադրամը, նախաձեռնեցին եռամյա համատեղ ծրագիր՝ Գեղարքունիքի մարզի Մարտունի համայնքը վերականգնելու նպատակով: Ընդհանուր առմամբ՝ գյուղի զարգացման եռամյա ծրագրի ընթացքում կազմակերպությունները ներդրել են 79 միլիոն դրամ:


2014թ.-ից ի վեր, համատեղ ծրագրի շրջանակներում կազմակերպությունների տրամադրած ռեսուրսներով բարեփոխումներ են իրականացվել Մարտունի գյուղի սոցիալական, տնտեսական, ենթակառուցվածքային, մշակութային, կրթական, առողջապահական և բնապահպանական ոլորտներում:


Երկարատև քննարկումների և համատեղ աշխատանքի արդյունքում ընտրվեց մեկ խորհրդանշական գյուղ՝ Մարտունին, որը գտնվում է Գեղարքունիքի մարզում և հիմնվել է 1921 թ.: Համայնքի առաջին բնակիչները եղել են Մեծ եղեռնից փրկված՝ հիմնականում Վանից, Ալաշկերտից, Ղարսից և Սասունից գաղթածները:


2017 թ. նոյեմբերի 16-ին համագործակցության անդամ կազմակերպությունների ներկայացուցիչները և նրանց գործընկերներն ամփոփիչ այց կատարեցին Մարտունի:


Մամուլի ասուլիսի ընթացքում կազմակերպությունների ներկայացուցիչների նշեցին, որ նման հզոր կառույցների համագործակցության արդյունքում ներդրված ջանքերն ու ռեսուրսները բազմապատկող ազդեցություն են ունենում: Մարտունի գյուղի գյուղապետ Արթուր Ասատրյանը նշեց, որ կազմակերպությունների աջակցության շնորհիվ գյուղի բնակիչների մեջ արթնացավ հույսը, որ գյուղը կզարգանա, այնտեղ կստեղծվեն նոր արժեքներ:


Համայնքում իրականացված ծրագրերի դիտայցից հետո տեղի ունեցան համագործակցության ջանքերով վերանորոգված մանկապարտեզի, դպրոցի ճաշարանի և ատամնակայանի պաշտոնական բացման արարողությունները:


DSC 9014Աննախադեպ այս համագործակցությունը բաց է բոլոր այն կազմակերպությունների համար, որոնք նույնպես նպատակ ունեն կամ արդեն իսկ աշխատանք են տանում՝ ուժեղացնելու և զարգացնելու ինչպես Մարտունին, այնպես էլ Հայաստանի գյուղական այլ համայնքները։ 2017թ. -ից վերոհիշյալ համագործակցությանն է միացել նաև Հայկական բարեգործական ընդհանուր միությունը (AGBU):

Ծրագրի շրջանակներում վեց կազմակերպությունների կատարած ներդրումները՝ 

Ամերիկայի Հայ Ավետարանչական ընկերակցություն (AMAA)

Համայնքին գյուղտեխնիկայի տրամադրում (որի արժեքի 20%-ը տրամադրել է ԱՀԱԸ-ն, իսկ 80%-ը՝ ՀՀ Գյուղատնտեսության նախարարության «Գյուղատնտեսական ծրագրերի իրականացման գրասենյակը»)
«Դասավանդի՛ր, Հայաստան»-ի ուսուցչի ֆինանսավորում՝ համայնքի դպրոցում աշխատելու համար
Ատամնաբուժական ծառայություններ գյուղի բնակիչների և դպրոցի համար
Մանկապարտեզի սանհանգույցի նորոգման ֆինանսավորում՝ Հայաստանի մանուկներ հիմնադրամի հետ համատեղ
Ամանորի, Սուրբ Ծննդյան և երեխաների պաշտպանության միջազգային օրվան նվիրված միջոցառումների կազմակերպում համայնքում՝ երեխաների համար խորհրդանշական նվերներով

DSC 9017Զարգացման Սկզբունքներ (DP)
13 ընտանիքի տրամադրվել են հղի կովեր: 2018 թվականին 13 կով փոխանցվելու են ևս 13 այլ ընտանիքի: Այս 3 տարվա ընթացքում շահառուները հնարավորություն են ստացել՝ ստեղծելու և զարգացնելու իրենց փոքր ֆերմերային տնտեսությունները: Մեկ ստացած կովի բուծման և խնամքի արդյունքում ընտանիքը ստանում է կաթ, մածուն, կարագ և այլն, բացի այդ 3 տարվա ընթացքում մեկ կենդանուց ընտանիքը ունենում է առնվազն 4 կենդանի՝ որից մեկը՝ երինջը, փոխանցվում է մեկ այլ ընտանիքի:
Զարգացման Սկզբունքներ ՀԿ-ն նաև տրամադրել է գյուղի դպրոցին գրքեր՝ տրամաբանության (երկհատոր) և բուժկետին՝ առողջ ապրելակերպի վերաբերյալ:
Հեյֆեր Հայաստանյան գրասենյակի միջոցով Զարգացման Սկզբունքներ ՀԿ-ն նաև աջակցել է գյուղին՝ ներգրավվելու CARMAC (ԳԾԻԳ) ազգային ծրագրի մեջ, որը ուղղված է հեռագնա արոտների կառավարման բարելավմանը:
Կազմակերպությունը տրամադրել է նաև անասնաբուժական դեղորայք ու պարագաներ, տեխնիկական աջակցություն և ուսուցում անասնապահության վերաբերյալ։

Հայաստանի մանուկներ հիմնադրամ (COAF)
Մարտունու բուժկետի նորոգում
Բնակչության առողջապահական զննումներ
Ատամնափուտի (կարիեսի) կանխարգելում
Մանկապարտեզի սանհանգույցի նորոգման ֆինանսավորում՝ ԱՀԱԸ-ի հետ համատեղ
Դպրոցի ճաշարանի վերանորոգում և ատամնակայանի հիմնում

Հայ օգնության ֆոնդ (FAR)
ՀՕՖ-ի կրթավճարային ծրագրերի շրջանակներում ԲՈՒՀ-ի համայնքաբնակ դիմորդներին և ուսանողներին ուսման վարձի վճարման աջակցություն
Համայնքի ծնողազուրկ երեխաներին հումանիտար օգնություն ցուցաբերում

Շեն (Shen)
Կոոպերատիվի նախաձեռնում, նրա կարողությունների հզորացում և գործունեության կայունացում
Համայնքի խմելու ջրի համակարգի կառուցում
Համայնքի կայքի ստեղծում
Կանանց և աղջիկների փոքր բիզնեսի խթանում ձեռագործության ոլորտում
Մանկապարտեզի հիմնում
Դպրոցին հարող տարածքների բարեկարգում և մարզահրապարակի վերականգնում

Վորլդ վիժն Հայաստան (WV)
Երիտասարդական ակումբի հիմնում ու նրանց միջոցով համայնքային զարգացման մինի-ծրագրերի իրականացում
Բանավեճի ակումբ 14 և բարձր տարիքի 15 երեխայի համար՝ Ջինիշյան հիշատակի հիմնադրամի հետ համատեղ
Ինժեներական ակումբի հիմնում՝ UITE հետ համատեղ
Դեղաբույսերի արժեշղթայի առաջշարժման նպատակով արտադրողների խմբի ստեղծում ու իրենց կողմից հավաքված ապրանքի իրացման աջակցություն
Մարտունու ԲՄԿ կարողությունների հզորացում՝ աջակցող այցերի ու դասընթացների միջոցով

Դասավանդի՛ր, Հայաստան (TFA)
ԴՀ-ի հատուկ վերապատրաստումն անցած ինֆորմատիկայի ուսուցչի կողմից Մարտունիում 2 տարի շարունակ ակտիվ աշխատանքներ են տարվել՝ ինչպես դպրոցական ծրագրի, այնպես էլ արտադպրոցական և համայնքային ծրագրերի մակարդակով: Արտադասարանային աշխատանքի շրջանակներում գործում են առաջնորդության, ծրագրավորման, անգլերենի սիրողական խմբակներ: Արդյունքում դպրոցում ձևավորվել է փոխհարաբերությունների նոր մշակույթ և դպրոցական կյանքը բավականին ակտիվացել է:

Եկեղեցիների համաշխարհային խորհրդի հայաստանյան Կլոր սեղան հիմնադրամ (ՀԿՍ)
Մարտունու դպրոցի համակարգչային սենյակի վերազինում՝ համակարգչային նոր սարքավորումներով, ինտերնետ կապի և ցանցի ապահովմամբ: Դպրոցի և մանկապարտեզի խաղահրապարակի վերանորոգման համաֆինանսավորում՝ Շեն ՀԿ հետ համատեղ:

ԵՀԽ հայաստանյան Կլոր սեղան (ՀԿՍ) հիմնադրամի «Տնային տնտեսությունների ինքնազբաղվածության խթանում» ծրագրի շրջանակում Լոռու մարզի սոցիալապես անապահով ընտանիքների 42 երիտասարդ կին և աղջիկ ստացել է անհրաժեշտ մասնագիտական գիտելիք և ձեռք բերել հմտություններ հատապտղային մշակաբույսերի մշակման, վերամշակման և իրացման վերաբերյալ, իսկ տնամերձերում հիմնել են բարձրարժեք մշակաբույսերի հատապտղային տնկարքներ:

Այդ տնկարքները բերքատվություն կունենան վեգետացիոն 1-ին և 2-րդ տարվանից, այնուհետև կապահովեն բնական և վերամշակված գյուղմթերքի իրացման համար անհրաժեշտ հատապտուղների քանակ: Այժմ մասնագետները կանոնավոր տնային այցելություններ են կազմակերպում շահառուների համար դաշտային խորհրդատվություն տրամադրելու նպատակով: Ծրագրի շահառուների արտադրած գյուղատնտեսական բնական և վերամշակված մթերքների զբոսաշրջիկների՝ պահանջներին համապատասխանող իրացումը խթանելու համար, Լոռի Բերդ գյուղում նախատեսվում է ստեղծել «Գյուղատնտեսական արտադրանքի իրացման կենտրոն»: Այն դառնալու է համայնքի բնակիչների գյուղատնտեսական ապրանքները պոտենցիալ գնորդներին առաջարկելու համար մասնագիտացված վայր:

Ծրագրի իրականացման ընթացքում շահառուները ձեռք կբերեն նաև սոցիալական ձեռնարկատիրության, թիմային աշխատանքի և շուկայավարման վերաբերյալ գիտելիքներ ու հմտություններ, կկարողանան ինքնաբացահայտել և ինքնադրսևորվել: Ստացած գիտելիքն ու հմտությունները հետագայում հնարավորություն կտան ընդլայնել գործը և տնտեսությունների եկամուտում մեծացնել գյուղատնտեսությունից ստացվող մասնաբաժինը: Սկսած երկրորդ տարվանից՝ յուրաքանչյուր շահառու «Գյուղատնտեսական արտադրանքի իրացման կենտրոնի» միջոցով վերցրած տնկիների քանակի 50%-ի չափով պետք է տրամադրի այլ շահագրգիռ ընտանիքների:

Լոռի Բերդ գյուղ, որը հայտնի է Լոռե բերդաքաղաք արգելոց-թանգարանով, 2017 թվականին այցելել է մոտ 17000 զբոսաշրջիկ: Խոշորացումից հետո այն դարձել է համայնքային կենտրոն: Լոռի Բերդ գյուղին հարակից Ագարակ և Լեջան գյուղերը նույնպես ընդգրկվել են միևնույն համայնքի մեջ: «Տնային տնտեսությունների ինքնազբաղվածության խթանում» ծրագիրն իրականացվում է Լոռու մարզի Լոռի Բերդ, Ագարակ և Լեջան գյուղերում՝ երեք ամիս ժամկետով: Այն ուղղված է այդ համայնքների անապահով ընտանիքների սոցիալ-տնտեսական մակարդակի բարձրացմանը, երիտասարդ կանանց զբաղվածության ապահովմանը:

Ծրագրի վերջնանպատակն է տնային տնտեսությունների եկամուտում մեծացնել գյուղատնտեսությունից ստացվող մասնաբաժինը՝ բարձրացնելով ինքնազբաղվածության և գյուղատնտեսության վարման արդյունավետությունը: Ծրագրի նպատակներին հասնելու համար շահառուների համար կազմակերպվել են հանդիպումներ, խորհրդատվություններ և դասընթացներ: Փորձագետները նաև այցելել են ծրագրի շահառուների տնամերձ հողատարածքներ՝ հատապտղային տնկարքների տնկման, աճեցման և բերքահավաքի համար հողամասերի ընտրության և հիմնական տնկման սխեմաների ստեղծման համար:

Ձեռք են բերվել ազնվամորու, ելակի, անգույն մոշի, Գոջի բերրիի տնկիներ և բաժանվել շահառուներին:

Ծրագիրն իրականացվում է «Արգինա» մշակութային հասարակական կազմակերպության և «Մաքուր մթերք արտադրողներ» սպառողական կոոպերատիվի համագործակցությամբ: Ծրագրի ընթացքը վերահսկում և մշտադիտարկում է ՀԿՍ-ն:

 

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436