Նորություններ

DSC 8839Մայր Աթոռ Սուրբ Էջմիածնի «Վաչե և Թամար Մանուկյան» մատենադարանում հոկտեմբերի 31-ին Ամենայն հայոց կաթողիկոս Գարեգին Բ-ի օրհնությամբ և Եկեղեցիների համաշխարհային խորհրդի հայաստանյան Կլոր սեղան (Կլոր սեղան) հիմնադրամի նախաձեռնությամբ անցկացվեց «Տարածաշրջանային խաղաղություն. իրողություններ և հեռանկարներ» խորագրով միջազգային համաժողովը: Խաղաղության հաստատման ուղիների որոնմանը նվիրված միջոցառումը վարում էին Մայր Աթոռ Սուրբ Էջմիածնի տեղեկատվական համակարգի ղեկավար Տեր Վահրամ Քահանա Մելիքյանը և Կլոր սեղան հիմնադրամի գործադիր տնօրեն Կարեն Նազարյանը և «Ինտեգրացիա և զարգացում» հասարակական կազմակերպության նախագահ, քաղաքական վերլուծաբան Արամ Սաֆարյանը:


Համաժողովը բացվեց տերունական աղոթքով, որից հետո ողջույնի և բացման խոսք հղեցին Մայր Աթոռ Սուրբ Էջմիածնի արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանը, ՀՀ Ազգային ժողովի նախագահի տեղակալ Էդուարդ Շարմազանվը, Հայաստանի Հանրապետությունում Ռուսաստանի Դաշնության դեսպանատան խորհրդական Ալեքսանդր Վասիլևը և Երևանի Կապույտ Մզկիթի հավաքական աղոթքի իմամ Ալի Շաջաանը:


Shahe vardapet Ananyan«Կրոնների և մշակույթների դերը խաղաղության և համագործակցության հաստատման գործընթացում» թեմայի վերաբերյալ ելույթներ ունեցան Մայր Աթոռ Սուրբ Էջմիածնի Միջեկեղեցական հարաբերությունների բաժնի տնօրեն Հոգեշնորհ Տ. Շահե ծայրագույն վարդապետ Անանյանը, Հայաստանում Իրանի Իսլամական Հանրապեության դեսպանատան մշակույթի կենտրոնի խորհրդական Սեյյեդ Մոհամմադ Ռեզա Հեյդարին:


ԱՊՀ երկրների ինստիտուտի հայաստանյան մասնաճյուղի տնօրեն, քաղաքագետ Ալեքսանդր Մարկարովը և Երևանի մամուլի ակումբի նախագահ Բորիս Նավասարդյանը խոսեցին Հայաստանի և հարևանների միջև հարաբերությունների զարգացման տեսլականի մասին:


Տարածաշրջանային բազմազանության մարտահրավերների և հնարավորությունների մասին իրենց տեսլականը ներկայացրեցին Թուրքիայից ժամանած մարդաբան Ադնան Չելիքը, Լրագրող Սերդար Քորուջուն, Վրաստանի տարածաշրջանային անվտանգության հարավկովկասյան ինստիտուտի տնօրեն Ալեքսանդր Ռուսեցկին, Կովկասյան աշխարհաքաղաքական ակումբի քարտուղար, քաղաքագետ Յանա Ամելինան, Երևանի Պետական Համալսարանի Արևելագիտության ֆակուլտետի դեկան Ռուբեն Մելքոնյանը, նույն բուհի Միջազգային հարաբերությունների և դիվանագիտության ամբիոնի վարիչ Վահրամ Պետրոսյանը:


Serdar KorucuՀամաժողովի ավարտին ընդունված կոմյունիկեում մասնակիցները կարևոր համարեցին խաղաղությանը և կայունությանը խանգարող այլ սպառնալիքների պայմաններում փոխըմբռնման, հանդուրժողականության, փոխզիջումների և կարևորությունը: Ըստ մասնակիցների՝ հակամարտությունների և փակ սահմանների ցավալի իրողությունների կարգավորման գործում խաղաղ բանակցություններին և կառուցողական երկխոսությանը բանական այլընտրանք չկա: Նրանք համոզմունք հայտնեցին՝ պաշտոնական մակարդակով վարվող բարձրաստիճան բանակցություններին զուգընթաց մեծ կարևորություն ունեն նաև տարածաշրջանի, հատկապես՝ Հայաստանի և Ադրբեջանի հոգևոր առաջնորդների, հասարակական, միջկրոնական և միջմշակութային շփումները, երկխոսության հարթակների հաստատումն ու հզորացումը:


Մասնակիցները նաև համոզմունք հայտնեցին, որ միջկրոնական կապերը և համագործակցությունը հզոր գործոն կարող են հանդիսանալ տարածաշրջանի ժողովուրդների միջև գործնական համագործակցության հաստատման համար և նպաստել հանդուրժողականության տարածմանը:


Հայաստանի, Ռուսաստանի, Վրաստանի, Իրանի միջև բազմադարյա բարեկամական և գործընկերային հարաբերությունների ավանդույթը բարձր գնահատելով՝ մասնակիցները հույս հայտնեցին, որ ապագայում կհարթվեն և կկարգավորվեն նաև հարաբերությունները Հայաստանի և Թուրքիայի միջև կհաստատվեն առանց նախապայմանի դիվանագիտական հարաբերություններ:


Մասնակիցները պատրաստակամություն հայտնեցին բոլոր հնարավոր միջոցներով ներդրում ունենալ երկխոսության և խաղաղության հաստատման պատվաբեր գործում, ինչը կթուլացնի առկա միջազգային լարվածությունը և զգայուն իրավիճակը և կնպաստի խաղաղության ու կայունության հաստատմանը:

DSC 8579Սեպտեմբերի 20-ին ՄԱԿ-ի հայաստանյան գրասենյակում բացվեց «Ես խաղաղության սերմնացան եմ» խորագրով երկրորդ համահայաստանյան նկարչական մրցույթի ամփոփիչ ցուցահանդեսը, որը նվիրված է Խաղաղության միջազգային օրվան: Մրցույթն անցկացվել է Եկեղեցիների համաշխարհային խորհրդի (ԵՀԽ) հայաստանյան միջեկեղեցական բարեգործական Կլոր սեղան հիմնադրամի կողմից իրականացվող «Հայաստան և հարևաններ. խաղաղության  փնտրտուք» ծրագրի շրջանակում՝ «Կանայք հանուն զարգացման» հասարակական կազմակերպության (ԿՀԶ ՀԿ) նախաձեռնությամբ, ՄԱԿ-ի հանրային տեղեկատվության վարչության (ՄԱԿ ՀՏՎ) երևանյան գրասենյակի և ՄԱԿ-ի հայկական ասոցիացիայի աջակցությամբ:

DSC 8573Այս տարվա մրցույթին մասնակցել է 613 դպրոցական Հայաստանի 11 մարզերի 101 դպրոցներից. սա գրեթե 4 անգամ գերազանցում է նախորդ մրցույթի մասնակիցների թիվը: Ցուցահանդեսի համար ընտրված 86 նկարների գրեթե բոլոր հեղինակները ներկա էին բացման հանդեսին իրենց ծնողների կամ ուսուցիչների ուղեկցությամբ:

Ներկաներին ողջունելով՝ ՄԱԿ ՀՏՎ երևանյան գրասենյակի ղեկավար Արմինե Հալաջյանն ասաց. «Ցավալիորեն, խաղաղության թեման ՄԱԿ-ի համար երբեք չի կորցնում արդիականությունը: Մինչդեռ 72 տարի՝ իր ստեղծման օրից, ՄԱԿ-ը կոչ է անում խաղաղության ու պատերազմներից զերծ մնալու: Խաղաղությունը վերջերս ուժի մեջ մտած Կայուն զարգացման նպատակների գաղափարախոսության առանցքային բաղադրիչներից մեկն է՝ առանց խաղաղության չի կարող լինել արդյունավետ աշխատանք կայուն զարգացման ուղղությամբ: Այդ նպատակներից 16-րդն ընդգրկում է խաղաղության գաղափարը»:

DSC 8609Մրցույթի նպատակն էր հատկապես սահմանամերձ բնակավայրերի երեխաների խաղաղության ուղերձը հասցնել տարբեր մակարդակների դերակատարներին, իսկ մասնակիցներին հնարավորություն տալ խորհելու, թե ինչ կարող է անել յուրաքանչյուրը, ինչ սերմեր կարող է ցանել, որ իր, իր համայնքի ու երկրի վաղվա օրը, մեր ընդհանուր մոլորակն ավելի կայուն ու խաղաղ լինեն: «Ես իմ նկարը նվիրում եմ հորեղբորս, որը զոհվել է դիրքերում»,- ասաց 11-ամյա Ռաֆայել Ուդումյանը Տավուշի մարզի Չորաթան գյուղից, որն իր «Խաղաղություն եմ ուզում իմ և տիկնիկիս համար» նկարում պատկերել է արև, հասկեր և մոլորակի կենտրոնում՝ իր տիկնիկին գրկած աղջնակ:

DSC 8593ԿՀԶ ՀԿ նախագահ Գոհար Մարկոսյանը նշեց, որ տեղական և միջազգային գործիչների  համար շատ կարևոր կլինի տեսնել, թե ինչպես են երեխաները վերաբերվում պատերազմին, ինչպես են փորձում ամեն կերպ հակազդել պատերազմի գաղափարախոսությանը: «Խաղաղության խորհրդանիշը մեր երեխաների համար արդեն վաղուց բանտարկված զենքերն են, տանկերը, որոնց փողերից արկերի փոխարեն ծաղիկներ ու փուչիկներ են դուրս գալիս, հրացանները, որոնք այնքան երկար ժամանակ չեն օգտագործվել, որ դարձել են հենարան նորատունկ ծառերի համար»,- նշեց տիկ. Մարկոսյանը: Նա մեջբերեց մրցույթի մասնակիցներից 9-ամյա Միլենայի ուղերձ-ցանկությունը. «Թող հավերժ լռեն բոլոր զենքերը և աշխարհում տիրի խաղաղությունը»:

DSC 8595«Երեխաների ստեղծագործությունները ուսանելի են և մտքին խաղաղություն են տալիս, ուղղորդում են մեզ և հիշեցնում, որ խաղաղությունը գին ունի և մեծագույն արժեք է»,- ասաց ԵՀԽ Կլոր սեղան հիմնադրամի ծրագրի պատասխանատու Ծովինար Ղազարյանը:

ՄԱԿ-ի հայկական ասոցիացիայի նախագահ Արմինե Պոդոսյանն էլ ավելացրեց, որ եթե մենք երազում ենք ավելի ապահով, խաղաղ ու զարգացած աշխարհի մասին, ապա պետք է որդեգրենք ընդհանրական մոտեցում և գիտակցենք, որ մարդու իրավունքները, խաղաղությունը, անվտանգությունն ու կայուն զարգացումը փոխկապակցված են: «Երիտասարդներին պետք է լսել, նրանց հետ պետք է աշխատել ապագայի մարտահրավերների ուղղությամբ: Քանի որ այսօր կերտվում է վաղվա աշխարհը, որտեղ ապրելու են այսօրվա երիտասարդները»,- ավելացրեց նա:

DSC 8602Միջոցառմանը ներկա Հայաստանում Ճապոնիայի դեսպան Էյջի Տագուչին ասաց, որ իր երկիրը Երկրորդ համաշխարհային պատերազմի ավարտից հետո կարևոր որոշում է կայացրել դառնալ աշխարհի ամենախաղաղասեր և խաղաղարար պետություններից մեկը: «Խաղաղությունը կառուցում են մեծերը, սակայն այն գալու է ձեր միջոցով, ձեր շնորհիվ և ձեզանով»,- եզրափակեց դեսպան Տագուչին:

Տարիքային 2 խմբերում մրցանակային առաջին տեղը զբաղեցրած մասնակիցների (Միլենա Հովհաննիսյան, 9 տ., Գյումրու Հայորդյաց տան քանդակի դասարանի սան, Ջուլիետա Պետրոսյան, 16 տ., Շիրակի մարզի Թորոսգյուղի միջնակարգ դպրոցի աշակերտ) աշխատանքների հիման վրա տպագրվել են բացիկներ, որոնք կտարածվեն տեղական և միջազգային կազմակերպությունների շրջանում: Մրցանակների արժանացան նաև Մարիանե Նազարյանը (2-րդ մրցանակ)՝ 7 տ., Արագածոտնի մարզի Ագարակ գյուղից, Արամ Զաքարյանը (3-րդ մրցանակ)՝ 7 տ., Արարատի մարզի Մասիս քաղաքից, Արման Վարդանյանը (2-րդ մրցանակ)՝ 13 տ., Լոռու մարզի Լեռնանցք գյուղ, Անահիտ Մինասյանը (3-րդ մրցանակ)՝ 14 տ., Տավուշի մարզի Ներքին Կարմիրաղբյուր գյուղ: Հատուկ մրցանակի արժանացավ 13-ամյա Սվետլանա Զալինյանը Լոռու մարզի Գարգառի միջնակարգ դպրոցից, որի նկարած աղավնին դարձել էր միջոցառման խորհրդանիշ: Ցուցադրված բոլոր աշխատանքների հեղինակներն ստացան հավաստագրեր ու հուշանվերներ: Նկարները կշարունակեն ցուցադրվել ՄԱԿ-ի հայաստանյան գրասենյակում մինչև սեպտեմբերի 29-ը:

DSC 8615Միջոցառման վերջում ՄԱԿ-ի հայկական ասոցիացիայի երիտասարդ ներկայացուցիչները մասնակից երեխաներին ինտերակտիվ եղանակով պատմեցին Կայուն զարգացման 17 նպատակների և հատկապես՝ այդ նպատակներից 16-րդի մասին:

***

Ամեն տարի սեպտեմբերի 21-ն ամբողջ աշխարհում նշվում է որպես Խաղաղության միջազգային օր: Այն ՄԱԿ-ի ընդհանուր վեհաժողովի կողմից հաստատվել է 1981 թվականին: Այս տարվա թեման է «Միասին հանուն խաղաղության. հարգանք, անվտանգություն և արժանապատվություն բոլորի համար»:

 

 

 

 

Լոռու մարզի Վանաձոր քաղաքի Սուրբ Գրիգոր Նարեկացի եկեղեցում «Սովորելով խաղաղություն. Խաղաղության ակումբ» ծրագրի շրջանակներում տեղի ունեցավ նախատեսված հինգ հանդիպում-քննարկումներից մեկը: Ծրագիրն իրականացնում է «ՄԵՆՔ» Լոռու մարզի երիտասարդական հասարակական կազմակերպությունը՝ ՀԿՍ-ի ֆինանսական աջակցությամբ:


Հանդիպմանը մասնակցում էր մոտ 30 երիտասարդ: Ծրագրի նպատակն էր բարձրացնել վանաձորցի երիտասարդների իրազեկվածության մակարդակը և փոխանցել նրանց գիտելիքներ կոնֆլիկտների տեսակների, կոնֆլիկտների կարգավորման կարևորության, կոնֆլիկտների պատճառով առաջացած հետևանքների, այդ գործընթացներում տարբեր կառույցների դերի և այլ հարակից թեմաների վերաբերյալ:


Հանդիպմանը մասնակցում էին «Ինտեգրացիա և զարգացում» հասարակական կազմակերպության նախագահ, քաղաքական վերլուծաբան, ՀԿՍ խաղաղության ծրագրի խորհրդատու Արամ Սաֆարյանը, ՀԿՍ ծրագրի պատասխանատու Ծովինար Ղազարյանը և Սլավոնական համալսարանում իրականացվող «Կոնֆլիկտի ձևափոխումը և լուծումը բանակցությունների միջոցով» դասընթացի շրջանավարտ Հարություն Կարապետյանը:


Սաֆարյանը խոսեց «Քաղաքական փնտրտուքներ Լեռնային Ղարաբաղի հակամարտության մեջ (պատմություն, իրականություն և ապագա)» թեմայով: Քննարկվեցին նաև տարածաշրջանում տեղի ունեցող զարգացումները և Ղարաբաղի հակամարտության ազդեցությունը ողջ տարածաշրջանի վրա: Հարություն Կարապետյանը մասնակիցների հետ քննարկեց փափուկ ուժի հասկացությունը և փոքր պետությունների հնարավորությունները փափուկ ուժի շնորհիվ:
Թեմաների ամփոփման փուլի ավարտից հետո երիտասարդ ակտիվիստներն ուղղեցին իրենց կուտակված հարցերը թեմաների վերաբերյալ և համատեղ քննարկեցին դրանք:


Քննարկումների ավարտին «ՄԵՆՔ» Լոռու մարզի երիտասարդական ՀԿ-ի ջանքերով Վանաձորի քաղաքի Նարեկացի փողոցում՝ հայ-վրացական միջպետական ճանապարհին, երիտասարդները ստեղծեցին «Խաղաղության պատ», որի վրա գրեցին խաղաղության թեմայով թևավոր խոսքեր:

Հունիսի 28-ին Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում տեղի ունեցավ «Կրոնը և բնապահպանությունը» թեմայով հայ-իրանական հանդիպում-քննարկում: Միջոցառումը կազմակերպել էր ԵՀԽ Հայաստանյան միջեկեղեցական բարեգործական Կլոր սեղան հիմնադրամը (Կլոր սեղան)` Մայր Աթոռի Միջեկեղեցական հարաբերությունների բաժնի և ՀՀ-ում Իրանի Իսլամական Հանրապետության դեսպանատան մշակութային կենտրոնի հետ համագործակցաբար:


Կլոր սեղան հիմնադրամի գործադիր տնօրեն դոկտոր Կարեն Նազարյանը ողջունեց ներկաներին և ընդգծեց երկու հարևան երկրների միջև բնապահպանական թեմաներով միջկրոնական այդ հանդիպման կարևորությունը: Նա նաև ուշադրություն հրավիրեց այն փաստին, որ քննարկմանը մասնակցում են նաև ՀՀ բնապահպանության նախարարության ներկայացուցիչը և Հայաստանում հայտնի բնապահպանական ՀԿ-ները: Նազարյանը հույս հայտնեց, որ միջկրոնական հանդիպումները կդառնան ավանդական և այսուհետև կվերաբերեն նաև այլ հրատապ թեմաների:


Մայր Աթոռ Սուրբ Էջմիածնի Արտաքին հարաբերությունների և արարողակարգի բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանը ողջույնի խոսքում ներկաներին փոխանցեց Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի գնահատանքն ու բարեմաղթանքները և երախտագիտություն հայտնեց հայ-իրանական հանդիպում-քննարկման կազմակերպիչներին:


Սրբազան Հայրը կարևորեց նման քննարկումները, որոնք նպատակ են հետապնդում նպաստել տարածաշրջանում բնապահպանության մշակույթի զարգացմանը, ոլորտում առկա խնդիրների արծարծմանը: Նաթան արքեպիսկոպոսը մտահոգությամբ նշեց, որ մարդկանց կողմից բնության չարաշահումն ու շահագործումը և դրանից բխող հետևանքները սահմաններ չեն ճանաչում, ինչն անհանգստություն է առաջացնում տարածաշրջանում, այդ թվում նաև` Հայաստանում: Սրբազան Հայրը մասնավորաբար ընդգծեց ու հաստատեց այն իրողությունը, որ բոլոր կրոնները պարտավորեցնում են իրենց հետևորդներին պահպանել բնությունը՝ իբրև Աստծո արարչագործություն:


ՀՀ-ում ԻԻՀ դեսպանատան մշակութային կցորդ Մաջիդ Մեշքին հանդիպումը նկատեց հայ-իրանական միջկրոնական երկխոսության կարևոր քայլ: Նա հատուկ շեշտեց, որ տարբեր կրոններ դավանող Հայաստանն ու Իրանն ամբողջ աշխարհին կարող են ծառայել՝ որպես երկխոսության և համագործակցության օրինակ:


Օրվա թեմայի շուրջ ելույթներ ունեցան Երևանի պետական համալսարանի Էկոլոգիայի և բնության պահպանության ամբիոնի վարիչ Նելլի Հովհաննիսյանը՝ «Մարդու և բնության փոխազդեցությունը և փոխընկալումը ժամանակի մեջ» թեմայով և Թեհրանի Գիտության և մշակույթի համալսարանի ռեկտոր, մշակույթի գերագույն խորհրդի «Մշակույթ, արվեստ և ճարտարապետություն» հանձնաժողովի քարտուղար դոկտոր Մոհամմադհոսեյն Իմանի Խոշխուն՝ «Կրոնական զբոսաշրջություն, մարդ և բնություն» բանախոսությամբ:


Հանդիպման երկրորդ մասում զեկույցներով հանդես եկան Իրանի կրոնագետների գերագույն խորհրդի քարտուղար և Շիագիտության համաշխարհային կոնգրեսի նախագահ, դոկտոր Այաթ Փեյմանը՝ «Զբոսաշրջություն, բարոյականություն, խաղաղություն և բարեկամություն» թեմայով և Մայր Աթոռի Եկեղեցական հայեցակարգային հարցերի գրասենյակի տնօրեն, Տավուշի թեմի առաջնորդ Գերաշնորհ Տ. Բագրատ եպիսկոպոս Գալստանյանը՝ «Արարչագործության հետ ներդաշնակ» վերտառությամբ ելույթով:

Մայր Աթոռ Սուրբ Էջմիածնի տեղեկատվական համակարգ
ԵՀԽ Հայաստանյան Կլոր սեղան հիմնադրամ

Խաղաղության և երկխոսությանը նվիրված սիմուլյացիոն խաղեր՝ Ռուս-հայկական (Սլավոնական) համալսարանում: Հունիսի 19-ին բուհում ներկայացվեց ԵՀԽ հայաստանյան Կլոր սեղան հիմնադրամի «Հայաստան և հարևաներ. խաղաղության փնտրտուք» ծրագրի աջակցությունն ստացած փոքրածավալ ծրագրերից մեկը: Գաղափարի հիմքում կոնֆլիկտի վերաբերյալ ստացած գիտելիքները սիմուլիացիոն խաղերի միջոցով հասակակիցներին հասցնելն էր: Միջոցառմանը մասնակցեց էր համալսարանի տարբեր բաժինների 16 ուսանող: Հեղինակները և իրականացնողները «Կոնֆլիկտի ձևափոխումը և լուծումը բանակցությունների միջոցով» դասընթացի երեք շրջանավարտներն էին:


Մեկ ու կես ժամ տևած ակտիվ խաղերից ու քննարկումներից հետո մասնակից ուսանողները մեծ ցանկություն հայտնեցին մասնակցել նմանատիպ սեմինարների և «Կոնֆլիկտի ձևափոխումը և լուծումը բանակցությունների միջոցով» դասընթացին:

ԵՀԽ հայաստանյան Կլոր սեղան հիմնադրամը (ՀԿՍ) հայտարարում է փոքրածավալ ծրագիր-առաջարկների մրցույթ «Հանուն խաղաղ հարևանության» խորագրով: Ողջունելի են երիտասարդական և հասարակական կազմակերպությունների նորարարական նախաձեռնությունները:
Ծրագիր առաջարկը պետք է հանրության ստվար զանգվածների մատչելի կերպով հասցնի «խաղաղ հարևանության» ուղերձը:
Փոքր ծրագրերը կարող են ընդգրկել, բայց չսահմանափակվեն արդյունավետ երկխոսություններով, բաց դռների հանդիպումներով կամ ֆլեշ մոբերով:
Ընտրության չափանիշներ
Նախապատվություն կտրվի այն հասարակական կազմակերպություններին, որոնք

- ծրագրում կունենան 20% ֆինանսական ներդրում,
- հարում են «հանուն խաղաղ հարևանության» գաղափարին,
- զբաղվում են կոնֆլիկտի ձևափոխմամբ, խթանում են մարդու իրավունքները և ժողովրդավարությունը,
- ունեն վերոնշյալ ոլորտում աշխատելու փորձ,
- ծրագրով նախատեսված գործողություններում կընդգրկեն առնվազն 50 մարդ,
- ծրագրի փորձը կկարողանան տարածել և կրկնօրինակել ,
- նախատեսում են համագործակցություն այլ երիտասարդական ծրագրերի ու քաղաքացիական հասարակության կազմակերպությունների միջև, որոնք ակտիվ են կոնֆլիկտի ձևափոխման և խաղաղաշինության ոլորտում,
- կաշխատեն ազգային կամ տարածաշրջանային մակարդակով:

Ծրագիր-առաջարկ ներկայացնելու կարգը և վերջնաժամկետը
Խնդրում ենք լրացնել ծրագիր-առաջարկի և նախահաշվի ձևանմուշները:
Ֆայլերը հասանելի են հետևյալ հղումով` https://drive.google.com/drive/folders/0B8acACjFy9EhN3FjZGpYN2tyRk0?usp=sharing
Ծրագիր-առաջարկները կարող եք ներկայացնել մինչև ս.թ. մարտի 27-ը հետևյալ հասցեով`Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։
Մրցույթի արդյունքները կհրապարակվեն 2017թ. ապրիլի 10-ին:
Հարցերի դեպքում կարող եք զանգահարել Անահիտ Թերզիկյանին` հետևյալ հեռախոսահամարներով ` (+37410) 517 157, (+37410) 517 216:

On March 3, 2017, 22 graduates of «Conflict transformation and resolution through negotiations» course received certificates of attendance in Armenian-Russian (Slavonic) University. Mrs. Larisa Alaverdyan, head of the Institute of Law and Politics of Slavonic University and Dr. Karen Nazaryan, executive director of World Council of Churches Armenia Round Table Foundation awarded the certificates.


Since September 2015, the course «Conflict Transformation and Resolution Through Negotiations» was included in the curriculum of the faculty of “International Relations and World Policy” as a compulsory class with the joint efforts of WCC Armenia Round Table Foundation, Slavonic University and “Foundation against the violation of law” NGO. The educational methodological complex for the “Conflict Transformation and Resolution through Negotiations” course is under elaboration.  The graduates will have opportunity to participate in the competition for small-scale projects announced by the Round Table Foundation and apply their gained knowledge in practice.

 

Մարտի 3-ին Սլավոնական համալսարանում «Կոնֆլիկտի ձևափոխումը և լուծումը բանակցությունների միջոցով» դասընթացն ավարտած լավագույն 22 ուսանողները ստացան ավարտական վկայականներ: Վկայականները հանձնեցին Սլավոնական համալսարանի «Քաղաքականություն և իրավունք» ինստիտուտի տնօրեն տկն. Լարիսա Ալավերդյանը և Եկեղեցիների համաշխարհային խորհրդի հայաստանյան Կլոր սեղան հիմնադրամի գործադիր տնօրեն դր. Կարեն Նազարյանը:


IMG 2147«Կոնֆլիկտի ձևափոխումը և լուծումը բանակցությունների միջոցով» առարկան 2015թ. սեպտեմբերից Կլոր սեղանի հիմնադրամի, Հայ-Ռուսական (Սլավոնական) համալսարանի և «Ընդդեմ իրավական կամայականության» ՀԿ-ի համատեղ ջանքերով ներդրվել է համալսարանի «Իրավունքի և համաշխարհային քաղաքականության» ինստիտուտի մագիստրատուրայում` որպես ընտրովի առարկա: Նախապատրաստվում է ուսումնամեթոդաբանական ձեռնարկը, որով անցկացվելու են հետագա դասընթացները: Դասընթացն ավարտած ուսանողներին հնարավորություն կտրվի մասնակցելու Կլոր սեղան հիմնադրամի հայտարարած փոքրածավալ ծրագրերի մրցույթին և գործնականում կիրառել իրենց ստացած գիտելիքը:

 

International conference “Iran-Armenia-Georgia: visions for peaceful neighborhood and development” kicked off at YSU.
The goal of this conference, organized by YSU Faculty of International Relations, Armenian Inter-Church Charitable Round Table Foundation of the World Council of Churches and the NGO “Armenian Association for Peace and Conflict Studies”, is to discuss regional issues and their impact on foreign policy, as well as enhance political, economic and cultural ties between neighboring countries.

Dean of the faculty Gegham Petrosyan welcomed the guests and emphasized that the conference will help to develop a vision for the future development of the three countries and to summarize the achievements in the last quarter of the century.

“I am sure that this conference will find its place in the annals of ancient history and culture of the peoples of the region. People who today look to the future with confidence in their eyes,” - said the Dean.

Armenian Foreign Ministry spokesman Tigran Balayan also highlighted the organization of similar events and focused on the fact that 100% of the external trade of Armenia is made using the territories of Georgia and Iran. It itself shows the fact that the relations with these countries are very important for our state.

Counselor on Cultural Affairs of the Embassy of the Islamic Republic of Iran Majid Meshki made a speech. He focused on the approaches of the prophet of Islam and religious leaders in the area of peaceful coexistence in civil society.

Reports were also made by the representatives of the faculties of International Relations and Oriental Studies, NAS RA Institute of Oriental Studies, Yerevan State University of Languages and Social Studies, Tbilisi State University, SCIRS, as well as “Integration and Development” and “Peace and Reintegration” regional NGOs.

Source: ysu.am

Էջ 2, 2-ից

Տեսադարան

Պատկերասրահ

Հետադարձ կապ

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436

JoomShaper