Նորություններ

ԵՀԽ Հայաստանյան Կլոր սեղան բարեգործական հիմնադրամի (ՀԿՍ) և Հայաստանյան Աստվածաշնչային ընկերության համագործակցության շրջանակում մեկնարկել է «Կանխարգելե´նք միասին պանդեմիայի և ինֆոդեմիայի հետևանքները» ծրագիրը: Նախաձեռնության շրջանակներում իրականացել է «Ընտանեկան բռնության մասին Աստվածաշնչյան մոտեցումը» թեմայով դասընթաց` Հայ Առաքելական Սուրբ Եկեղեցու Արագածոտնի, Արմավիրի, Շիրակի, Տավուշի, Գուգարաց, Գեղարքունյաց թեմերի քահանաների և սոցիալական աշխատողների մասնակցությամբ: Հաշվի առնելով կորոնավիրուսի համավարակը՝ դասընթացն անցկացվել է առցանց: Դասընթացավարն էր Հայաստանի Աստվածաշնչային ընկերության «Հոգետրավմայի ամոքում» ծրագրի ղեկավար, աստվածաբան Մարիաննա Ապրեսյանը:

Armenia Round Table Bible Society 20200707 043955


Միջոցառումն ուղղված էր Աստվածաշնչյան մոտեցմանը կանանց դեմ բռնության, իշխանության, ներողամտության, ապաշխարության և հնազանդության հարցերին: Դասընթացի ընթացքում շեշտադրվել են հատկապես կանանց նկատմամբ սեռական բռնության դատապարտումը հրեական օրենքում, կանայք հրեական հասարակության մեջ և ընտանիքում: Անդրադարձ է կատարվել ընտանիքում երեխաների ունեցած դերին, ինչպես նաև ծնող-երեխա փոխհարաբերությանը: Դիտարկվել է նաև Հիսուս Քրիստոսի ամոքող կերպարը` շեշտադրվելով, որ Նա եկավ լրացնելու հրեական օրենքը և հրաժարվեց առաջնորդվել բռնություն և իշխանություն բանեցնելու կանոններով:

Armenia Round Table Bible Society 20200707 043942
Քահանաները փորձագետի հետ ունեցած ակտիվ քննարկման արդյունքում անդրադարձ են կատարել իրենց հովվության ներքո գտնվող համայնքներում առաջացած օրակարգային խնդիրներին` ստանալով համապատասխան խորհրդատվություն և ուղղորդում: Առօրյա կյանքից բերված օրինակներն էլ նպաստել են դասընթացի տեսանելիությանը և արդյունավետությանը:

ԵՀԽ հայաստանյան Կլոր սեղան բարեգործական հիմնադրամի (ՀԿՍ) նախաձեռնությամբ կայացավ «Եկեղեցու պայքարն ընտանեկան բռնության դեմ և տղամարդկանց ներգրավումը դրա կանխարգելման համար» ծրագրի շրջանակում նախատեսված դասընթացը Հայ Առաքելական Սուրբ Եկեղեցու Արագածոտնի, Արմավիրի, Շիրակի, Տավուշի, Գուգարաց, Գեղարքունյաց, Կոտայքի իրենց հոգևոր ծառայությունը մատուցող քահանաների և սոցիալական աշխատողների համար: Հաշվի առնելով Կորոնավիրուսի համավարակը՝ դասընթացը տեղի ունեցավ առցանց: Դասընթացավարն էր հոգեբան Դավիթ Գևորգյանը:

Webinar priests armenia round table charity foundation 1

Օնլայն դասընթացն ուղղված էր սեռադերային կարծրատիպերի և նախապաշարումների, ինչպես նաև դրանցից բխող խտրական վարքի հոգեբանական առանձնահատկություններին։ Բացի այդ, շեշտադրվեցին նշված կարծրատիպերի կապը ընտանիքում բռնության հետ, ինչպես նաև դրանց հետ գործ ունենալու եղանակները։

Webinar priests armenia round table charity foundation 3

Քահանաները փորձագետի հետ քննարկեցին նաև վերոնշյալ թեմայի վերաբերյալ իրենց հովվության ներքո գտնվող համայնքներում առաջացած օրակարգային խնդիրները` ստանալով մասնագիտական խորհրդատվություն և ուղղորդում:

Webinar priests armenia round table charity foundation 4

Արդեն մեկ տասնամյակ ԵՀԽ հայաստանյան Կլոր սեղան բարեգործական հիմնադրամը ՄԱԿ-ի Բնակչության հիմնադրամի հետ համագործակցությամբ իրականացնում է Հայաստանում ընտանեկան բռնությունների կանխարգելմանն ուղղված ծրագրեր: Դրանց շրջանակում շարունակական վերապատրաստումներ են անցկացվում Հայ Առաքելական Եկեղեցու հոգևորականների և աշխարհիկ սոցիալական աշխատակիցների համար, որպեսզի նրանք իրականացնեն ընտանիքում բռնության առաջնային կանխարգելում` բարձրացնելով մարդկանց իրազեկությունը համայնքներում և ՀՀ բանակում, ինչպես նաև տրամադրելով անհատական, զույգի և ընտանեկան խորհրդատվություն:

Webinar priests armenia round table charity foundation 5

Իրենց ուրույն տեղն է զբաղեցնում հատկապես նորապսակների կամ ամուսնության պատրաստվող երիտասարդ զույգերի հետ տարվող խորհրդատվությունը: Ընտանիքում բռնությունն ունի բարդ ու բազմակողմանի բնույթ, որը պահանջում է համակողմանի մոտեցում: Այդ նպատակով Եկեղեցին և ՀԿՍ-ն ներկայացված են միջոլորտային աշխատանքային խմբերում` ուղղված բազմամասնագիտական գործնական մեխանիզմների մշակմանը: Տղամարդկանց ներգրավումը ծրագրի շրջանակում իրականացվելիք գործողություններին` հենց այն գլխավոր բանալին է, որն անհրաժեշտ է ընտանեկան բռնությունները կանխարգելելու համար:

«Հալեպ» հայրենակացական բարեսիրական կազմակերպությունը («Հալեպ» ՀԿ)՝ Եկեղեցիների համաշխարհային խորհրդի հայաստանյան միջեկեղեցական Կլոր սեղան բարեգործական հիմնադրամի (ՀԿՍ) ֆինանսավորմամբ իրականացվող «Երիտասարդների պայծառ ապագա» ծրագրի շրջանակում, կրթաթոշակներ տրամադրեց հայաստանյան բուհերում ուսանող 46 երիտասարդի:


2020 թ. փետրվարին հայտարարված՝ «Երիտասարդների պայծառ ապագա» ծրագրի կրթաթոշակի բաց մրցույթին ընդհանուր հաշվով դիմել էին 102 ուսանողներ, որոնցից 69-ը՝ ս.թ. գարնանային կիսամյակի ուսման վարձավճարի փոխահատուցման համար: Դիմորդների ընտրությունը կայացավ «ՀԱԼԵՊ» ՀԿ-ի Գործադիր տնօրեն Սարգիս Պալխեանի, ծրագրի համակարգող Արաքս Մարտիրոսյանի, ԵՀԽ Կլոր սեղան հիմնադրամի տնօրեն Կարեն Նազարյանի, ծրագրի ղեկավար Ռուբինա Դևրիկյանի և «Իմ քայլը» հիմնադրամի՝ Կրթական ծրագրերի համակարգող Արմեն Ներսեսյանի մասնակցությամբ:


Պայմանավորված COVID-19-ի համաճարակով, հանձնաժողը քննարկումն իրականացրեց առցանց տարբերակով: Մանրամասնորեն ուսումնասիրվեցին յուրաքանչյուր դիմորդի ներկայացրած փաստաթղթերը՝ հաշվի առնելով կրթաթոշակների տրամադրման՝ ծրագրով հաստատված չափանիշները, այն է՝ ակադեմիական բարձր առաջադիմությունը, հասարակական ակտիվությունն ու սոցիալական կարիքները: Հանձնաժողովի անդամների նկատառումների արդյունքում ընտրվեց 10 համալսարան ներկայացնող 46 ուսանող: Կրթաթոշակակիրները հանդիսանում են Հայաստանի, Սիրիայի, Իրաքի, Իրանի և Լիբանանի քաղաքացիներ:
Շնորհավորու՜մ ենք կրթաթոշակ ստացած ուսանողներին և մաղթում նորանոր հաջողություններ:


«Երիտասարդների պայծառ ապագա» ծրագիրը մեկնարկել է 2020 թ. փետրվարի 1-ին՝ ԵՀԽ հայաստանյան Կլոր սեղան բարեգործական հիմնադրամի աջակցությամբ: Ծրագրի նպատակն է սիրիահայ, իրաքահայ և այլ փախստականների, ինչպես նաև տեղացի երիտասարդների կարողությունների զարգացումը, ուսանողական կրթաթոշակների տրամադրումը և մասնագիտական պրակտիկայի միջոցով՝ աշխատանքային փորձի ապահովումը:

Հունիսմեկյան անակնկալ «Գալաքսի» ընկերությունների խմբի և ԵՀԽ հայաստանյան Կլոր սեղան բարեգործական հիմնադրամի կողմից: Արևիկ Սոցիալ - կրթական կենտրոնի փոքրիկների օրը լցվեց քաղցր անակնալներով: Քաղցրավենիքով լի արկղերի համեղ պարունակությունը մանուկներին բաժանեցին Հայ Առաքելական Եկեղեցու Տավուշի թեմի առաջնորդարանի և կենտրոնի աշխատակիցներն ու կամավորները։

 

ԵՀԽ հայաստանյան Կլոր սեղան բարեգործական հիմնադրամը շարունակում է կորոնավիրուսով պայմանավորված հակաճգնաժամային ծրագրերը: Այս անգամ սննդով լի փաթեթներ էին պատրաստվել Շիրակի թեմի հատուկ բազմանդամ ընտանիքների համար, որը կարող էր ապահովել ընտանիքին սննդով որոշակի ժամանակահատված: Փաթեթները լի էին ոչ միայն նպարեղենով, պահածոներով, բուսական յուղով, 10 կգ ալյուրով, տարբեր սննդարար ուտելիքներով, նաև երեխաների համար քաղցրավենիք էր նախատեսված: 36 բազմազավակ ընտանիքների տրամադրվեց այս աջակցությունը: Փաթեթները բաժանեցին Հայ Առաքելական Եկեղեցու Շիրակի թեմի սոցիալ-կրթական կենտրոնի աշխատակիցները:

shirak social centre Round Table Charity Foundation COVID 19 02 06 20 01

Սա ևս մեկ անգամ փաստում է, որ միայն միմյանց օգնելով կարող ենք հաղթահարել դժվարին իրավիճակը ու վիտամիններով հարուստ սնունդն ամուր ու անխոցելի կդարձնի ծնողներին ու երեխաներին, կպաշտպանի վարակներից ու տարատեսակ հիվանդություններից:

shirak social centre Round Table Charity Foundation COVID 19 02 06 20 03

Մեր նախորդ ծրագրերի մասին առավել մանրամասն կարող եք ծանոթանալ այստեղ և այստեղ:

Կլոր սեղան բարեգործական հիմնադրամի աջակցությամբ Հայ Առաքելական Եկեղեցու թեմերը նույնպես իրականացնում են հակաճգնաժամային միջոցառումներ:

Armenia Round Table-Ashtarak food package

Կլոր սեղան բարեգործական հիմնադրամը (Եկեղեցիների համաշխարհային խորհրդի հայաստանյան Կլոր սեղան միջեկեղեցական բարեգործական հիմնադրամ) նույնպես միացավ կորոնավիրուսի դեմ պայքարին: Հիմնադրամի աջակցությամբ Հայ Առաքելական Եկեղեցու թեմերում գործող սոցիալական կենտրոնները կամավորների ցուցակներ են կազմել և ամեն պահի պատրաստ են աջակցել ՀՀ կառավարությանը՝ ինքնամեկուսացման ընթացքում սոցիալական խնդիրների առաջ կանգնած մարդկանց աջակցություն բաժանելու հարցում: Ցուցակն ընդգրկում է 109 կամավոր: Դրանից բացի, սոցիալական կենտրոնները սեփական նախաձեռնությամբ արդեն սկսել են սոցիալական խոցելի խմբերին անհրաժեշտ պարենամթերքի, գրենական պիտույքների և այլ անհրաժեշտ պարագաների տրամադրումը:

Armenia Round Table Charity Foundation-Ashtarak Food package 2

Հայ Առաքելական Եկեղեցու Տավուշի թեմի Արևիկ սոցիալ-կրթական կենտրոնը՝ ԵՀԽ Կլոր սեղան հիմնադրամի աջակցությամբ, սննդի փաթեթներ պատրաստեց: Ծրագրի 1-ին փուլում Տավուշի թեմի առաջնորդարանում՝ թեմի առաջնորդ գերաշնորհ Տ. Բագրատ եպիսկոպոս Գալստանյանի գլխավորությամբ, կենտրոնի կամավորներն ու հոգևորականները՝ «Թելիկ» սոցիալական ձեռնարկության կարած դիմակներով «զինված», առաջնային անհրաժեշտության սննդի պարենի փաթեթները, որոնք ներառում են նաև թեմի «Վանքի անուշ» մուրաբաները, առաքեցին Իջևան, Գանձաքար, Սևքար, Ազատամուտ, Դիտավան, Վերին Կարմիրաղբյուր համայնքներում բնակվող և դժվար կացության մեջ հայտնված 33 ընտանիքներին:

Armenia Round Table Charity Foundation-Gyumri Food Package

Մայր Աթոռի ֆինանսավորմամբ՝ Շիրակի թեմի սոցիալ-կրթական կենտրոնի աշխատակիցներն նույնպես այս օրերի ընթացքում կամավոր սկզբունքով պատրաստել են սննդամթերքի փաթեթներ: Նրանք թեմի առաջնորդ գերաշնորհ Տ. Միքայել եպիսկոպոս Աջապահյանի օրհնությամբ, նպարեղենի ու անհրաժեշտ սննդի փաթեթ են տրամադրվում Գյումրիի 200 ընտանիքի: Սրանից զատ՝ նաև Շիրակի թեմի միջոցներով, հատկացվում են հիգիենայի պարագաներ: Եկեղեցու բարերարների աջակցությամբ ևս 50 ընտանիք ստացել է սննդամթերքի փաթեթներ:

Շահառուների կարիքի գնահատման ու աջակցման համար սոցիալ-կրթական կենտրոնը համագործակցում է մարզային ու քաղաքային իշխանությունների հետ՝ բացառելու համար կրկնակի օգնությունն ու ավելի թիրախային դարձնելով աջակցությունը:

Armenia Round Table Chairty Foundation-Gyumri protection Mask

Կանայք կենտրոնում կարում են 5000 դիմակ: Դիմակների պատրաստման ծրագիրն իրականացվում է Կլոր սեղան հիմնադրամի և Մայր Աթոռ Սուրբ Էջմիածնի համագործակցությամբ նախաձեռնված ծրագրի շրջանակում: Ընդհանուր առմամբ, ծրագրի շրջանակում նախատեսվում է Գյումրիի, Իջևանի, Վանաձորի սոցիալական կենտրոններում և Էջմիածնի հայորդյաց տանը կարել 20000 դիմակ:

Շիրակի թեմի առաջնորդարանի աջակցությամբ համայնքին օգնելու համար անկողնային պարագաներ են կարվում, որոնք հատկացվելու են մարզի հիվանդանոցների ստացիոնար բաժանմունքներին: Շիրակի թեմի սոցիալ-կրթական կենտրոնը օրեր առաջ վերմակներ, հիգիենայի պարագաներ է նվիրել Գյումրու ինֆեկցիոն հիվանդանոցին և Մոր և մանկան Ավստրիական հիվանդանոցին: Կենտրոնի աշխատակիցները բացի իրենց հիմնական աշխատանքային գործառույթներից կամավոր հիմունքներով ներգրավված են իրականացվող բոլոր աշխատանքներին:

Արագածոտնի թեմի և Մայր Աթոռ Սուրբ Էջմիածնի հովանավորությամբ ապրիլին սննդային աջակցություն է տրամադրվել Աշտարակի «Սուրբ Մարիանե» և Սաղմոսավանի սոցիալական կենտրոնների շահառու 115 սոցիալապես անապահով և ծանր դրության մեջ հայտնված ընտանիքներին: Կենտրոնը հոգևարոկանների հետ հանդիպումները և արվեստի դասընթացները նույնպես անցկացնում է հեռավար:

Karakert grenakan 1

«Նարեկ» ՀԿ նախաձեռնությամբ աջակցություն է ցուցաբերվել Արմավիր թեմի Քարակերտի Սուրբ Գրիգոր Նարեկացու անվան հոգևոր մշակույթի կենտրոնում գործող նախակրթարանի 40 սանի՝ տրամադրելով հիգիենիկ պարագաներ և գրենական պիտույքներ: Կենտրոնը բոլոր դասընթացները տեղափոխել է առցանց հարթակ:

Գեղարքունյաց թեմի Գավառի և Վարդենիսի սոցիալական կենտրոնները նույնպես խմբակների աշխատանքը և դասընթացները տեղափոխել են առցանց հարթակ: Բոլոր այն կենտրոնները, որոնք անցել են հեռավար դասընթացի, նշում են, որ հիմնական խոչընդոտներից են սարքերի և համացանցի բացակայությունը որոշ շահառուների ընտանիքներում:

Եթե ցանկանում եք նվիրատվություն կատարել մեր ծրագրերի իրականացման համար, սեղմեք այստեղ: Ձեր ներդրած յուրաքանչյուր լուման կարևոր է:

Գեղարքունյաց թեմի Գավառի համայնքային կրթական կենտրոնը, ստեղծված իրավիճակով պայմանավորված, խմբակների աշխատանքը և դասընթացները տեղափոխել է առցանց հարթակ։

IMG 62fc3201110d6dea3d06096cb41580a9 V
Անգլերենի դասապատրաստման խմբակն առավել քան անհրաժեշտ էր այս օրերին՝ օգնելու երեխաներին պատրաստելու դպրոցական հանձնարարաությունները: Առցանց ռեժիմով աշխատում են նաև երգի, նկարչության, տիկնիկային թատրոնի և մյուս խմբակները: Նկարչության խմբակի երեխաները հեռավար ուսուցմամբ պատրաստվում են նկարչական համահայկական 10-րդ փառատոնին։

Հայ Առաքելական Եկեղեցու Արագածոտնի թեմն ապրիլին սննդային աջակցություն է տրամադրել «Սուրբ Մարիանե» և Սաղմոսավանի սոցիալական կենտրոնների 47 սոցիալապես անապահով և ծանր դրության մեջ հայտնված ընտանիքների: Տրվել էր առաջնային անհրաժեշտության մոտ 9 կգ սննդամթերքի մեկական փաթեթ, որը կենտրոնի կամավորները տարել են ընտանիքների բնակության հասցեներ:

IMG 7e81b7900d374a8ab63b1858e0735470 V

Ամբողջ աշխարհում տարածում գտած համավարակի հետևանքների մեղմացման նպատակով Մայր Աթոռ Սուրբ Էջմիածինը 30 միլիոն դրամ է տրամադրել ՀՀ տարածքում ապրող սոցիալապես անապահով և խոցելի ընտանիքներին պարենամթերքով ապահովվելու համար։

IMG 7efa549c5165dec2ba78e41d9fb4d980 V

Ապրիլի կեսին Մայր Աթոռ Սուրբ Էջմիածնի հովանավորությամբ Արագածոտնի թեմն Աշտարակ քաղաքի 54 և Սաղմոսավան ու Արտաշավան գյուղերի 14 խոցելի ընտանիքներին տրամադրվել է մոտ 20-ական կգ պարենամթերք։ Ընտանիքներն ընտրվել էին կարիքների գնահատման հիման վրա որպես առավել խոցելի և կարիքավոր՝ հիմնականում բազմանդամ և բազմազավակ, միայնակ մայրերով, տարեցներով ընտանիքներ:

online classes Ashtarak

Կենտրոնը հոգևարոկանների հետ հանդիպումները և արվեստի դասընթացները նույնպես անցկացնում է հեռավար:

IMG 20200411 112108

Հաշվի առնելով COVID -19 -ի առաջացրած դժվարություները՝ «Նարեկ» ՀԿ - ն իր նախաձեռնությամբ աջակցություն է ցուցաբերել Արմավիր թեմի Քարակերտի Սուրբ Գրիգոր Նարեկացու անվան հոգևոր մշակույթի կենտրոնում գործող նախակրթարանի 40 սաների՝ բաժանելով հիգիենիկ պարագաներ և գրենական պիտույքներ:

ԵՀԽ հայաստանյան Կլոր սեղան հիմնադրամի աջակցությամբ գործող Հայ Առաքելական Եկեղեցու Շիրակի թեմի Սոցիալ-կրթական կենտրոնը շարունակում է աշխատել հասարակության տարբեր խմբերի կարիքավոր ընտանիքների հետ: Տարեցների, դեռահասների ու նախադպրոցական տարիքի երեխաների խնամքի և հոգածության ծրագրերով շահառուները չեն գալիս կենտրոն, բայց աշխատանքը շարունակվում է հեռավար: Կենտրոնը դպրոցականներին օգնում է հեռավար դասապատրաստման աշխատանքներում, սոցիալական մանկավարժը մշտապես աշխատում է ծնողների ու երեխաների հետ՝ ապահովելով հեռավար մանկավարժական ու սոցիալական աջակցությունը, իսկ դաստիարակը աշխատում է նախակրթարանի երեխաների հետ:

IMG 9394Պետական աջակցման ծրագրերի հարցում առաջացած թյուրըմբռումների ժամանակ նույնպես Շիրակի թեմի Սոցիալ-կրթական կենտրոնը օգնում է խորհրդատվությամբ:

IMG 9428
Մայր Աթոռի ֆինասավորմամբ՝ կենտրոնի աշխատակիցներն այս օրերի ընթացքում կամավոր սկզբունքով պատրաստել են սննդամթերքի փաթեթներ: Նրանք նպարեղենի ու անհրաժեշտ սննդի փաթեթ են տրամադրվում Գյումրիի 200 ընտանիքի: Սրանից զատ՝ նաև Շիրակի թեմի միջոցներով հատկացվում են հիգիենայի պարագաներ:

IMG 9483
Եկեղեցու բարերաները ևս անմասն չեն մնում այս ամենից և իրենց օգնություն են առաջարկել: Նրանց աջակցությամբ ևս 50 ընտանիք ստացել է սննդամթերքի փաթեթներ:

IMG 9498
Շահառուների կարիքի գնահատման ու աջակցման համար Սոցիալ-կրթական կենտրոնը համագործակցում է մարզային ու քաղաքային իշխանությունների հետ՝ բացառելու համար կրկնակի օգնությունն ու ավելի թիրախային դարձնելով աջակցությունը:

IMG 9479
Միաժամանակ Շիրակի թեմը դիմել է տարբեր հիմնադրամների ու բարերարների, որպեսզի հնարավոր լինի ավելի շատ մարդկանց սատարել ու ապահովվել սննդամթերքով:

IMG 9411

Սրան զուգահեռ Կենտրոնում կանայք կարում են 5000 դիմակ: Իսկ Շիրակի թեմի առաջնորդարանի աջակցությամբ համայնքին օգնելու համար անկողնային պարագաներ են կարվում, որոնք հատկացվելու են մարզի հիվանդանոցների ստացիոնար բաժանմունքներին:

IMG 9505
Սա հիվանդանոցներին տրված միակ օգնությունը չէր Շիրակի թեմի առաջնորդարանից: Շիրակի թեմի Սոցիալ-կրթական կենտրոնը օրեր առաջ վերմակներ, հիգիենայի պարագաներ է նվիրել Գյումրու ինֆեկցիոն հիվանդանոցին եւ Մոր և մանկան Ավստրիական հիվանդանոցին:

Avstriakan mor ev mankan hivandanoc 6

 

Կենտրոնի աշխատակիցները բացի իրենց հիմնական աշխատանքային գործառույթներից կամավոր հիմունքներով ներգրավված են իրականացվող բոլոր աշխատանքներին:

ԵՀԽ հայաստանյան Կլոր սեղան հիմնադրամը սիրով հրավիրում է մասնակցելու հակամարտությունների փոխակերպման նվիրված ոչ ֆորմալ կրթական հեռավար դասընթացին: Դասընթացը կօգնի և կնպաստի Ձեզ՝

  • Ստանալ բազային գիտելիք կոնֆլիկտների ծագման և զարգացման օրինաչափությունների վերաբերյալ:
  • Զարգացնել կոնֆլիկտների հետ աշխատանքի վերլուծական ունակությունները:
  • Նպաստել կոնֆլիկտների ստեղծագործական փոխակերպման ոչ ստանդարտ ու նորարարական մտածելակերպի ձևավորմանը:
  • Փոխել վերաբերմունքը ինչպես կոնֆլիկտների ընկալման, այնպես էլ դրանց դրական փոխակերպման հնարավորությունների նկատմամբ:
  • Զարգացնել ոչ կոնֆլիկտային հաղորդակցման պրակտիկ հմտությունները:

 

 

Դասընթացներն անվճար են:
Դասընթացն անցկացվելու է 6-7 օր՝ շաբաթը 2-3 անգամ, 1 ժամ տևողությամբ: Դասընթացի ավարտից հետո մասնակիցները կստանան էլեկտրոնային վկայականներ և կկարողանան մասնակցել կոնֆլիկների փոխակերպմանը և խաղաղության տարածմանը նվիրված փոքրածավալ ծրագրերին:

Մասնակցության ցանկության ներկայացնելու կարգը և վերջնաժամկետը`

Դասընթացին մասնակցելու համար անհրաժեշտ է լրացնել այս հղումով փաստաթուղթը՝ մինչև ս.թ. ապրիլի 15-ը:

 

Դասընթացին կարող են մասնկացել 18-25 տարեկան երիտասարդները:

Դասընթացն իրականացվում է ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակում, որն իրականացվում է Շվեյցարիայի բողոքական եկեղեցիների միության (HEKS/EPER) աջակցությամբ:

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436