Նորություններ

ԵՀԽ Հայաստանյան Կլոր սեղան բարեգործական հիմնադրամի և ՄԱԿ-ի Բնակչության հիմնադրամի համագործակցության շնորհիվ կյանքի կոչված «Եկեղեցու պայքարն ընտանեկան բռնության դեմ և տղամարդկանց ներգրավումը դրա կանխարգելման համար» ծրագրի շրջանակում՝ սեպտեմբերի 23-ին Գեղարքունիքի մարզի Ծովինար գյուղի Սուրբ Աստվածածին եկեղեցում իրականացավ «Երջանիկ ընտանիքի գաղտնիքները» թեմայի շուրջ բանախոսություն: Բանախոսն էր Գեղարքունիքի թեմի հոգևոր սպասավոր Արժանապատիվ Տ. Գևորգ քահանա Տեր-Բարսեղյանը:

Tsovinar_Round-Table-1

Միջոցառումը նախատեսված էր քահանայի հովվության ներքո գտնվող համայնքի մոտ 20 մասնակիցների համար: Սակայն ընթացքում ՝մի ջոցառման մասնակցիների թիվը հասավ մոտ 40 ի՝ պահպանելով համավարակից պաշտպանվելու համար նախատեսված կանոնները, առնվազն 10 անձ էլ` բանախոսությանը հետևեց եկեղեցու բակից:

Բանախոսությունը սկսվեց Տերունական աղոթքով և ավարտվեց ընտանիքի պահպանությանը նվիրված աղոթքով: Քահանայի խոսքը համեմված էր հայ ավանդական և Աստվածաշնչային պատգամներով, որի գլխավոր նպատակը սիրո, նվիրումի վեհ գաղափարների սերմանումն ու Աստվածահաճո ապրելակերպի ուսուցումն էր:

Tsovinar_Round-Table-2

Բանախոսությունը հագեցած էր երկխոսություններով, որոնց ընթացքում Տեր Հայրը վեր էր հանում մասնակիցներին հուզող հարցերն ու տալիս համապատասխան խորհուրդներն ու ստույգ պատասխանները:

Մասնակիցների շարքում էին երիտասարդ տղաներ և աղջիկներից, ամուսնությանը պատրաստվող զույգերից, ինչպես նաև հայրերից ու մայրերից: Մասնակիցները շատ կարևորեցին նաև հետագայում նման թեմաների շուրջ կազմակերպված միջոցառումների իրականացումը` առանձնացնելով հատկապես «Երեխաների դաստիարակության ճշմարիտ հիմքերը», «Ամուսնության ավանդական արժեքները» թեմաներին անդրադառնալու անհրաժեշտությունը ներկայիս հասարակության մեջ:

Tsovinar_Round-Table-3

Արդեն մեկ տասնամյակ ԵՀԽ Հայաստանյան Կլոր սեղան բարեգործական հիմնադրամը ՄԱԿ-ի Բնակչության հիմնադրամի հետ համագործակցությամբ իրականացնում է Հայաստանում ընտանեկան բռնությունների կանխարգելմանն ուղղված ծրագրեր: Դրանց շրջանակում շարունակական վերապատրաստումներ են անցկացվում Հայ Առաքելական Եկեղեցու հոգևորականների և աշխարհիկ սոցիալական աշխատակիցների համար, որպեսզի նրանք իրականացնեն ընտանիքում բռնության առաջնային կանխարգելում` բարձրացնելով մարդկանց իրազեկությունը համայնքներում և ՀՀ բանակում, ինչպես նաև տրամադրելով անհատական, զույգի և ընտանեկան խորհրդատվություն:

ԵՀԽ Հայաստանյան Կլոր սեղան բարեգործական հիմնադրամի (ՀԿՍ) նախաձեռնությամբ կայացավ «Եկեղեցու պայքարն ընտանեկան բռնության դեմ և տղամարդկանց ներգրավումը դրա կանխարգելման համար» ծրագրի շրջանակում նախատեսված խորհրդատվական հանդիպումը: Այն նախատեսված էր Հայ Առաքելական Եկեղեցու Արագածոտնի, Արմավիրի, Շիրակի, Տավուշի, Գուգարաց, Գեղարքունյաց թեմերում հոգևոր ծառայություն մատուցող այն քահանաների և սոցիալական աշխատողների համար, ովքեր օգոստոսի 15-ից սկսել են իրենց համայնքներում ընտանեկան բռնության կանխարգելմանը նվիրված թեմայի շուրջ ծավալված գործունեության 2-րդ փուլը: Մասնակիցները կազմակերպել են միջոցառումներ, դասընթացներ, խորհրդատվական հանդիպումներ երիտասարդների, նորապսակ զույգերի, ՀՀ ԶՈՒ-ի պայմանագրային և ժամկետային զինծառայողների մասնակցությամբ` կարևորելով հատկապես տղամարդկանց ներգրավվածությունը, քանզի տղամարդկանց իրազեկության մակարդակի բարձրացումը հենց այն գլխավոր բանալին է, որի միջոցով հնարավոր է լինում կանխարգելել ընտանեկան բռնությունը: Հաշվի առնելով Կորոնավիրուսի համավարակը՝ հանդիպումը տեղի ունեցավ առցանց: Խորհրդատուն էր հոգեբան Դավիթ Գևորգյանը:


Քահանաները և սոց. աշխատողները փորձագետի հետ քննարկեցին ընտանիքներում ծնող-երեխա, կին-ամուսին հարաբերություններում ճգնաժամային, սթրեսային իրավիճակները, վախի հասկացության դեմ պայքարելու հնարավոր ճանապարհները: Ինչպես նաև անդրադարձ կատարեցին սեռադերային կարծրատիպերի, նախապաշարումների, դրանցից բխող խտրական վարքի հոգեբանական առանձնահատկությունների վերաբերյալ՝ իրենց հովվության ներքո գտնվող համայնքներում առաջացած ընդհանուր օրակարգային խնդիրներին` ստանալով համապատասխան խորհրդատվություն ճիշտ լուծումներ գտնելու ու հարթեցնելու համար:


Արդեն մեկ տասնամյակ ԵՀԽ Հայաստանյան Կլոր սեղան բարեգործական հիմնադրամը ՄԱԿ-ի Բնակչության հիմնադրամի հետ համագործակցությամբ իրականացնում է Հայաստանում ընտանեկան բռնությունների կանխարգելմանն ուղղված ծրագրեր: Դրանց շրջանակում շարունակական վերապատրաստումներ են անցկացվում Հայ Առաքելական Եկեղեցու հոգևորականների և աշխարհիկ սոցիալական աշխատակիցների համար, որպեսզի նրանք իրականացնեն ընտանիքում բռնության առաջնային կանխարգելում` բարձրացնելով մարդկանց իրազեկությունը համայնքներում և ՀՀ բանակում, ինչպես նաև տրամադրելով անհատական, զույգի և ընտանեկան խորհրդատվություն:

«Ֆրեսկո» արդի արվեստի և հոգևոր ֆիլմերի 7-րդ միջազգային փառատոնն օգոստոսի 22-ից սեպտեմբերի 1-ը մշակութային տոն ստեղծեց՝ անցկացնելով ֆիլմերի դիտում-քննարկումներ, համերգային ծրագրեր և առցանց հանդիպումներ: Փառատոնի հանդիսավոր բացման արարողությունը տեղի ունեցավ օգոստոսի 22-ին սահմանամերձ գեղատեսիլ Բերդ քաղաքում՝ Բերդ պարային անսամբլի բացօթյա մենահամերգով։ Այնուհետ օգոստոսի 24-ին ֆիլմերի բացօթյա ցուցադրումով մեկնարկեց երևանյան ծրագիրը։ Երևանյան համերգային ծրագիրը ևս հագեցած էր՝ օգոստոսի 28-ին անցկացվեց Հայաստանի Պարի պետական անսամբլի մենահամերգը, 29-ին՝ Ռուբեն Հախվերդյանի 70-ամյակին նվիրված հոբելյանական համերգների շարքից առաջինը՝ «Ֆրեսկոյի» շրջանակներում, օգոստոսի 30-ին՝ Ջիվան Գասպարյան և ընկերներ:

Fresco 20 awards Armenia Round Table 2


Փառատոնին այս տարի ներկայացված 3000-ից ավել հայտից (85 երկիր) ընտրվել է 63 ֆիլմ (23 երկիր): Մրցութային ծրագրում ընդգրկվել են ֆիլմեր, որոնց ուղերձներն են մարդասիրությունը, հայրենասիրությունը, առողջ ապրելակերպը և այլ համամարդկային արժեքներ:

Փառատոնի ժյուրիի կազմում ընդգրկված էին 16 հոգի՝

1. Անաստասիա Ռոբսկայա (Ուկրաինա)
2. Արմին Էբրահիմի (Իրան)
3. Առնալդո Կասալի (Իտալիա)
4. Բեատա Գոլենսկա (Իտալիա)
5. Հայր Եվգենի Գլազունով (Ռուսաստան)
6.Տեր Համբարձում Դանիելյան (Հայաստան)
7. Հայր Մարեկ Լիս (Լեհաստան)
8. Իրինա Յաղուբյան (Հայաստան)
9. Կարեն Մնացականյան (Հայաստան)
10. Կատյա Մալատեստա (Իտալիա)
11. Մանյա Ղազարյան (Հայաստան)
12. Նոնա Սիսակյան (Բելառուս)
13. Սիմոնե Սեմպրինի (Իտալիա)
14. Տամառա Ցոցորիա (Ռուսաստան)
15. Այվազյան (Մեծ Բրիտանիա)
16. Վլադիսլավ Ռոբսկի (Ուկրաինա)


«Ֆրեսկո» արդի արվեստի և հոգևոր ֆիլմերի 7-րդ միջազգային փառատոնի մրցանակակիր ֆիլմերի անուններն արդեն հայտնի են.

Fresco 20 awards Armenia Round Table 3

Անիմացիոն ֆիլմերից հաղթող են ճանաչվել

«Ձայն հառաչանաց», Ֆրանսիա, Աթամ Ռաշո, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Բաղադրատոմս աքսորում», ԱՄՆ, Շանտալ Քասարջյան, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։
«Տատիկ», Բուլղարիա, Ռոզա Կոլչագովա, ԼԱՎԱԳՈՒՅՆ ՈՒՂԵՐՁ՝ «ՍԵՐ»։


Լիամետրաժ ֆիլմերից հաղթող են ճանաչվել

«Թշնամիները», Վրաստան, Գեորգի Գաչավա, ԼԱՎԱԳՈՒՅՆ ՈՒՂԵՐՁ՝ «ԽԱՂԱՂՈՒԹՅՈՒՆ» ։
«Ընկույզ», Իրան, Մոհամադրեզա Հաջի Ղոլամ, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Երազանքների թիմը», Ռուսաստան, Ֆիլիպ Աբրյուտին, Մաքսիմ Զիկով, ԼԱՎԱԳՈՒՅՆ ՈՒՂԵՐՁ՝ «ՍՊՈՐՏԱՅԻՆ ԱՐԺԵՔՆԵՐ»։
«Անիկո», Հայաստան, Աննա Հարությունյան, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։

Կարճամետրաժ ֆիլմերից հաղթող են ճանաչվել

Fresco 20 awards Armenia Round Table 4


«Բացառիկ օր», Ֆրանսիա Սեդրիկ Սպինասու, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։
«Ազադե», Իրան, Միրաբաս Խոսրավինեժադ, ԼԱՎԱԳՈՒՅՆ ՈՒՂԵՐՁ՝ «ՄԱՐԴԱՍԻՐՈՒԹՅՈՒՆ»։
«Աղ ու հաց», Հայաստան, Ռուսաստան, Արջ-Ասպետ Շերմազանյան, ԼԱՎԱԳՈՒՅՆ ՈՒՂԵՐՁ՝ «ՆԵՐՈՒՄ»։
«Վալենկի», Ռուսաստան, Աննա Պռուդնիկովա, ԼԱՎԱԳՈՒՅՆ ՈՒՂԵՐՁ՝ «ՀՈՒՅՍ»։
«Կրակմարիչ», Իսպանիա, Ռոդրիգո Սոպենյա, Ջոանա Սոլնադոք, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Մտերիմը», Ռուսաստան, Իրինա Բասս, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։
«Պիպոն և կույր սերը», Ֆրանսիա, Հյուգո Լը Գուղղիեղեկ, ԼԱՎԱԳՈՒՅՆ ՈՒՂԵՐՁ՝ «ՍԵՐ»։
«Պիտակ», Մակեդոնիա, Գեորգի Ունկովսկի, ԼԱՎԱԳՈՒՅՆ ՈՒՂԵՐՁ՝ «ԸՆՏԱՆԵԿԱՆ ԱՐԺԵՔՆԵՐ»։

Վավերագրական ֆիլմերից հաղթող են ճանաչվել

«Հերթի ցուցակ», Ռուսաստան, Նատալյա Մախանկո, ԼԱՎԱԳՈՒՅՆ ՈՒՂԵՐՁ՝ «ՄԵՐ ՕՐԵՐԻ ՀԵՐՈՍԸ»։
«Կարմիր ձուկ՝ սաղմոն», Ռուսաստան, Դմիտրի Շպիլենոկ, Վլադիսլավ Գրիշին, ԼԱՎԱԳՈՒՅՆ ՈՒՂԵՐՁ՝ «ՄԱՔՈՒՐ ՄՈԼՈՐԱԿ»։
«Ինչ կլինի վաղը», Ռուսաստան, Անաստասիա Շտանդկե, ԼԱՎԱԳՈՒՅՆ ՈՒՂԵՐՁ՝ «ՀԱՎԱՏ»։
«Սպիներ», Ֆրանսիա, Դիդիե Կրոս, ԼԱՎԱԳՈՒՅՆ ՈՒՂԵՐՁ՝ «ՔԱՋՈՒԹՅՈՒՆ»։
«Լիտվյակովը մարդուն», Ռուսաստան, Ռոման Պոմերանցեվ, ԼԱՎԱԳՈՒՅՆ ՈՒՂԵՐՁ՝ «ՍԵՐ»։


Մայր Աթոռ Սուրբ Էջմիածնի հատուկ մրցանակի հաղթողներ են ճանաչվել

Fresco 20 awards Armenia Round Table 5
«Ձայն հառաչանաց», Ֆրանսիա, Աթամ Ռաշո, ԼԱՎԱԳՈՒՅՆ ՈՒՂԵՐՁ՝ «ՀՈՒՅՍ, ՀԱՎԱՏ, ՍԵՐ»։
«Երկնային ուրախություն», Ռուսաստան, Նատալյա Ֆեդչենկո, ԼԱՎԱԳՈՒՅՆ ՈՒՂԵՐՁ՝ «ՀՈՒՅՍ, ՀԱՎԱՏ, ՍԵՐ»։
«Վանականը», Ռուսաստան, Դան Գրին, ԼԱՎԱԳՈՒՅՆ ՈՒՂԵՐՁ՝ «ԽՈՍՏՈՎԱՆՈՒԹՅՈՒՆ»։

Փառատոնն իրականացվում է ՀՀ կրթության, գիտության, մշակույթի և սպորտի նախարարության գլխավոր աջակցությամբ, Մայր Աթոռ Սուրբ Էջմիածնի օրհնությամբ և աջակցությամբ և Հայաստանյան «Կլոր սեղան» հիմնադրամի աջակցությամբ՝ Հայաստանի Հանրապետությունում կորոնավիրուսային համավարակի (COVID-19) կանխարգելման և վերահսկման կանոնների պահպանմամբ։

Սոնա Չովուշյանը և Ֆլորա Միրզախանյանը Վ. Բրյուսովի անվան պետական լեզվահասարակագիտական համալսարանի ուսանողներ են, ովքեր իրենց մասնագիտական պրակտիկան անցկացնում են ՀՀ Վարչապետի աշխատակազմում՝ «Երիտասարդների պայծառ ապագա» ծրագրի շրջանակներում:


Սոնան Արմավիրի մարզից է, համալսարանում ուսանում է Թարգմանչության և միջմշակութային հաղորդակցության բաժնում, մեծ հետաքրքրություն ունի լեզուների նկատմամբ. տիրապետում է ռուսերեն, անգլերեն և գերմաներեն լեզուներին: Սոնան ունի կամավորական աշխատանքի հարուստ փորձ, մասնակցել է թարգմանչական և կազմակերպչական տարբեր աշխատանքների, այդ թվում նաև մաս կազմել Էրազմուս+ -ի թրեյնինգներին:


Սոնա Չովուշյան. «Լինելով ակտիվ մարդ՝ միշտ ցանկացել եմ ուսմանս զուգընթաց մասնակցել տարբեր ծրագրերի, փորձել ինձ տարբեր ոլորտներում և գտնել իմ մասնագիտությանը համապատասխան աշխատանք կամ պրակտիկա։ Սակայն, համալսարանական տարիներից, բավականին բարդ է գտնել մասնագիտական աճի հեռանկար տվող աշխատանք։ Հատկապես այժմ այդ դժվարությունները կրկնապատկվել են՝ կապված համավարակի պատճառով առաջացած խնդիրների և սահամանափակումների հետ։ Մեկ ամիս առաջ ինձ ընձեռվեց հիանալի հնարավորություն պրակտիկա անցնել ՀՀ Կառավարությունում՝ Վարչապետի աշխատակազմում։ Արդեն մեկ ամիս է՝ «Երիտասարդների պայծառ ապագա» ծրագրի շնորհիվ պրակտիկա եմ անցնում Աշխատակազմի Տեղեկատվության և հասարակայնության հետ կապերի վարչությունում, որտեղ մասնակցում եմ տարաբնույթ աշխատանքների, կատարում նախարարների ելույթների սղագրություններ, ուսումնասիրում օտարերկրյա լրատվամիջոցների վերլուծություններ, իրականացնում հետազոտություններ, մասնակցում հաղորդաշարերի նկարահանումներին և այլն:


Այս մեկ ամիսը ինձ տվեց հիանալի փորձ աշխատել լավ թիմի հետ, ունենալ փորձառու ավագ ընկերներ, և իհարկե, աշխատել և բացահայտել ինքս ինձ։ Համոզված եմ, որ հաջորդ ամիսներն էլ ավելի կօգնեն մասնագիտանալ և ձեռք բերել բազում գիտելիքներ»։


Ֆլորա Միրզախանյանը ք. Երևանից է, այս տարի ավարտել է Քաղաքագիտություն բաժինը, տիրապետում է մի քանի լեզուների, հանդիսանում է «ՄԻՏՔ» կրթական- երիտասարդական նախաձեռնության ՀԿ անդամ: Ֆլորան ուսմանը զուգընթաց մասնակցել է արտահամալսարանական մի շարք դասընթացների՝ ժողովրդավարության, մեդիագրագիտության, ինչպես նաև ԵՄ արժեքներին, մարդու իրավունքներին առնչվող թեմաների շուրջ ինչպես Հայաստանում, այնպես էլ Հայաստանից դուրս:


Ֆլորա Միրզախանյան. «Մեկ ամիս առաջ ավարտելով բակալավրը՝ որոշեցի զբաղվել մասնագիտական գործունեությամբ և աշխատանք գտնել, սակայն բախվեցի մի իրականության. գրեթե բոլոր վայրերում պահանջում էին աշխատանքային փորձի առկայություն: Այո, աշխատանքային փորձը կարևոր է, սակայն, եթե ոչ մեկ չի տալիս աշխատելու հնարավորություն, ապա ինչպե՞ս ձեռք բերել այդ փորձը:


Բարեբախտաբար տեղեկացա «Երիտասարդների պայծառ ապագա» ծրագրի մասին, որը հնարավորություն է տալիս երիտասարդներին մասնագիտական վճարովի պրակտիկա անցնել: Մեկ ամսվա ընթացքում արդեն հասցրել եմ մի շարք հմտություններ ձեռք բերել, որոնք վստահ եմ պետք կգան հետագա գործունեությանս ընթացքում, իսկ այստեղ ձեռք բերած աշխատանքային փորձս կօգնի այլ աշխատանքների անցնել»:


«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ`կողք կողքի աշխատելով փորձառու մասնագետների հետ:

 

«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին:

Սիրով ձեզ ենք ներկայացնում «Երիտասարդների պայծառ ապագա» ծրագրի շրջանակներում իրականացվող վճարովի պրակտիկայի մասնակից Կառլոս Կուլումյանին:

Ողջույն…
Ես Կառլոս Կուլումյանն եմ, ծնվել և մեծացել եմ Սիրիայի Հալեպ քաղաքում: 2014թ.-ին, երբ ավարտեցի 10-րդ դասարանը, ընտանիքով որոշեցինք տեղափոխվել Հայաստան՝ ելնելով պատերազմական իրավիճակից: Երբ եկանք Հայաստան, ես բավական հեշտ ինտեգրվեցի երևանյան կյանքին, քանի որ մեծացել եմ հայրենիքի կարոտով: Ավարտելով միջնակարգ կրթությունս Հայաստանում՝ կատարեցի իմ մանկության երազանքը և ընդունվեցի Ճարտարապետության և շինարարության Հայաստանի ազգային համալսարանի ճարտարապետության ֆակուլտետ:


Այն իմ երազանքն էր, քանի որ մանկուց միշտ սիրել եմ ստեղծագործել, հաճախել եմ նկարչական դասընթացների: Այստեղ շատ եմ սիրում շենքերի և եկեղեցիների ճարտարապետությունը, շենքերի վրա գտնվող արվեստի քանդակները պարզապես շնչում են, ինձ համար դրանք ճարտարապետական եզակի գլուխգործոցներ են: Հուսով եմ՝ ապագայում իմ ներդրումը կունենամ հայկական ճարտարապետության մեջ: Ուստի, այժմ, լինելով չորրորդ կուրսի ուսանող՝ արդեն անցնում եմ մասնագիտական պրակտիկա «Ուրբան Յունիթ» ճարտարապետական և շինարարական կազմակերպությունում՝ «ՀԱԼԵՊ» հայրենակցական բարեսիրական հասարակական կազմակերպության և ԵՀԽ Կլոր սեղան հիմնադրամի կողմից իրականացվող «Երիտասարդների պայծառ ապագա» ծրագրի շրջանակներում:


Պրակտիկայի ընթացքում արդեն մասնակցում եմ շենքերի և շինությունների նախագծմանը, չափագրումներին և այլ աշխատանքներին, ինչի շնորհիվ կիրառում եմ համալսարանական և արտահամալսարանական տարբեր դասընթացների միջոցով ստացած գիտելիքներս, ձեռք բերում նոր գիտելիքներ և հմտություններ: Այս ծրագրի շնորհիվ նաև ծանոթանում եմ մասնագիտությանս աշխատանքային ընթացքին, ընդհանուր միջավայրին և հուսով եմ՝ շուտով ինքնուրույն կկարողանամ պատրաստել ճարտարապետական ամբողջական մի նախագիծ:


«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ՝ կողք կողքի աշխատելով փորձառու մասնագետների հետ:
«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին:

Եկեղեցիների խոշորագույն միավորումներից մեկը՝ Եկեղեցիների համատեղ գործողությունների դաշինքը, ողջունում է անցած ամիս հայ-ադրբեջանական սահմանին ռազմական գործողությունների դադարեցումը:

Հակամարտության կողմերին կոչ ենք անում՝ շարունակել հարգել հրադադարի ռեժիմը և մեղմացնել իրադրությունը՝ հետագա զոհերից խուսափելու համար: Մենք խորապես ցավում ենք բոլոր զոհերի համար ու անկեղծորեն ցավում այդ կապակցությամբ: Հայտնում ենք մեր համերաշխությունը բոլոր նրանց, որոնք կորցրել են իրենց հարազատներին: Այս մասին ասվում է դաշինքի տարածած հայտարարության մեջ:

«Մենք ճանաչում ենք, նաև վերահաստատում ենք մեր լիակատար աջակցությունը ԵԱՀԿ Մինսկի խմբի համանախագահների՝ իրավիճակը խաղաղ ճանապարհով լուծելու ջանքերին:

Այսօր՝ նոր կորոնավիրուսի համաճարակի պայմաններում, խաղաղությանը միտված ջանքերն առավել քան կարևոր են: Քանի որ երկու կողմերն էլ տուժել են այդ համաճարակից, մենք մտահոգված ենք, որ բռնության սպառնալիքները կարող են մեծացնել առողջապահական ռիսկերը, նաև ծանր սոցիալ-տնտեսական հետևանքներ ունենալ սահմանամերձ շրջաններում բնակվող քաղաքացիների համար:

Ջրամբարների և գյուղատնտեսական նշանակության հողերի հասանելիության դժվարություններն այժմ մեծ սպառնալիք են այդ տարածքներում գտնվող քաղաքացիական բնակչության կենսապահովմանը: Այդ դժվարությունները միայն վերահաստատում են սահմանին փոխըմբռնման և համագործակցության անհրաժեշտությունը:

Այդ համագործակցության համատեքստում պետք է հաշվի առնվի քաղաքացիական անձանց պաշտպանելու պարտավորությունը՝ համաձայն մարդու իրավունքների պաշտպանության և միջազգային հումանիտար իրավունքի:

Հետևաբար, Եկեղեցիների համատեղ գործողությունների դաշինքը կոչ է անում բոլոր կրոնական գործիչներին, նաև քաղհասարակության ներկայացուցիչներին ներգրավվել հայ-ադրբեջանական սահմանին խաղաղություն հաստատելու գործում, բոլոր կողմերին՝ շարունակել հարգել հրադադարը, մեղմացնել իրադրությունը և խուսափել հետագա զոհերից:

Դաշինքը հորդորում է բոլոր կողմերին հարգել քաղաքացիական անձանց պաշտպանելու պարտավորությունը՝ մարդու իրավունքների պաշտպանության և միջազգային հումանիտար իրավունքին համապատասխան, գործի դնել խաղաղ բանակցություններ վարելու՝ առկա հնարավորությունները, ինչպես նաև օգտվել հաղորդակցության առաջադեմ միջոցներից՝ քաղաքացիական անձանց անվտանգությունն ապահովելու համար, բոլոր կողմերի կրոնական սպասվորներին և քաղաքացիական հասարակության ներկայացուցիչներին՝ ներգրավվել երկխոսության գործընթացներում, որոնք միտված են հակամարտության կարգավորմանը:

Եկեղեցիների համատեղ գործողությունների դաշինքը միավորում է 120 երկրի 170-ից ավելի եկեղեցի: Հայաստանից կառույցին անդամակցում է դաշինքի հիմնադիր անդամ՝ Եկեղեցիների համաշխարհային խորհրդի հայաստանյան «Կլոր սեղան» հիմնադրամը: Դաշինքը կենտրոնացած է արտակարգ իրավիճակներում անհապաղ օգնության տրամադրման, աղքատության հաղթահարման, կանանց և տղամարդկանց իրավունքների հավասարության ապահովման ծրագրերի և նախագծերի իրականացման ուղղությամբ՝ ամբողջ աշխարհում:

Հայաստանում Դաշինքի աջակցությամբ «Կլոր սեղան» հիմնադրամն իրականացրել է բնական աղետներից և Սիրիայի պատերազմից տուժած մարդկանց օժանդակության տասնյակ ծրագրեր:

Աղբնյուրը՝ 1lure.am

ԵՀԽ հայաստանյան Կլոր սեղան բարեգործական հիմնադրամի (ՀԿՍ) նախաձեռնությամբ կայացավ «Եկեղեցու պայքարն ընտանեկան բռնության դեմ և տղամարդկանց ներգրավումը դրա կանխարգելման համար» ծրագրի շրջանակում նախատեսված խորհրդատվական հանդիպումը: Այն նախատսված էր Հայ Առաքելական Սուրբ Եկեղեցու Արագածոտնի, Արմավիրի, Շիրակի, Տավուշի, Գուգարաց, Գեղարքունյաց թեմերում իրենց հոգևոր ծառայությունը մատուցող այն քահանաների և սոցիալական աշխատողների համար, ովքեր հուլիսի 1-ից սեպտեմբերի 25-ն ընկած ժամանակահատվածում իրենց համայնքներում պետք է ծավալեն ընտանեկան բռնության կանխարգելմանը նվիրված թեմայի շուրջ գործունեություն` կազմակերպելով միջոցառումներ, դասընթացներ, խորհրդատվական հանդիպումներ երիտասարդների, նորապսակ զույգերի, ՀՀ ԶՈՒ-ի պայմանագրային և ժամկետային զինծառայողների մասնակցությամբ` կարևորելով հատկապես տղամարդկանց ներգրավվածությունը: Մասնագետները տղամարդկանց իրազեկության մակարդակի բարձրացումը համարում են հենց այն գլխավոր բանալին, որի միջոցով հնարավոր է լինում կանխարգելել ընտանեկան բռնությունը: Հաշվի առնելով Կորոնավիրուսի համավարակը՝ հանդիպումը տեղի ունեցավ առցանց: Խորհրդատուն էր հոգեբան Դավիթ Գևորգյանը:


Քահանաները և սոց. աշխատողները փորձագետի հետ քննարկեցին սեռադերային կարծրատիպերի, նախապաշարումների, դրանցից բխող խտրական վարքի հոգեբանական առանձնահատկությունների վերաբերյալ իրենց հովվության ներքո գտնվող համայնքներում առաջացած օրակարգային խնդիրները, ինչպես նաև ընտանիքներում ծնող-երեխա, կին-ամուսին հարաբերություններում ճգնաժամային, սթրեսային իրավիճակները` ստանալով համապատասխան խորհրդատվություն ճիշտ լուծումներ գտնելու ու հարթեցնելու համար:


Արդեն մեկ տասնամյակ ԵՀԽ հայաստանյան Կլոր սեղան բարեգործական հիմնադրամը՝ ՄԱԿ-ի Բնակչության հիմնադրամի հետ համագործակցությամբ, իրականացնում է Հայաստանում ընտանեկան բռնությունների կանխարգելմանն ուղղված ծրագրեր: Դրանց շրջանակում շարունակական վերապատրաստումներ են անցկացվում Հայ Առաքելական Եկեղեցու հոգևորականների և աշխարհիկ սոցիալական աշխատակիցների համար, որպեսզի վերջիններն իրականացնեն ընտանիքում բռնության առաջնային կանխարգելում` բարձրացնելով մարդկանց իրազեկությունը համայնքներում և ՀՀ բանակում, ինչպես նաև տրամադրելով անհատական, զույգի և ընտանեկան խորհրդատվություն:

2019 թ. դեկտեմբեր ամսից սկսած՝ «Քմյունիթի սենթր ֆոր դիվելոփմենթ» տարածաշրջանային համագործակցության ՀԿ-ի թիմը աշխատանք է իրականացնում Տավուշի մարզի Դովեղ բնակավայրը խմելու ջրով ապահովելու ուղղությամբ: Ներգրավվել են բազմաթիվ գործընկեր կառույցների՝ ջրագծի կառուցման համար անհրաժեշտ ֆինանսական միջոցներ ապահովելու նպատակով: Դովեղի բնակիչներին, հասարակական, մասնավոր և պետական տնտեսվարողներին ամենօրյա ռեժիմով խմելու ջուր ապահովելու համար կառուցվում է 2400մ երկարությամբ ջրագիծ, որը կապելու է Ստեփանավան–Նոյեմբերյան հիմնական ջրատարը Դովեղ գյուղի ջրատարի հետ: Գյուղում առկա է խմելու ջրի սպասարկման գործող ներքին ցանց:

Dovegh CCD Round Table Charity Foundation 2


Երկար սպասված խմելու ջրի ապահովման աշխատանքի իրականացումը հնարավոր է դարձել Սի-Սի-Դի ՀԿ-ի, «Վեոլիա ջուր» ՓԲԸ-ի, «ԵՀԽ հայաստանյան միջեկեղեցական Կլոր սեղան» բարեգործական հիմնադրամի, «Տաշիր» բարեգործական հիմնադրամի, Նոյեմբերյանի և Կողբի համայնքապետարանների համատեղ ջանքերի և ներդրումների շնորհիվ։ Նշված բոլոր կազմակերպություններն ապահովել են ֆինանսական աջակցություն՝ աշխատանքի իրականացման նպատակով:

Dovegh CCD Round Table Charity Foundation

Ապահովվող ջրի ծավալների գնահատման գործում և ջրագծի կառուցման նախագծման փուլում ակտիվ մասնակցություն են ունեցել Նոյեմբերյան և Կողբ խոշորացված համայնքների աշխատակազմերը, Տավուշի մարզպետարանը և «Վեոլիա Ջուր» ընկերության մասնագետները: Շինարարությունն իրականացնում է Նոյեմբերյանի համայնքապետարանը:

Dovegh CCD Round Table Charity Foundation 6

Ծրագրի շրջանակում մատակարարվող խմելու ջրից օգտվելու են Դովեղ բնակավայրի 550 բնակիչները: Գյուղում մշտական խմելու ջրի մատակարարումը կապահովի նաև առկա արտադրամասերի վերագործարկումը և նոր արտադրամասերի հիմնումը, որոնք սահմանամերձ գյուղի բնակիչների համար կապահովեն նոր աշխատատեղեր:

 

Ձեզ ենք ներկայացնում «Երիտասարդների պայծառ ապագա» ծրագրի՝ ինթերնշիփի մեր հաջորդ մասնակից Մեղրիկ Ճանէցեանին:


Ես Մեղրիկ Ճանէցեանն եմ` Սիրիայի Հալեպ քաղաքից: Նախքան Հայաստան գալս, սովորել եմ Սիրիայում՝ Էլեկտրոնային ճարտարագիտություն մասնագիտացմամբ:


Պատերազմի պատճառով դադարեցրեցի ուսումս և ընտանիքիս հետ որոշեցինք տեղափոխվել Հայաստան, որտեղ վստահ էի, որ պիտի գտնեմ հանգիստ և շարունակեմ կիսատ թողած ուսումս: 2016թ. սեպտեմբերին ընդունվեցի Հայաստանի ազգային պոլիտեխնիկական համալսարանի «Տեղեկատվական տեխնոլոգիաներ» ֆակուլտետի 2-րդ կուրս: Ընտրեցի այս մասնագիտությունը՝ հաշվի առնելով ՏՏ ոլորտի արդիականությունը և աշխատանքային հնարավորությունները, որոնք օր օրի ավելանում են:

Ուսումնական տարիների ընթացքում յուրացրեցի C# ծրագրավորումը, տիրապետում եմ նաև HTML, JavaScript, WordPress ծրագրերին՝ մասնակցելով «Վորլդ Վիժն Հայաստան» կազմակերպության կողմից կազմակերպված դասընթացներին, որոնք բարելավեցին մասնագիտական գիտելիքներս:


2019թ. ավարտելով բակալավրը՝ որոշեցի զբաղվել մասնագիտական աշխատանքային գործունեությամբ և որպես սկսնակ ծրագրավորող ցանկություն ունեի սկսել պրակտիկայից՝ առավել հմուտ դառնալու համար: Առաջին քայլերս անելու համար դիմեցի «Երիտասարդների պայծառ ապագա» ծրագրի մասնագիտական պրակտիկային: Անցնելով հարցազրույց և մի քանի հանձնարարություններ կատարելուց հետո՝ պրակտիկայի անցա «Այ Թի Էյջ Դի» ՍՊԸ-ում՝ որպես Front End ծրագրավորող:

Պրակտիկայի ընթացքում կիրառում եմ մասնագիտական գրեթե բոլոր գիտելիքներս և մասնագիտական ծրագրերը, օրեցօր դառնում եմ առավել հմուտ և ինքնավստահ իմ աշխատանքում՝ ձեռք բերելով նաև թիմային աշխատանքի հմտություններ: Շնորհակալություն եմ հայտնում այս ծրագրին՝ երիտասարդներին նման հնարավորություն ընձեռելու և դեպի հաջողակ կարիերա ուղղորդելու համար:
«Երիտասարդների պայծառ ապագա» ծրագրի` վճարովի պրակտիկայի բաղադրիչը նպատակասլաց երիտասարդներին հնարավորություն է տալիս ընդգրկվել ՀՀ պետական և մասնավոր ամենահեղինակավոր կառույցների առաքելության և գործունեության մեջ՝ ճանապարհ հարթելով դեպի հաջողակ կարիերա: Վճարովի պրակտիկայի բաղադրիչի միջոցով ուսանողները և շրջանավարտները բարելավում են իրենց հմտությունները՝ աշխատելով տարաբնույթ միջավայրերում և ձեռք բերում մասնագիտական փորձ`կողք կողքի աշխատելով փորձառու մասնագետների հետ:


«Երիտասարդների պայծառ ապագա» ծրագրի մեկնարկը տրվել է 2020թ. փետրվարի 1-ին:

Մեկնարկել է «Հաղթահարենք համավարակը միասին» նախաձեռնությունը, որը Եկեղեցիների համաշխարհային խորհրդի Հայաստանյան միջեկեղեցական Կլոր սեղան հիմնադրամի և ՀԵՀԵՄ Կենտրոնական գրասենյակի համաֆինանսավորմամբ իրականացնում է «Համահայկական երիտասարդական միություն» (ՀԵՄ) կրթամշակութային երիտասարդական հասարակական կազմակերպությունը։

HEHEM Armenia Round Table masks 5


Ծրագրի շրջանակում քաղաքացիներին բաժանվում են անհատական փաթեթավորմամբ, բժշկական չափանիշներին համապատասխան՝ բազմաշերտ, բազմակի օգտագործման շնչառական դիմակներ։ Մեր օրերում մարդիկ ունեն հոգևոր և հոգեբանական առավել աջակցության կարիք, սակայն փակ դեմքի պայմաններում անհնար է արտահայտել որևէ ապրումակցող հույզ, ուստի ՀԵՄ կամավորները նախաձեռնեցին դիմակների վրա պատկերել Սուրբ Էջմիածնի Մայր Տաճարի գծանկարը՝ իբրև հույսի և լավատեսության խորհրդանիշ։ Վերջերս Ամենայն Հայոց Կաթողիկոսի ձեռամբ օծվեց Սուրբ Էջմիածնի Մայր տաճարի կենտրոմական գմբեթի Սուրբ Խաչը, և այս տարին ըստ երևույթին նշանավորվում է Հայ Քրիստոնյաների կյանքում իբրև Սուրբ Էջմիածնի Մայր Տաճարի տարի։

HEHEM Armenia Round Table masks 7


Ծրագրի մեկնարկը տրվել է Դավթաշեն վարչական շրջանում գտնվող Սրբոց Նահատակաց եկեղեցում՝ ՀԵՀԵՄ հոգևոր տեսուչ, կենտրոնական գրասենյակի տնօրեն հոգեշնորհ Տեր Թովմա վարդապետ Խաչատրյանի, Դավթաշեն վարչական շրջանի ղեկավար Միքայել Թումասյանի և ՀԵՄ կամավորների հանդիպումով։

HEHEM Armenia Round Table masks 11
Թաղապետարանի սոցիալական բաժնի աշխատակազմի և Սրբոց Նահատակաց Եկեղեցու կամավորների ուղեկցությամբ Հայր Սուրբը և ՀԵՄ կամավորները մեկնեցին դիմակները բաժանելու՝ Դավթաշենի որոշակի սոցիալական խնդիրներ ունեցող բնակիչներին։
Նախաձեռնության շրջանակում նախատեսվում է բաժանել 3000 դիմակ։

 

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436