Նորություններ

Աղվերանում Կլոր սեղան հիմնադրամի նախաձեռնությամբ կազմակերպել էր «Ծրագրի գաղափարի և ծրագրային առաջարկի մշակում, ծրագրային ցիկլի կառավարում» եռօրյա դասընթացը: Մասնակցում էին Հայ Եկեղեցու համաշխարհային երիտասարդական միավորման կենտրոնական գրասենյակի աշխատակազմն ու կամավորները՝ ՀԵՀԵՄ հոգևոր տեսուչ, Կենտրոնական գրասենյակի տնօրեն Հոգեշնորհ Տ. Թովմա վարդապետ Խաչատրյանի գլխավորությամբ, ինչպես նաև՝ Մայր Աթոռ Սուրբ Էջմիածնի Քրիստոնեական դաստիարակության կենտրոնի և Ագապե-Յանուա ՀԿ ներկայացուցիչները:

IMG 20191008 180635
Դասընթացի ընթացքում մասնակիցները ծանոցել են ծրագրային գաղափարների մշակման, ծրագրային ցիկլի կառավարման առանձնահատկություններին, նախաձեռնությունների տեսանելիության միջոցառումների և հանրային կապերի, բյուջեն կազմելու և հաշվապահական որոշ հմտությունների:

IMG 20191009 125427
Դասընթացը վարել են Կլոր սեղանի ծրագրերի պատասխանատու Կարինե Քոչարյանը, գլխավոր հաշվապահ Էլմիրա Մադոյանը  և հանրային կապերի պատասխանատու Դավիթ Մուրադյանը: Եռօրյա դասընթացի շրջանակում մասնակիցները բաժանվել են 4 աշխատանքային խմբերի և ներկայացլել իրենց մշակած ծրագրերը:

«Ֆրեսկո 2019» արդի արվեստի և հոգևոր ֆիլմերի փառատոնի շրջանակում Երևանում կայացավ հոգևոր և կրոնական ֆիլմերի փառատոների ներկայացուցիչների հանդիպում- քննարկումը՝ «Մարդը՝ նշանակետի տակ» խորագրով: Հայ Եկեղեցու համաշխարհային երիտասարդական միության (ՀԵՀԵՄ) շենքում կայացած կոնֆերանսին ներկա էին Իտալիայում, Լեհաստանում, Ռուսաստանում, Ուկրաինայում և Հայաստանում անցկացվող հոգևոր և կրոնական ֆիլմերի փառատոների ներկայացուցիչները: Նրանք Հայաստան են ժամանել «Ֆրեսկո 2019»-ին մասնակցելու, փառատոնի ընթացքում իրենց փառատոներին մասնակցած որոշ ֆիլմեր ցուցադրելու և հանդիպումներին ու քննարկումներին մասնակցելու նպատակով:

IMG 2187
Մասնակիցներն իրենց փառատոները ներկայացնելուց հետո քննարկեցին կինոյի մեջ հոգևորի ազդեցությունը, հաշմանդամության թեման կինոյի մեջ, համագործակցության հեռանկարներն ու հնարավորությունները:

IMG 2191


«Ֆրեսկո 2019» արդի արվեստի և հոգևոր ֆիլմերի փառատոնն անցկացվում է օգոստոսի 23-30-ը: Փառատոնն անցկացվում է Մայր Աթոռ Սուրբ Էջմիածնի և ԵՀԽ հայաստանյան Կլոր սեղան հիմնադրամի աջակցությամբ:

IMG 2193


Փառատոնի մասին առավել մանրամասն՝ այստեղ:
Փառատոնի ծրագիրը՝ այստեղ:

 

Օգոստոսի 24-30-ը Երևանում և մարզերում կանցկացվի «Ֆրեսկո» արդի արվեստի և հոգևոր ֆիլմերի վեցերորդ միջազգային փառատոնը: Հայաստանն այդ օրերին կվերածվի մշակութային ժողովրդական տոնի՝ ծավալվելով թե Երևանի սրտում, թե մարզերի պատմամշակութային վայրերում: Սուրբ Աննա եկեղեցու հարակից տարածքում, Նկարիչների միությունում, Հայ Առաքելական Եկեղեցու համաշխարհային երիտասարդական միության շենքում տեղի կունենան ֆիլմերի դիտում-քննարկումներ, համերգային ծրագրեր, վարպետության դասեր: Կինոդիտում կկազմակերպվի Սաղոմսավանքում։ Իր տեսակով Հայաստանում եզակի «Ֆրեսկո» ճամբարները, ոչ միայն հասարակության ու հատկապես երիտասարդ սերնդի լայն շրջանակներին ներգրավելու հրաշալի միջոց են, այլև՝ Հայաստանը ճանաչելու նոր ձևաչափ:
Ամեն տարի փառատոնն իր շուրջն է համախմբում տարբեր երկրներից հոգևորականների, արվեստագետների, կինոգործիչների և այլ մտավորականների: Այս տարի հազարից ավել հայտերից փառատոնում ընդգրկվել են 10-ից ավելի երկրներից 37 ֆիլմ, ինչպես նաև միջազգային ճանաչում ունեցող հյուրեր:

IMG 2083
«Ֆրեսկո 2018»-ն անցկացվում է Մայր Աթոռ Սուրբ Էջմիածնի աջակցությամբ: Գլխավոր գործընկերն է Եկեղեցիների համաշխարհային խորհրդի հայաստանյան Կլոր սեղան (ՀԿՍ) միջեկեղեցական բարեգործական հիմնադրամը:


Ֆրեսկո 2019 փառատոնի ծրագիրը կարող եք ներբեռնել այստեղից:

 

Ֆրեսկո արդի արվեստի և հոգևոր ֆիլմերի
փառատոնի ընդհանուր նկարագիրը


Ֆրեսկո՝ կինոփառատոնի նոր բանաձև:
«Ֆրեսկո» միջազգային նախաձեռնությունն առաջարկում է փառատոնի անցկացման բոլորովին նոր` հանրության մեջ արմատացած պատկերացումներից տարբերվող ձևաչափ: Փառատոն, որի նպատակը հոգևոր ասելիք ունեցող համաշխարհային միջոցառումների և մշակութային նմուշների ցուցադրությունն է և դրանցում արծարծված հարցերի վերաբերյալ առողջ և ազատ հանրային քննարկումների կազմակերպումը:


«Ֆրեսկո». ոչ ֆորմալ մոտեցում:


«Ֆրեսկոն» մասնակիցներին փառատոնի անցկացման ոչ ֆորմալ մոտեցում է ներկայացնում փառատոնի բոլոր փուլերում` կինոդիտումից մինչև միջոցառումների անցկացման վայրեր, նստարանից մինչև մրցանակ: Հայաստան բերված հրաշալի ֆիլմերը, ֆոտոցուցահանդեսները և ներկայացումները դուրս են բերվում կինոդահլիճներից ու բառիս բուն իմաստով մտնում փողոց:
Փառատոնի մի մասն անցկացվում է Երևանից դուրս` Հայաստանի գեղատեսիլ անկյուններում: Մասնակիցները հնարավորություն են ստանում մասնակցելու Հայաստանում իր նախադեպը չունեցող ճամբարների:

Վրանային կինոճամբարներ ՀՀ մարզերում:


Սիրելու առաջին քայլը ճանաչելն է:


Ցուցադրությունների համար ընտրելով Հայաստանի պատմամշակութային կարևոր կենտրոնները` փառատոնը մասնակիցներին առանց ճնշող պարտադրանքի «ստիպում է» ճանաչել այդ հուշարձանները, տեղի նիստուկացը, շփվել բնության, տեղի բնակիչների հետ: Վրաններ, ազգային հյուրասիրություն, երգ-երաժշտություն, տեղանքին համապատասխան ֆիլմ ու խարույկի շուրջ կազմակերպված քննարկումներ:
«Ֆրեսկո» կինոծրագիր՝ խոսում ենք մարդասիրության լեզվով:


Փառատոնին մասնակցում են խաղարկային և վավերագրական տարբեր ձևաչափերի ֆիլմեր, որոնցում դատապարտվում են պատերազմները, բռնությունը, ազգային, կրոնական խտրականությունը, մարդկային գործոնների հետևանքով ծագած էկոլոգիական աղետներն ու... քարոզվում խաղաղություն, հանդուրժողականություն, մարդասիրություն և համամարդկային այլ արժեքներ: Ֆիլմերին հաջորդող քննարկումներին մասնակցում են ոչ միայն ժապավենի ստեղծողները, ալև ֆիլմում արծարծված խնդիրներին անմիջականորեն առնչվող հերոսներ, ոլորտի պատասխանատուներ:

IMG 2121

Ֆիլմերի Մրցանակները շնորհվում են հետևյալ անվանակարգերում`


Լավագույն ուղերձ «Հավատ»,
Լավագույն ուղերձ «Հույս»,
Լավագույն ուղերձ «Սեր»,
Լավագույն ուղերձ «Խաղաղություն»,
Լավագույն ուղերձ «Քաջություն»,
Լավագույն ուղերձ «Մարդասիրություն»,
Լավագույն ուղերձ «Հայրենասրություն»:

Ռոքից դասական, ազգայինից-հոգևոր:


Արդի արվեստի և դասական մշակույթի համադրություն «Ֆրեսկոն» համախմբում է տարբեր սերնդի և ճաշակի պատկանող հանդիսատեսի՝ ռոքից մինչև դասական, դասականից մինչև ժողովրդական:
Յուրաքանչյուր փառատոնային օրվա մեկնարկը հայտարարվում է համերգային ծրագրով:

IMG 2158

Տարվա խորհրդանիշերը:


Ֆրեսկոյի մարդասիրական ուղերձներն աշխարհին
Ամեն տարի փառատոնի հարյուրավոր կամավորների ձեռքով պատրաստում են փառատոնի խորհդանիշերը՝ հուշանվերները, որոնք ունենում են իրենց ուղերձը: Հուշանվերների հազարավոր օրինակները հանդիսավոր կերպ՝ բեմականցմամբ բաժանվում են հանրությանը: Այս փոքրիկ հուշանվերները ոչ միայն գեղեցիկ խորհրդանիշ են այլև երիտասարդներին և խոցելի խմբերին միավորելու և ներառական կրթության միջոց:
Մոմեր, աղոթքներ, հայկական խաչքարեր, մրցանակներ:
Փառատոնի աշխատանքներում ներգրաված են ավելի քան 200 կամավորներ:

Հատուկ ծրագրեր:


Միասին կարող ենք…


«Ֆրեսկոն» առանձնակի նշանակություն է տալիս սոցիալական հատուկ խմբերի հետ աշխատանքներին՝ հատկապես սահմանափակ կարողություն ունեցող անձանց, մանկատան սաներին, ովքեր ոչ միայն մասնակից են բոլոր միջոցառումներին, այլ ակտիվորեն ներգրավված են փառատոնի կազմակերպչական աշխատանքներում: Փառատոնի մրցանակները հատուկ մասնագիտացված մանկատան սաների ձեռքերով:

ԵՀԽ հայաստանյան Կլոր սեղան (ՀԿՍ) հիմնադրամը գործընկերների կարողությունների զարգացում ծրագրի շրջանակում Հայ առաքելական եկեղեցու թեմերի հոգևորականների, «Եկեղեցիների համատեղ գործողություններ» դաշինքի (ACT) հայաստանյան ֆորումի համար իրականացրեց վերապատրաստման դասընթաց՝ «Նախապատրաստվածություն և արագ արձագանքում աղետներին» թեմայով: Վերապատրաստման դասընթացն անցկացվեց ՀՀ արտակարգ իրավիճակների նախարարության ճգնաժամային կառավարման պետական ակադեմիայի հետ սերտ համագործակցությամբ:

ՀԿՍ կարողությունների զարգացման ծրագրի շրջանակներում իրականացվող դասընթացին մասնակցում էին հոգևորականներ Հայաստանի բոլոր մարզերից: Դեռևս 2010 թ.-ին ստեղծված հոգևորականների ցանցը պարբերաբար վերապատրաստվում է և աջակցում է հիմնադրամին՝ արագ և օպերատիվ գործելու արտակարգ իրավիճակներում՝ ինչպես արագ արձագանքման, այնպես էլ զարգացման փուլերում: Նրանք կիրառում են ստացած սոցիալ-հոգեբանական աջակցության հմտություններն արձագանքման գործողություններում, առաջնորդվում են միջազգային ստանդարտներով և կանոնակարգերով:

IMG 1022

Հաշվի առնելով սոցիալ-հոգեբանական աջակցության հայեցակարգը՝ դասախոսներն անդրադարձան հոգևորականների դերին արտակարգ իրավիճակների կանխարգելման և հաղթահարման գործում: Ուսումնասիրվեցին նրանց փոխհամագործակցությունը տուժած բնակչության հետ ծանր դեպքերում, զոհերին աջակցելու, մարդասիրական և հոգևոր խնամք կազմակերպելու, համապատասխան մարմինների հետ հաղորդակցվելու և ահազանգ կազմակերպելու, բնակչության տեղահանման աշխատանքային խմբեր ստեղծելու, տարհանման ծրագրեր մշակելու, ռիսկերը գնահատելու և այլ թեմատիկ հարցեր:

Դասընթացավարները շահագրգիռ կողմերի հետ սեմինարն իրականացրեցին՝ ամբողջ ընթացքում հարցերի և պատասխանների, գործնական խնդիրների, աշխատանքների և թեմատիկ վերլուծությունների միջոցով:

2011 թ.-ից սկսած՝ հոգևորականներն օգնում են ՀԿՍ-ին արտակարգ իրավիճակներում կապ հաստատելու և կարիքների գնահատման առաջնային տեղեկատվություն ուղարկելու գործում, իսկ հետագայում աջակցում են հումանիտար օգնության կազմակերպման և բաշխման, ցուցակները և հաշվետվությունները կազմելու աշխատանքում:

ՀԿՍ-ի գործընկերները պարբերաբար մասնակցում են վերապատրաստման դասընթացների և աշխատանքային հանդիպումների, պատրաստ են իրենց գիտելիքը փոխանցել իրենց գործընկերներին և շահառուներին:

Կլոր սեղան հիմնադրամի Արտակարգ իրավիճակներին արագ արձագանքման ծրագրերի շրջանակում 2011 թ. իրականացվել է «Աջակցություն Տավուշի մարզում սողանքի զոհերին» ծրագիրը: 2012-2018 թթ., Հայաստանում սիրիացի փախստականների համար կազմակերպվել են հումանիտար և զարգացման ծրագրեր: 2014 թ., հումանիտար օգնություն է տրամադրվել Սիրիայի հակամարտության արդյունքում տեղահանված Քեսաբահայ բնակիչներին: 2016 թ., հումանիտար օգնություն է տրամադրվել Արցախում ապրիլյան պատերազմի արդյունքում տեղահանված բնակիչներին:

Գերմանիայի Վուպերտալ քաղաքում կայացած հանդիպման ընթացքում քննարկվել են էկո-աստվածաբանությունը, կայունության էթիկան և բնապահպանությանը նպաստող եկեղեցիների թեմաները: Մասնացկել է Ասիայի, Աֆրիկայի, Լատինական Ամերիկայի և Եվոպայի 22 երկրի ավելի քան 50 ներկայացուցիչ: Նրանք, մասնավորապես քննարկել են էկո աստվածաբանության, եկեղեցիների և քաղաքացիական հասարակության միջև համագործակցության և կայուն զարգացման հիմնախնդիրները:


ԵՀԽ հայաստանյան Կլոր սեղան հիմնադրամը ներկայացրել է գործադիր տնօրեն Կարեն Նազարյանը: Նա ներկայացման միջոցով պատմել է բնապահպանության և ուխտագնացության միջև կապի, Եկեղեիների և բնապահպանության դաշինքի, Կլոր սեղան հիմնադրամի և Էջմիածնի քաղաքապետարանի միջև գործակցության և այն մասին, թե ինչպես կարող են եկեղեցիները դառնալ էկոլոգիական կրթության, շահերի պաշտպանության և արժեքների փոփոխման կենտրոններ:


Հանդիպման ավարտին մասնակիցներն ընդունեցին ընդհանուր հանձնարարականներ, որոնք վերաբերում են կայունության ընդհանուր հարթակի ստեղծմանը, բնապահպանական էթիկային և Կայուն զարգացման նպատակների արդյունավետ իրականացմանը:

Մարտի 21-ը` Դաունի համախտանիշով մարդկանց միջազգային օրն է: Այդ առիթով Արարատյան Հայրապետական թեմի Զորավոր Ս. Աստվածածին եկեղեցին և «Արև-երեխաներ» երեխաների առողջության և զարգացման կենտրոն ՀԿ-ն կազմակերպել էին բարեգործական համերգ և downchildren.am կայքի շնորհանդեսը: Կայքը նախատեսված է դաունի համախտանիշով մարդկանց ու նրանց հարազատների համար:

Երեկոյին ներկա էին ՀՀ աշխատանքի և սոցիալական հարցերի նախարար Զարուհի Բաթոյանը, ՀՀ ԱԺ պատգամավոր Անի Սամսոնյանը, Մարդու իրավունքների պաշտպան Արման Թաթոյանը, ԵՀԽ հայաստանյան Կլոր սեղան հիմնադրամի նախագահ Կարեն Նազարյանը, կառավարության անդամներ:

«Մոսկվա» կինոթատրոնի «Կարմիր» դահլիճում կայացած միջոցառման բացման ժամանակ Հայ Առաքեական Եկեղեցու Արարատյան հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանը ներկաներին փոխանցեց Ամենայն Հայոց Կաթողիկոս Գարեգին Երկրորդի օրհնությունը և ողջույնի խոսքը: Սրբազանը նաև շեշտեց, որ հասարակությունն զգալի աաջընթաց է արձանագրել դաունի համախտանիշով մարդկանց հանդեպ վերաբերմունքի փոփոխության ուղղությամբ, սակայն ճանապարհը դեեռևս երկար է: «Օրհնաբեր և հոգեշահ այս միջոցառմանը բոլորս ներկա ենք այն հավատքով ու վստահությամբ, որ ծնողների, մտահոգ ու բարեհոգի մարդկանց  հոգատարության, համապատասխան օգնության, ինչպես նաև հասարակության աջակցության շնորհիվ Դաունի համախտանիշով մարդիկ կարող են լուրջ ձեռքբերումների հասնել և դառնալ մի մեծ արև, որի ջերմությունն ու լույսը կմխիթարի  ամենքիս»,- ասաց սրբազան հայրը:



Երևանի Երևանի Զորավոր Սուրբ Աստվածածին Եկեղեցու հոգևոր հովիվ, «Արև երեխաներ» ՀԿ հոգաբարձուների խորհրդի նախգահ Տ. Գրիգոր քահանա Գրիգորյանը ներկաներին փոխանցեց իր հուզմունքն ու ապրումներն այն պահին, երբ իմացել է, որ իր որդին նույնպես առանձնանում է մյուսներից: «Ես էլ էի շփոթված: Հարցնում էի՝ ինչու՞ ես, Տեր: Հիմա գիտեմ, որ ես, որպես հոգևորական, պետք է այս արև-երեխաների կողքին լինեմ։ Մենք ունենք բոլորիդ աջակցության կարիքը։ Խոսքը դրամական, նյութական օգնության մասին չէ։ Խոսքը ձեր հոգատարության, ուշադրության մասին է, որի կարիքն ունեն թե՛ այս արև-երեխաները, թե՛ նրանց ծնողները»,- ասաց Տեր հայրը:

 

Միջոցառման ընթացքում տեղի ունեցավ երկու պրեմիերա: Հանդիսատեսի դատին հանձնվեց «Ես կարող եմ» սոցիալական հոլովակը: Այն նկարահանվել է «Արև երեխաներ» ՀԿ-ի նախաձեռնությամբ և ԵՀԽ հայաստանյան Կլոր սեղան հիմնադրամի աջակցությամբ: Առաջին անգամ հնչեց Դաունի համաշխատնիշ ունեցող երեխաների համար գրված «Արևի աշխարհ» երգը:

Կլոր սեղան հիմնադրամը տեսահոլովակի պատրաստմանն աջակցելուց բացի ֆինանսավորել է «Դաունի համախտանիշ: Ձեռնարկ ծնողների համար» գրքի տպագրությունը:


Համերգային ծրագրի սկզբում ելույթ ունեցան Նոր Նորքի Հայորդյաց տան «Շողոկաթ» երգչախմբի երեխաները: Իսկ երկրորդ հատվածում յուրօրինակ կատարումներով ելույթ ունեցան Աննա և Անահիտ Մխիթարյան քուրերը՝ «Մխիթարյան քույրեր և ընկերներ» էթնո խմբով ներկայացնելով հայ ժողովրդական երգերի պոպուրի:


Միջոցառման ավարտին Հայաստանի մարդու իրավունքների պաշտպան Արման Թաթոյանը նշեց, որ պետք է մեծ ջանքեր գործադրել կարծրատիպերը կոտրելու և Դաունի համախտանիշ ունեցող անձանց հասարակական կյանքում ամբողջությամբ ընդգրկելու համար: « Պետք է կոտրել դաունի համախտանիշ ունեցողների նկատմամբ կարծրատիպերը և գնահատել նրանց ներուժը»,- ընդգծեց Թաթոյանը:


Համերգի հասույթի մի մասը կտրամադրվի աշխարհի Հատուկ օլիմպիադայի խաղերի լողի երկակի չեմպիոն, Դաունի համախտանիշ ունեցող Տիգրան Գևորգյանին, ով օրեր առաջ կորցրել է իր մայրիկին: Իսկ մյուս մասը կտրամադրվի «Արև երեխաներ» ՀԿ-ին՝ Դաունի համախտանիշով երեխաների առողջական խնդիրների լուծման նպատակով:

 


Դաունի համախտանիշի մասին


Աղբյուրը՝ Վիկիպեդիա
Դաունի համախտանիշը ի հայտ է գալիս այն ժամանակ, երբ երեխան ունի 21-րդ քրոմոսոմի լրիվ կամ մասնակի հավելյալ կրկնօրինակ։ Դաունի համախտանիշը առաջին անգամ նկարագրել է անգլիացի բժիշկ Լենգդոն Դաունը 1866 թվականին, ում պատվին էլ այն անվանվել է։ Բայց միայն 1867 թվականին անգլիացի գիտնականների կողմից այն ստացավ իր ամբողջական նկարագիրը։


Դաունի համախտանիշ ունեցող անձանց բնորոշ հատկություններից են՝ մկանների թույլ զարգացվածությունը, ցածր հասակը, աչքերի դեպի վեր թեքվածությունը և ձեռքի ափի կենտրոնում խոր գծի առկայությունը։ Դաունի համախտանիշ ունեցող յուրաքանչյուր անձ յուրահատուկ է և կարող է ունենալ կամ չունենալ այս հատկանիշները։ Նրանց մոտ ավելի հավանական է որոշակի առողջականի խնդիրները, ինչպիսին են, օրինակ՝ սրտային, շնչառական կամ լսողության խնդիրները, Ալցհեյմերի հիվանդությունը, մանկական լեյկեմիան և այլն։ Քանի որ վերոնշյալների մեծ մասն արդեն հնարավոր է բուժել, Դաունի համախտանիշ ունեցող մարդիկ վարում են առողջ կյանք։ Մինչև 1980-ական թվականները, Դաունի համախտանիշ ունեցող մարդկանց կյանքի տևողությունը ցածր էր, սակայն հավասար հնարավորությունները, գիտության զարգացումն ու հասարակական վերաբերմունքի փոփոխությունները բերեցին տևողության աճի։ Նրանց կյանքի տևողությունը 1983 թվականից զգալիորեն աճել է՝ 25 տարեկանից դառնալով 60[5]։ Առասպել է նաև, որ Դաունի համախտանիշ ունեցող անձինք ունեն խիստ արտահայտված մտավոր խնդիրներ։ Մտավոր դժվարությունների աստիճանը կարող է շատ տարբեր լինել՝ թույլից մինչև միջին մակարդակի։ Զարգացած երկրներում Դաունի համախտանիշ ունեցող երեխաները լիարժեք մասնակցում են հասարակական և անհատական կրթական ծրագրերին։ Ուսուցիչները և հետազոտողները դեռևս բացահայտում են Դաունի համախտանիշով մարդկանց կրթական պոտենցիալը։ Առասպել է նաև, որ Դաունի համախտանիշ ունեցող մարդիկ միշտ ուրախ են։ Նրանք մյուս բոլոր մարդկանց նման ունեն զգացմունքներ, կարող են արտահայտել բոլոր հույզերը։

Զարգացած երկրներում Դաունի համախտանիշ ունեցող անհատներին ներգրավված են հասարակական տարբեր գործընթացներում, համայնքային կազմակերպություններում, դպրոցներում, առողջապահական, զբաղվածությունը խթանող, ժամանցային ծրագրերում։ «Եվրատեսիլ-2015» երգի միջազգային մրցույթին Ֆինլանդիան, օրինակ, ներկայացրեց փանկ-ռոքերների «Pertti Kurikan Nimipäivät» խումբը, որի բոլոր անդամները Դաունի համախտանիշ ունեին[6]։ Հայաստանի Հանրապետությունում Դաունի համախտանիշ ունեցող անձինք քիչ ներառված են կրթական համակարգում։ Հասարակությունում առկա կարծրատիպերի, տեղեկատվության պակասի պատճառով Դաունի համախտանիշ ունեցող նորածիններին ավելի հաճախ են մանկատուն հանձնում։ Համաձայն Աշխատանքի և սոցիալական հարցերի նախարարության տվյալների՝ 2014 թվականին Դաունի համախտանիշ ունեցող 22 երեխաներ հենց հիվանդանոցից մանկատուն են տեղափոխվել։ Միջազգային մամուլն անդրադարձել է Հայաստանում ստեղծված այդ իրավիճակին՝ գրելով, թե Հայաստանում ամոթ է Դաունի համախտանիշ ունեցող երեխայի ծնող դառնալը։

 

image2«Սիրիահայ երիտասարդների պայծառ ապագա» ծրագրի շրջանակում մեկնարկել է նոր դասընթաց: Ծրագրի շահառու սիրիահայ երիտասարդների խմբին հնարավորություն է ընձեռվել մասնակցելու նեյրո-լեզվաբանական ծրագրավորման դասընթացին:

Դասընթացը հնարավոր է դարձել «ՀԱԼԵՊ» հայրենակցակական բարեսիրական հասարակական կազմակերպության և Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի համագործակցության շնորհիվ: Նեյրո-լեզվաբանական ծրագրավորման դասընթացն ուսումնասիրում է հաղորդակցությունը՝ որպես արվեստ և գիտություն: Այն մասնակիցներին սովորեցնելու է կենտրոնանալ առաջադրված նպատակներին և ողջ ուժերն ուղղել դրանց հասնելուն:

Դասընթացի հանդիպմանը ներկա էր «Սիրիահայ երիտասարդների պայծառ ապագա» ծրագրի համակարգող Լաուրա Սամվելյանը, որը նշեց, որ սիրիահայ երիտասարդների ինտեգրումը հայաստանյան հասարակությունում ծրագրի գերակա խնդրիրներից է, և լիահույս է, որ դասընթացն իր կարևոր դերը կունենա երիտասարդների ինքնազարգացման և համապատասխան աշխատանք գտնելու գործընթացում:

image1Հմուտ դասընթացավար Հակոբ Մակդիս Մուսոն նշեց, որ հազարավոր հաջողակ մարդիկ ամբողջ աշխարհով մեկ սովորել են նեյրո-լեզվաբանական ծրագրավորում (ՆԼԾ) և գիտակցել են, որ այն հետևողականորեն աջակցել է նրանց` հասնելու իրենց նպատակներին:

Վեց շաբաթ տևողությամբ դասընթացը օգտակար կլինի տարբեր մասնագիտություն և զբաղվածություն ունեցող մասնակիցների համար: Այն կօգնի ավելի արդյունավետ հաղորդակցվել գործընկերների հետ, հաղթահարել հաղորդակցության հետ կապված բոլոր խոչընդոտները և կյանքի ցանկացած բնագավառում հաջողութ

յան հասնել: Դասընթացի ավարտին մասնակիցներին կտրվեն հավաստագրեր:

«Սիրիահայ երիտասարդների պայծառ ապագա» ծրագրի նպատակն է սիրիական հակամարտության հետևանքով Հայաստանում ապաստանած սիրիահայ երիտասարդներին տրամադրել նոր գիտելիքներ և հմտություններ՝ նպաստելով նրանց զարգացմանը և հայաստանյան քաղաքացիական կյանքում ինքնաիրացմանը:

image1Եկեղեցիների Համաշխարհային Խորհրդի հայաստանյան միջեկեղեցական բարեգործական Կլոր սեղան հիմնադրամի և «ՀԱԼԵՊ» հայրենակցական բարեսիրական հասարակական կազմակերպության համագործակցության շնորհիվ շուրջ երկու ամիս է՝ «Սիրիահայ երիտասարդների պայծառ ապագա» ծրագրի շրջանակում մեկնարկել են սիրիահայ երիտասարդ ճարտարապետների համար անվճար համակարգչային դասընթացները։ Հանրաճանաչ 3dMax և Photoshop ծրագրերի դասընթացներն օգնելու են երիտասարդ ճարտարապետներին և դիզայներներին ի կատար ածել իրենց երևակայությանը համապատասխան պատկերներն ու էսքիզները, ինչպես նաև նախագծել և մոդելավորել տարատեսակ կառույցներ: Դասընթացի ավարտից հետո մասնակիցներին տրվելու են հավաստագրեր:


Դասընթացներն իրականացնում է Skillshop կազմակերպությունը, որի հիմնադիր Արեկ Քեշիշյանը նույնպես Հայաստան է տեղափոխվել Սիրիայից: Նա արդեն տարիներ շարունակ դասավանդում է սիրիահայ և տեղաբնակ երիտասարդներին և քաջատեղյակ է նրանց հիմնախնդիրների և կարիքների մասին: Դասընթացի սիրիահայ մասնակից Կարլոսը սովորում է Հայաստանի պետական ճարտարագիտական համալսարանի երկրորդ կուրսում: Դեռ մանուկ հասակից երազում էր ճարտարապետ դառնալ: «Համալսարանում դասընթացները հետաքրքիր են, բայց հիմնականում տեսական գիտելիքների տեսքով են մատուցվում: Ցավոք ժամանակակից համակարգչային ծրագրերը չեն դասավանդվում: «Սիրիահայ երիտասարդների պայծառ ապագա» ծրագրի շրջանակներում 3dMax-ի դասընթացի եմ հաճախում, որի դրական ազդեցությունն ակնհայտ է»,- նշեց նա:


image4Դասընթացի մասնակից Սերլին նույնպես կիսեց դասընթացի մասին իր տպավորությունները: «Միշտ սիրել եմ արվեստը և երազել եմ նկարչուհի դառնալ: Այժմ սովորում եմ դիզայնի ֆակուլտետում: Photoshop ծրագրի առաջին երկու հանդիպումները բարդ էին, սակայն շուտով հարմարվեցի: Այժմ սովորում ենք թե ինչպես զանազան պատկերներ համատեղել, փոխել նկարների գունային գամմաները: Դիզայների համար այս գիտելիքները շատ օգտակար են,» – նշեց նա: «Սիրիահայ երիտասարդների պայծառ ապագա» ծրագրի նպատակն է սիրիական հակամարտության հետևանքով Հայաստանում ապաստանած սիրիահայ երիտասարդներին տրամադրել նոր գիտելիք և հմտություններ՝ նպաստելով նրանց զարգացմանը և հայաստանյան քաղաքացիական կյանքում ինքնաիրացմանը:

 

 

 

2018 06 21 14.46.24Եկեղեցիների համաշխարհային խորհրդի հայաստանյան Կլոր սեղան (ՀԿՍ) հիմնադրամը, Փախստականների համաշխարհային օրվա առիթով, Սուդանի քաղաքացի բարերար Հ. Մարդիկյանի նվիրաբերած կաթսաների հավաքածուներ փոխանցեց առավել կարիքավոր 24 սիրիահայ ընտանիքների: Շահառուների ցուցակները տրամադրել է «Հալեպ» ՀԿ-ն: ՀԿՍ-ն  6 տարի է, ինչ սոցիալ-հոգեբանական աջակցություն է տրամադրում Հայաստանում գտնվող սիրիահայերին՝ հիմնականում նպաստելով նրանց տնտեսական հզորացմանը, տրամադրելով հոգեբանական և հոգևոր օգնություն: Հիմնադրամը նար մարդասիրական օգնություն է ցուցաբերում առավել խոցելի ընտանիքներին` իրենց տեղահանման առաջին օրերից:

 

 

 

 

Հունիսի 7-9-ը Հայաստանյան Կլոր սեղան հիմնադրամը ՄԱԿ-ի Բնակչության հիմնադրամի աջակցությամբ կազմակերպել էր դասընթաց՝ Հայ Առաքելական եկեղեցու երեք թեմերի հոգևորականների ու թեմերին կից սոցիալ-կրթական կենտրոնների սոցիալական աշխատողների ու մանկավարժների համար: Այն նվիրված էր ընտանիքում բռնությունների կանախարգելմանը և բռնության զոհերի, բռնարարների ու բռնությունից ազդված երեխաների հետ աշխատանքին:


Դասընթացը վարեցին հոգեբան-փորձագետ, ԵՊՀ Կիրառական հոգեբանության կենտրոնի տնօրեն Դավիթ Գևորգյանը և սոցիոլոգ-փորձագետ, Աշխատանքի և սոցիալական հետազոտությունների ազգային ինստիտուտի սոցիալական աջակցության և սոցիալական նորարարությունների բաժնի պետ Արմինե Մխիթարյանը: Նա լսարանին ներկայացրեց ընտանեկան բռնության տեսակները, ընտանեկան բռնության ենթարկված և ենթարկած անձանց նույնացման ցուցանիշներ, բռնության հակված մարդկանց վարքագծային բնութագրիչները, հաշտեցման գործընթացը, դրա սուբյեկտները, սկզբունքները: Դավիթ Գևորգյանը ներկայացրեց ընտանեկան բռնությունների հոգեբանական ասպեկտները, զոհի հոգեբանության զարգացման մեխանիզմները, Ընտանեկան բռնության զոհերի և բռնարարների հետ աշխատանքի հոգեբանական կողմեր, ինչպես նաև խորհրդատվության հիմնական սկզբունքները և հմտությունները:


ՀՀ ԱՍՀՆ աշխատակազմի ընտանիքի, կանանց և երեխաների հիմնահարցերի վարչության պետի տեղակալ, կանանց հիմնահարցերի բաժնի պետ Արմինե Թանաշյանը մասնակիցներին ներկայացրեց «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքը, դրա կիրառման մեխանիզմների նախապատրաստման ընթացքը: Մասնակիցները հնարավորություն ունեցան օրենքի կիրառման հետ կապված իրենց հարցերն ուղղել ու մտահոգություններն արտահայտել՝ բերելով իրենց փորձից կոնկրետ օրինակներ:


ՄԱԿ-ի բնակչության հիմնադրամի հայաստանյան գրասենյակի ներկայացուցիչ Ծովինար Հարությունյանը շարունակական արդյունավետ աշխատանքի հույս հայտնեց: Նա ընդգծեց եկեղեցու մասնակցության կարևորությունը Հայաստանում ընտանեկան բռնությունների վերացման ուղղությամբ՝ տեսնելով հոգևորականների ու եկեղեցու աշխարհիկ աշխատողների դերը և՛ կանխարգելման, և՛ համայնքներում ընտանիքների հետ աշխատանքի միջոցով:
Երեկոյան դասընթացի մասնակիցները Գերաշնորհ Տ. Բագրատ եպս. Գալստանյանի հետ հնարավորություն ունեցան զրուցել «Եկեղեցին և բռնությունները ընտանիքում» թեմայի մասին: Մասնակիցները քննարկեցին բռնության զարգացման հոգևոր կողմերը, հոգևոր առողջացման նախապայմաններն ու եկեղեցու դերը՝ ընտանիքում բռնությունների հետ բախված անձանց աջակցելու գործում:


Դասընթացը իրականացվել է «Գենդերային և ընտանեկան բռնությունների կանխարգելում» ծրագրի շրջանակում: ՄԱԿ-ի Բնակչության հիմնադրամի աջակցությամբ ծրագիրն իրականացվում է արդեն ութերորդ տարին: Ծրագրի նպատակն է Հայ Առաքելական Եկեղեցու հետ սերտ համագործակցությամբ նպաստել գենդերային և ընտանեկան բռնությունների կանխարգելմանը Հայաստանում: Ծրագրի նախորդ տարիների ընթացքում ՀԱԵ Քրիստոնեական դաստիարակության կենտրոնի հետ իրականացվել են իրազեկման բարձրացման լայնածավալ աշխատանքներ: Հայաստանի բոլոր մարզերում և Երևանում իրականացվել են դասընթացներ, սեմինարներ և զրույցներ երիտասարդների հետ ՀՀ Ազգային բանակի զորամասերում, դեռահասների, նրանց ծնողների և ուսուցիչների, համայնքում մեծահասակների խմբերի հետ, որին հետևել են հոգևորականի անհատական խորհրդատվություններն ու տնայցերը: Ծրագրին մասնակցել է (ծրագրին մասնակցել են) մոտ 35000 մարդ:


Նախատեսվում է, որ 2018թ. վերապատրաստված հոգևորականները հոգեբանների և սոցիալական աշխատողների հետ ներկայացված համայնքներում կիրականցնեն ընտանիքում բռնությունների զոհերի ու բռնարարների հետ շարունակական աշխատանք՝ մատուցելով բազմակողմանի սոցիալական և հոգեբանական աջակցության ծառայություններ:

 

Էջ 1, 4-ից

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436