Նորություններ

Կոնսորցիումի «Մեկ գյուղ» ծրագրի շրջանակում Տավուշի մարզի Նավուր և Կիրանց համայնքներում Ամերիկայի Հայ Ավետարանչական ընկերակցության (ԱՀԱԸ), Հայ օգնության ֆոնդի (ՀՕՖ) և Եկեղեցիների համաշխարհային խորհրդի հայաստանյան Կլոր սեղան հիմնադրամի աջակցությամբ Հայկական բարեգործական ընդհանուր միությունը (ՀԲԸՄ) կարիքավոր ընտանիքների մոտ 100 անձանց անցած դեկտեմբերին տրամադրեց նոր եվրոպական բարձրորակ հագուստ։

«Մեկ գյուղ» նախաձեռնության անդամներն են Ամերիկայի Հայ Ավետարանչական ընկերակցությունը, «Շեն» բարեգործական հասարակական կազմակերպությունը, «Հայաստանի մանուկներ» հիմնադրամը, «Զարգացման սկզբունքներ» ՀԿ-ն, Հայ օգնության ֆոնդը, Վորլդ վիժն Հայաստանը, Եկեղեցիների համաշխարհային խորհրդի հայաստանյան Կլոր սեղան հիմնադրամը, «Դասավանդի՛ր, Հայաստան»-ը, Հայկական բարեգործական ընդհանուր միությունը, «Հայկական Կարիտաս» բարեսիրական ՀԿ-ն, «Դիակոնիա» բարեգործական հիմնադրամը:

Նյութը՝ ըստ Ամերիկայի Հայ Ավետարանչական ընկերակցության (ԱՀԱԸ) կայքի:

Հունվարի 8-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Վեհարանի հանդիսությունների դահլիճում Ամանորի և Սուրբ Ծննդյան տոների առիթով հանդիպում ունեցավ Մայր Աթոռի տարբեր կառույցներում պաշտոնավարող աշխարհական աշխատակիցների հետ: Հանդիպմանը մասնակցեցին նաև ԵՀԽ հայաստանյան Կլոր սեղան հիմնադրամի աշխատակիցները:

5

Մայր Աթոռի Վարչատնտեսական բաժնի տնօրեն, Կլոր սեղան հիմնադրամի հոգաբարձուների խորհրդի նախագահ Գերաշնորհ Տ. Մուշեղ եպիսկոպոս Բաբայանը ներկաների անունից շնորհավորեց Նորին Սրբությանը բերկրալի տոների առիթով` ընդգծելով, որ Մայր Աթոռի պաշտոնեությունը՝ իբրև մեկ մեծ ընտանիք, ի գլուխ ունենալով Ամենայն Հայոց Հայրապետին, պատրաստակամ է շարունակելու իր արդյունավետ ծառայությունը բերել ի նպաստ Սուրբ Էջմիածնի սրբազան առաքելության:

3

Պաշտոնեության անունից Վեհափառ Հայրապետին նաև շնորհավորական խոսք ուղղեց Մայր Աթոռի հովանու ներքո գործող «Քյուրքչյան» երեխաների աջակցության կենտրոնի տնօրեն Արամ Մկրտչյանը: Այնուհետև ներկաներին տարեսկզբի իր հայրապետական օրհնությունն ու բարեմաղթանքները փոխանցեց Նորին Սրբություն Գարեգին Երկրորդ Ամենայն Հայոց Կաթողիկոսը:

8

Հայոց Հայրապետը, շնորհավորելով աշխարհական աշխատակիցներին տոների առիթով, իր շնորհակալությունն ու գնահատանքը հայտնեց նրանց՝ պարտականությունները նախանձախնդրորեն, սիրով և հանձնառությամբ իրականացնելու համար, ինչի շնորհիվ Հայոց Եկեղեցին կարողանում է առավել արդյունավետ կերպով իրագործել իր ծառայությունը հայ ժողովրդի կյանքում: Այս իմաստով Նորին Սրբությունը հաստատեց, որ անցնող տարում Մայր Աթոռի կողմից արձանագրած հաջողությունների ու ձեռքբերումների մեջ իր կարևոր բաժինն ունի աշխարհիկ պաշտոնեությունը: «Ձեր աշխատանքը միայն առանձին անձանց չէ, որ ուրախություն ու գոհունակություն է պատճառում: Ձեր աշխատանքի արդյունքը բերկրանք է պատճառում մեր ողջ ժողովրդին, որովհետև Մայր Աթոռ Սուրբ Էջմիածինն ազգի նվիրական սուրբ տունն է, հոգևոր հաստատությունը: Եվ այս հաստատության բարեշեն և պայծառ լինելը ուրախություն է թե՛ Հայաստանում և թե՛ Սփյուռքում ապրող յուրաքանչյուր հայորդու համար»,- ասաց Հայոց Հայրապետը:

4

Ամենայն Հայոց Կաթողիկոսն ի մասնավորի անդրադարձ կատարեց 2020 թվականի ծրագրերին` առանձնացնելով հավատացելոց կյանքում եկեղեցական առաքելության զորացմանն ուղղված նախաձեռնությունները, Ազգային-եկեղեցական ժողովի գումարումը և Մայր Տաճարի հիմնանորոգությունն ու վերաբացումը:

1

Խոսելով հոգևոր կյանքի զորացման կարևորության մասին` Նորին Սրբությունն ընդգծեց. «Ապրել Աստծո հետ նշանակում է կյանքն ապրել սիրո և բարության մեջ: Ապրել Աստծո հետ նշանակում է ապրել առաջընթաց և բարօր կյանքով»: Վերջում Ամենայն Հայոց Կաթողիկոսը Մայր Աթոռի աշխատակիցներին մաղթեց քաջառողջություն, երջանկություն և արևշատ կյանքի երկար տարիներ: Հայոց Հայրապետը հայցեց, որ Տիրոջ Սուրբ Աջը և Սուրբ Ծննդյան առատ շնորհները միշտ հովանի լինեն հայորդիներին և նրանց ընտանիքներին` խաղաղության և բարօրության մեջ պահելով հայրենիքը և ողջ աշխարհը:
Ըստ՝ Մայր Աթոռ Սուրբ Էջմիածնի տեղեկատվական համակարգի:

«Սիրիահայ երիտասարդների պայծառ ապագա» ծրագրի շրջանակում իրականացվող մասնագիտական վճարովի պրակտիկայի մասնակիցներ Շաղիգ Ճուհարյանին և Կալի Պապօղլիին իրենց պրակտիկան անցկացնում են «Աշն փրոջեքթ» ճարտարապետական ընկերությունում:


Կալին ծնվել է Քուվեյթում, ապա մեկ տարի անց տեղափոխվել Սիրիայի Հալեպ քաղաք: Հալեպում հաճախել է Հայկազյան ազգային վարժարան, ապա՝ Կարեն Եփփե ազգային ճեմարան: 2014 թ.-ին պատերազմի պատճաոով ընտանիքով տեղափոխվել է Հայաստան և շարունակել ուսումը: «Երևանում դպրոցն ավարտելուց հետո, ընդունվել եմ Հայաստանի Ճարտապետության և շինարարության Հայաստանի ազգային համալսարանի «Միջավայրի դիզայն» բաժին, այժմ սովորում եմ 4-րդ կուրսում»,- նշում է Կալին:


«Ընտրել եմ այս մասնագիտությունը՝ ոգեշնչվելով մորեղբորիցս, ով ճարտարապետ է և ում աշխատանքները տեսնելով, հետաքրքրությունն այս ոլորտի նկատմամբ ավելի մեծացավ: Ուսմանս հետ մեկտեղ մասնակցել եմ մասնագիտական տարբեր դասընթացների՝ 3D Max, AutoDesk Revit, Archicad, Autocad և այլն: Մի քանի ամիս աշխատել եմ իմ մասնագիտությամբ, սակայն դասերս չհասցնելու պատճառով թողեցի աշխատանքս»,- նշում է Կալին:


Իսկ թե ինչու դիմեց ինթերնշիփային այս ծրագրին, Կալին պատասխանում է. «Ինթերնշիփին դիմելու նպատակս էր բարելավվել մասնագիտական գիտելիքներս և հմտություններս: Արդեն սովորել եմ գունային ճիշտ համադրություն, գունային գամմային համապատասխան իրերի դասավորություն և ամենակարևորը՝ այս ընթացքում մեծ փորձ ձեռք բերեցի՝ ապագայում լավ և հմուտ մասնագետ դառնալու համար»:


Կալիի հետ «Աշն փրոջեքթ» ընկերությունում պրակտիկա է անցնում նաև իր համակուրսեցի Շաղիգ Ճուհարյանը: Շաղիգն ընտանիքով Հայաստան է տեղափոխվել 2012 թ.: Հարցին, թե ինչու է ընտրել դիզայների մասնագիտությունը, Շաղիգը պատասխանում է. «Հայրս ճարտարապետ է, ումից էլ հենց մոտիվացվել եմ ընտրելու այս մասնագիտությունը: Մյուս տարի պլանավորում եմ ընդունվել մագիստրատուրա, իսկ մոտ ապագայում կցանկանայի բացել իմ սեփական ճարտարապետական ստուդիան»: Շաղիգը պրակտիկայի շրջանակում պատրաստում է տարատեսակ էսքիզներ, ընդգրկված է ինտերիեր դիզայնի տարբեր աշխատանքներում:


«Շնորհակալություն եմ հայտնում ինձ իմ մասնագիտական պրակտիկան ապահովելու համար: Նախկինում դիմել եմ տարբեր տեղեր մասնագիտական աշխատանքի համար, սակայն ապարդյուն: Իսկ այս ծրագիրն իսկապես հիանալի հնարավորություն էր փորձի ձեռքբերման համար, և հուսով եմ, համալսարանն ավարտելուց հետո անմիջապես կարող եմ աշխատել»,- ուրախությամբ նշում է Շաղիգը:

2019 թ.նոյեմբերի 4-ից «Սիրիահայ երիտասարդների պայծառ ապագա» ծրագրի շրջանակներում մեկնարկեց 2-ամսյա մասնագիտական վճարովի պրակտիկա՝ հայաստանյան բուհերում ուսանող 15 սիրիահայ երիտասարդների մասնակցությամբ։ Ծրագիրը ֆինանսավորում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը, իրականացնում՝ «ՀԱԼԵՊ» հայրենակցական բարեսիրական հասարակական կազմակերպությունը: Պրակտիկայի ծրագրի հիմնական նպատակն է կատարելագործել բուհերի ուսանողների և նորավարտ երիտասարդների հմտություններն ու կարողությունները, ընդլայնել գիտելիքներն իրենց մասնագիտական ոլորտում, հնարավորություն տալ ձեռք բերել աշխատանքային փորձ և ծանոթանալ աշխատանքային միջավայրին:

«Սիրիահայ երիտասարդների պայծառ ապագա» ծրագրի շրջանակում իրականացվող մասնագիտական վճարովի պրակտիկայի հաջորդ մասնակիցն է Ռիթա Քեշիշյանը, ով իր պրակտիկան անցկացնում է “Business Angel Network of Armenia” ընկերությունում:

Ռիթան 21 տարեկան է: Նա Սիրիայի Հալեպ քաղաքից առաջին անգամ հայրենիք է այցելել 2012 թվականին՝ ՀՀ Սփյուռքի նախարարության կազմակերպած «Սփյուռք ամառային դպրոց» ծրագրի շրջանակներում՝ երկու շաբաթ հայրենիքում անցկացնելու և հասակակակից երիտասարդների հետ շփվելու նպատակով։ Ծրագրի ավարտին շատ չէր մնացել, երբ սիրիական հակամարտությունը նոր փուլ թևակոխեց՝ անհնարին դարձնելով Հալեպում խաղաղ կյանք շարունակելը, և Ռիթան այլևս չվերադարձավ Հալեպ, իսկ իր ընտանիքը որոշում կայացրեց տեղափոխվել Հայաստան:

Արդեն յոթ տարի է՝ Ռիթան Հայաստանում է, 2019 թվականին ավարտել է Հայաստանի ամերիկյան համալսարանի «Բիզնես Կառավարում» ֆակուլտետը: Ռիթայի խոսքով՝ համալսարանում անցկացրած յուրաքանչյուր դասաժամի արդյունքում նա շատ կարևոր հմտություններ է ձեռք բերել, որոնք կիրառելու հնարավորություն ստացավ “Business Angel Network of Armenia” ընկերությունում պրակտիկա անցնելու շնորհիվ, որտեղ նա ընդգրկված է ծրագրերի կառավարման աշխատանքներում: «Համալսարանում տարբեր առարկաների շնորհիվ՝ շուկայի ուսումնասիրություն, հաշվապահություն, բիզնես վերլուծություն, կառավարում, դասընթացներից ստացած գիտելիքներս մեծապես օգնում են՝ ինձ տրված հանձնարարությունները լավագույնս կատարելու մեջ»,- նշում է Ռիթան:

Պրակտիկա անցնելու առաջին իսկ օրվանից Ռիթան ջերմ վերաբերմունքի է արժանացել գործընկերների կողմից։ Ընկերությունում նա ներառված է եղել «Ներուժ» ծրագրի կազմակերպչական աշխատանքներում և մեծ ոգևորությամբ նշում է, որ ինքն ապահովում է ծրագրի շրջանակում հրավիրված խոսնակների և դասընթացավարների հետ հաղորդակցությունը, կատարում թարգմանություններ, ապահովում նրանց երթևեկության, օրակարգի և առօրյայի հետ կապված շատ այլ հարցեր։

«Անչափ ուրախ եմ «Հալեպ» ՀԿ-ի և ԵՀԽ Կլոր սեղան հիմնադրամի ընձեռած այս հնարավորության համար, քանի որ համալսարանը նոր ավարտած ուսանողների համար աշխատանք գտնելը դյուրին չէ, իսկ սիրիահայ երիտասարդների համար կազմակերպված այս ծրագիրը հաշվի է առնում յուրաքանչյուր երիտասարդի ունակությունները և ապահովում համապատասխան պրակտիկա»,- նշում է Ռիթան:

2019թ.նոյեմբերի 4-ից «Սիրիահայ երիտասարդների պայծառ ապագա» ծրագրի շրջանակներում մեկնարկեց 2-ամսյա մասնագիտական վճարովի պրակտիկա՝ հայաստանյան բուհերում ուսանող 15 սիրիահայ երիտասարդների մասնակցությամբ։ Ծրագիրը ֆինանսավորում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամը, իրականացնում՝ «ՀԱԼԵՊ» հայրենակցական բարեսիրական հասարակական կազմակերպությունը: Ինթերնշիփային ծրագրի հիմնական նպատակն է կատարելագործել բուհերի ուսանողների և նորավարտ երիտասարդների հմտություններն ու կարողությունները, ընդլայնել գիտելիքներն իրենց մասնագիտական ոլորտում, հնարավորություն տալ ձեռք բերել աշխատանքային փորձ և ծանոթանալ աշխատանքային միջավայրին:

ԵՊՀ Իջևանի մասնաճյուղի գրադարանում իրականացվեց «Խաղաղության գրադարան» ծրագիրը։ Նախաձեռնության հեղինակն էր ԵՊՀ Իջևանի մասնաճյուղում ԵՀԽ հայաստանայն Կլոր սեղան հիմնադրամի «Ձայն խաղաղությանը» ծրագրի շրջանակներում անցկացվող «հակամարտությունների փոխակերպում» ոչ ֆորմալ կրթական դասընթացի դասընթացավար Վլադիմիր Պողոսյանը:

IMG 4662

Ծրագրի նպատակն է ԵՊՀ Իջևանի մասնաճյուղի գրադարանը համալրել քաղաքագիտական և մասնագիտական գրականությամբ։ Գրադարանին նվիրաբերվեց 22 միավոր քաղաքագիտական և քաղաքական գրականություն, որը կօգնի գրադարանի շուրջ 1600 ընթերցողներին՝ ձեռք բերել նոր մասնագիտական գիտելիք։

IMG 4665

ԵՊՀ Իջևանի մասնաճյուղ կատարած այցի շրջանակում ԵՀԽ Կլոր սեղան հիմնադրամի ծրագրերի ղեկավարի օգնական Հարություն Կարապետյանը հանդիպեց «Հակամարտությունների փոխակերպում» դասընթացի մասնակիցների և դասընթացավարների հետ։ Հանդիպման ավարտին դասընթացի 16 մասնակիցները ստացան վկայականներ:

IMG 4679

«Հակամարտությունների փոխակերպում» դասընթացը երիտասարդներին տրամադրել է բազային գիտելիք կոնֆլիկտների ծագման և զարգացման օրինաչափությունների վերաբերյալ, զարգացրել կոնֆլիկտների հետ աշխատանքի վերլուծական ունակությունները, նպաստել կոնֆլիկտների ստեղծագործական փոխակերպման, ոչ ստանդարտ ու նորարարական մտածելակերպի ձևավորմանը: Այն նաև կօգնի փոխել վերաբերմունքը ինչպես կոնֆլիկտների ընկալման, այնպես էլ դրանց փոխակերպման հնարավորությունների նկատմամբ:

IMG 4675

Ծրագիրն անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակում՝ Շվեյցարիայի բողոքական եկեղեցիների միության (HEKS/EPER) աջակցությամբ:

«Սիրիահայ երիտասարդների պայծառ ապագա» ծրագրի շրջանակներում մեկնարկեց սիրիահայ ուսանողների և շրջանավարտների համար կազմակերպված երկամսյա մասնագիտական պրակտիկան: Ծրագիրն իրականացնում է «ՀԱԼԵՊ» հայրենակցական բարեսիրական հասարակական կազմակերպությունը («ՀԱԼԵՊ» ՀԿ) ՝ ԵՀԽ Կլոր Սեղան հիմնադրամի աջակցությամբ:

Ծրագրի առաջին մասնակիցն է սիրիահայ Ժիրայր Ճուպալյանը: Նա 24 տարեկան է, 2012 թ. սիրիական պատերազմի պատճառով ընտանիքի հետ Սիրիայից տեղափոխվել է Հայաստան և այժմ ուսանում է Երևանի Մխիթար Հերացու անվան պետական բժշկական համալսարանի ստոմատոլոգիական ֆակուլտետի հինգերորդ կուրսում։ Ատամնատեխնիկական գործի հանդեպ հետաքրքրությունը սկսվել է ատամնատեխնիկական քոլեջում սովորելու տարիներին, ինչն էլ ստիպել է նրան շարունակել ուսումը հենց այս մասնագիտությամբ:


Հարցին, թե ինչու դիմեց «Սիրիահայ երիտասարդների պայծառ ապագա» ծրագրի շրջանակում իրականացվող ինթերնշիփային այս ծրագրին, Ժիրայրը նշում է. «Այս պրակտիկան ինձ հնարավորություն է տալիս ամրապնդելու մասնագիտական հմտություններս, գործնականում կիրառելու տեսական գիտելիքներս և հետևելու ատամնատեխնիկական կենտրոններում ամենօրյա աշխատանքային գործընթացներին»:

Ժիրայրը ցանկանում է առավելագույնն ամրապնդել տեսական ու գործնական գիտելիքն ատամնաբուժական ոլորտում և այդ նպատակի իրագործման համար պլանավորում է շարունակել ուսումը վիրաբուժական ստոմատոլոգիայի և դիմածնոտային վիրաբուժության ֆակուլտետում։

«Սիրիահայ երիտասարդների պայծառ ապագա» ծրագիրը ֆինանսավորվում է Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» ՀԿ-ի հետ համագործակցությամբ: Ծրագրի կարողությունների զարգացման բաղադրիչի նպատակն է բարելավվել սիրիահայ երիտասարդների հմտություններն ու մրցունակությունը հայաստանյան աշխատաշուկայում և հնարավորություն տալ՝ հասնելու իրենց աշխատանքային նպատակներին:

Տավուշի մարզի Աչաջուր գյուղի մշակույթի տան գրադարանում իրականացվեց «Նոր գրադարան, նոր գրքեր» ծրագիրը։ Այն իրականացվել է ԵՊՀ Իջևանի մասնաճյուղում՝ ԵՀԽ հայաստանայն Կլոր սեղան հիմնադրամի «Ձայն խաղաղությանը» ծրագրի շրջանակում անցկացվող «Հակամարտությունների փոխակերպում» ոչ ֆորմալ կրթական դասընթացի դասընթացավար Էրինե Ղարայանի նախաձեռնությամբ:

Աչաջուրը Իջևան քաղաքի երկորդ ամենամեծ գյուղն է: Այնտեղ բնակվում է շուրջ 5,000 մարդ: Ծրագրի նպատակն էր ոչ ֆորմալ կրթության միջոցով գյուղի երիտասարդության մեջ արթնացնել սեր դեպի գիրքը, գրականությունը: Այդ նպատակով համայնքային վերանորոգված գրադարանին նվիրաբերվեց մոտ 25 միավոր գեղարվեստական, արձակ և քաղաքական գրականություն: Նախաձեռնությունը կնպաստի գյուղի գրադարանի 900 երիտասարդ ընթերցողների համար ձեռք բերել նոր նախաձեռնություններ իրենց կյանքում ինքնազարգացման և ոչ ֆորմար կրթությունով։

Ծրագիրը չշրջանցեց նաև համայնքի մանկապարտեզին: Նախակրթական հաստատությանը նվիրաբերվեց հանելուկի, առակների, հեքիաթի 7 գիրք և 2 ինքնազարգացնող խաղ: Ծրագրի ընթացքում երաժշտական կատարումներով հանդես եկան մշակույթի տան երաժշտական խմբակի սաները: Մշակույթի տան աշխատակազմը երախտագիտություն հայտնեց գրադարանի նկատմամբ ցուցաբերված ուշադրության և գրքերի նվիրատվության համար: ԵՀԽ հայաստանայն Կլոր սեղան հիմնադրամը մշակույթի տան աշխատակազմին հանձնեց շնորհակալագրեր՝ ծրագրին մասնակցելու և աջակցություն ցուցաբերելու, իչպես նաև գեղարվեստական միջոցառումը կազմակերպելու համար:

Ծրագիրը անցկացվել է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակում՝ Շվեյցարիայի բողոքական եկեղեցիների միության (HEKS/EPER) աջակցությամբ:

ԵՀԽ հայաստանյան Կլոր սեղան հիմնադրամն իր տարեկան ամփոփիչ միջոցառման ընթացքում ամփոփեց 2019 թ. գործունեությունը: Հանդիպումը տեղի ունեցավ դեկտեմբերի 10-ին՝ Մայր Աթոռ Սուրբ Էջմիածնի «Գարեգին Ա» կրթական կենտրոնի դահլիճում:

IMG 4250

Տարեկան միջոցառմանը մասնակցեց և իր օրհնությունն ու պատգամը բերեց Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսը, մասնակցեցին Հայաստանում Գերմանիայի արտակարգ և լիազոր դեսպան Միխայել Յոհաննես Բանցհաֆը, Հայաստանում ՄԱԿ-ի մշտական համակարգող Շոմբի Շարփը, ՄԱԿ-ի բնակչության հիմնադրամի հայաստանյան գրասենյակի ղեկավար Ծովինար Հարությունյանը, հյուրեր ՀՀ կառավարությունից, Կլոր սեղան հիմնադրամի գործընկեր կազմակերպությունների ներկայացուցիչներ, Հայ Առաքելական Եկեղեցու հոգևորականներ և այլք:

Վեհափառ Հայրապետը հիշեցրեց, որ Կլոր սեղան հիմնադրամը ստեղծվել է 1996 թ.՝ երջանկահիշատակ Գարեգին Ա կաթողիկոսի և Եկեղեցիների համաշխարհային խորհրդի նախաձեռնությամբ: «Կլոր սեղան հիմնադրամն այսօր կարևոր գործունեություն է իրականացնում խաղաղշինության, համայնքների զարգացման, արտակարգ իրավիճակների արագ արձագանքման գործում: Շատ կարևոր է ընտանեկան բռնությունների կանխարգելման և կանանց հանդեպ բռնության կանխարգելմանն ուղղված դասընթացների անցկացումը, որը Կլոր սեղանն իրականացնում է Եկեղեցու թեմերի հոգևորականների համար»,- իր խոսքում նշեց Գարեգին Երկրորդ Ամենայն Հայոց Կաթողիկոսը: Նա շեշտեց նաև հայ-ադրբեջանական երկխոսության ծրագրերը, որոնք իրականացրել է Կլոր սեղանը: Վեհափառ Հայրապետը հաջողություն մաղթեց հիմնադրամին՝ ապագա նախաձեռնություններում:

IMG 4229

Միջոցառման ընթացքում Կլոր սեղան հինադրամի հոգաբարձուների խորհրդի նախագահ, Մայր Աթոռ Սուրբ Էջմիածնի վարչատնտեսական բաժնի ղեկավար Տ. Մուշեղ եպիսկոպոս Բաբայանը նշեց, որ համայնքներում և թեմերում մեծ դեր ունեն Կլոր սեղանի աջակցությամբ գործող սոցիալական կենտրոնները, որոնց միջոցով բազմաթիվ մարդիկ աջակցություն են ստանում՝ իրենց հոգսը թեթևացնելու հարցում: Նա նաև կարևորեց քուր եկեղեցիների մասնակցությունը Կլոր սեղան հիմնադրամի գործունեությանը և շնորհակալություն հայտնեց Հայ Կաթողիկէ և Հայ Ավետարանական եկեղեցիների ներկայացուցիչներին:

IMG 4273

ԵՀԽ հայաստանյան Կլոր սեղան հիմնադրամի գործադիր տնօրեն Կարեն Նազարյանն ամփոփեց 2019 թ. իրականացված ծրագրերը,նախանշեց գործունեության առաջնահերթությունները 2020 թ. համար: Նազարյանի խոսքով՝ հիմնադրամն այս տարվա ընթացքում իրականացրել է 38 փոքր և մեծ ծրագիր, որոնց շահառուների թիվն անցել է 3000-ից: «Այսօր մեր գործունեության ուղղություններից կրկին արդիականություն է ձեռք բերում «Հայաստան և հարևաններ» ուղղությունը: Այս շրջանակում մենք տարիներ առաջ երկխոսության ծրագրեր ենք իրականացրել Ադրբեջանի հասարակական կազմակերպությունների հետ: Այժմ կրկին նշմարվում է այդ ծրագրերը վերակենդանացնելու հնարավորություն»,- ասաց Նազարյանը:

IMG 4356

Միջոցաման ընթացքում 2019 թ. իրենց գործունեությունը ներկայացրեցին նաև Հայ Առաքելական Եկեղեցու թեմերում հիմնադրված և Կլոր սեղան հիմնադրամի աջակցությամբ գործող սոցիալական կենտրոնները: Իսկ Արմավիրի Գայ սոցիալական կենտրոնի երգչախումբը գեղարվեստական հատվածով եզրափակեց տոնական միջոցառումը: Միջոցառման ավարտին տեղի ունեցավ 10 սոցիալական կենտրոնների ապրանքների ցուցահանդես:

Մեկնարկեց Adobe After Effects վիդեոմշակման ծրագրի դասընթացը «Սիրիահայ երիտասարդների պայծառ ապագա» ծրագրի շրջանակներում, որն իրականացվում է «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) կողմից՝ ԵՀԽ Կլոր Սեղան հիմնադրամի աջակցությամբ:

Դասընթացի շնորհիվ մասնակիցը ձեռք կբերի գիտելիքներ վիդեոնյութերի խմբագրման, գովազդային և տեսահոլովակների ստեղծման մասին, ինչպես նաև կսովորի կիրառել դրանք տիտրերում, անիմացիաներում և այնտեղ, որտեղ անհարաժեշտ են թվային վիդեոէֆեկտներ:

«Նախկինում մասնակցել եմ Adobe Premiere Pro ծրագրի դասընթացին և ուրախ եմ, որ ծրագիրը շարունակական է։ Շնորհակալություն եմ հայտնում ՀԱԼԵՊ ՀԿ-ին և ԵՀԽ Կլոր սեղան հիմնադրամին՝ ընձեռնված հնարավորության համար: Ապագայում նպատակ ունեմ սեփական գործունեությունս ծավալել ՏՏ ոլորտում, իսկ այս դասընթացն օգնում է բարելավվել գիտելիքներս և հասնել իմ նպատակին»,- նշում է դասընթացի մասնակից Հրագ Բեբեջյանը:

«Սիրիահայ երիտասարդների պայծառ ապագա» ծրագիրը ֆինանսավորվում է Եկեղեցիների hամաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» ՀԿ-ի հետ համագործակցությամբ: Ծրագրի կարողությունների զարգացման բաղադրիչի նպատակն է բարելավվել սիրիահայ երիտասարդների հմտություններն ու մրցունակությունը հայաստանյան աշխատաշուկայում և հնարավորություն տալ՝ հասնելու իրենց աշխատանքային նպատակներին:

Արագածոտնի Թեմի «Սուրբ Մարիանե» սոցիալական կենտրոնի մոտ 30 անդամ՝ երեխաներ, մեծահասակներ, աշխատակազմ և կամավորներ, կենտրոնի այգում իրականացրեցին ծառատունկ:

Armenia Tree Project ծրագրի հետ համագործակցության արդյունքում ծրագիրը կենտրոնին տրամադրեց 26 տնկի, որոնցից 8-ը բերքատու ծառեր են՝ խնձորենի, տանձենի, սալորենի, նշենի, իսկ մնացածը՝ ֆորզիցիայի, ասպիրանսի և բարբարիսի թփեր:

DSC09486

Ծառատունկի ընթացքում իրենց ոգևորությամբ և աշխատասիրությամբ աչքի ընկան հատկապես կենտրոնի երեխաները Նրանք կազմելով խմբեր՝ մշակեցին և նախապատրաստեցին այգու այն հատվածները, որտեղ պետք է տնկվեին ծառերն ու թփերը։

DSC09551

Միջոցառման ընթացքում երեխաներին ներկայացվեց տնկիների խնամքի կանոնները՝ ջրելու, էտելու և այլն։ Ծնկված բոլոր ծառերն անվանակոչվեցին և երեխաները հանձն առան խնամել իրենց տնկած ծառերը: Նմանատիպ միջոցառումները լինելու են շարունակական և նպատակ ունեն կենտրոնի անդամների և Աշտարակ համայնքի բնակիչների շրջանում ձևավորել բնապահպանական մտածելակերպ, բնության նկատմամբ հոգատար վերաբերմունք և ավելի կանաչ ու մաքուր դարձնել մոլորակը:

 

Ծրագրի մասին

«Երիտասարդները հանուն բնապահպանության - Աշտարակ»


ՀԿՍ-ն աջակցում է «Երիտասարդները հանուն բնապահպանության» ծրագրի իրականացմանը, որի նպատակն է՝ բարձրացնել բնակչության իրազեկվածությունը շրջակա միջավայրի խնդիրների վերաբերյալ և նպաստել համայնքներում բնապահպանական մտածելակերպի ձևավորմանը ու մաքրության պահպանմանը:

18
ՀԱԵ Արագածոտնի Թեմի Աշտարակի «Սուրբ Մարիանե» սոցիալական կենտրոնում իրականացված «Երիտասարդները հանուն բնապահպանության - Աշտարակ» ծրագրի շրջանակներում 55 երիտասարդ կանայք և դպրոցահասակ երեխաներ ձեռք են բերել շրջակա միջավայրի պահպանության համար անհրաժեշտ գիտելիքներ ու հմտություններ: Կենտրոնում կազմակերպվել են բնապահպանական թեմաներով հանդիպում-քննարկումներ, որոնք իրականացրել են ՀՊՄՀ դասախոսներ՝ կենս. գիտ. թեկն., աշխ. գիտ. դոկտ., պրոֆ. Կ. Դանիելյանը, կենս. գիտ. դոկտ., պրոֆ. Վ. Հովհաննիսյանը, մանկ. գիտ. թեկն., դոց. Լ. Ավանեսյանը: Կազմակերվել են նաև հանդիպում-քննարկումներ կլիմայի փոփոխության մեղմացման, վերականգնվող էներգետիկայի, էներգախնայողության, արևային էներգիկայի օգտագործման վերաբերյալ, որոնք իրականացրել է «Շտիգեն» կազմակերպության մասնագետ Ա. Աղաջանյանը:

2
Շահառուները հավաքել և տեսակավորվել են տարբեր թափոններ, որոնցից պատրաստել են պիտանի կենցաղային իրեր, հուշանվերներ, զարդեր՝ երկրորդ կյանք տալով չօգտագործվող կենցաղային իրերին: Արտադրած ապրանքատեսականու առաջխաղացման համար ստեղծվել են էջեր Ֆեյսբուք /Facebook/ և Ինստագրամ /Instagram/ սոցիալական կայքերում «Էկո նվեր» բրենդի անվանման տակ:


Ծրագրի մասնակից 25 դպրոցահասակ երեխաների համար իրականացվել է բնապահպանական թեմայով «Իմ երազանքի կանաչ մոլորակը» մրցույթը: Մրցույթի ժամանակ երեխաները գրել են շարադրություն իրենց երազած բնակավայրի մասին և նկարել են այն: Կազմակերպվել է նաև «Մաքուր պահենք մեր տունը» ակցիան, որի շրջանակներում ծրագրի մասնակիցները, կամավորները և համայնքի այլ անդամները համատեղ ընտրել ու մաքրել են տարածք:

17
«Արմեիա թրի պրոջեկտ» (“Armenia Tree Project”) ՀԿ –ն Աշտարակի «Սուրբ Մարիանե» կենտրոնին տրամադրեց 26 տնկի՝ բերքատւ ծառեր և թփեր։ Նոյեմբերի 22- ին կենտրոնի այգում իրականացվել է ծառատունկ, որին մասնակցել են կենտրոնի շուրջ 30 անդամ՝ երեխաներ, մեծահասակներ, աշխատակազմ և կամավորներ: Ծառատունկի միջոցառման ընթացքում շահառուներին ներկայացվեց տնկիների ջրելու, էտելու և այլ խնամքի կանոնները։ Այսպիսի միջոցառումները կրելու են շարունակական բնույթ և նպատակ ունեն կենտրոնի անդամների և Աշտարակ համայնքի բնակիչների շրջանում ձևավորել բնապահպանական մտածելակերպ և բնության նկատմամբ հոգատար վերաբերմունք:

19
Աշտարակի «Սուրբ Մարիանե» սոցիալական կենտրոնի տանիքին տեղադրվել է 5,2 կՎտ հզորությամբ արևային վահանակների համակարգ: Այժմ կենտրոնը օգտագորշում է այդ համակարգի միջոցով արտադրած էլեկտրաէներգիան:

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436