Նորություններ

ԵՀԽ հայաստանյան Կլոր սեղան (ՀԿՍ) հիմնադրամը գործընկերների կարողությունների զարգացում ծրագրի շրջանակում Հայ առաքելական եկեղեցու թեմերի հոգևորականների, «Եկեղեցիների համատեղ գործողություններ» դաշինքի (ACT) հայաստանյան ֆորումի համար իրականացրեց վերապատրաստման դասընթաց՝ «Նախապատրաստվածություն և արագ արձագանքում աղետներին» թեմայով: Վերապատրաստման դասընթացն անցկացվեց ՀՀ արտակարգ իրավիճակների նախարարության ճգնաժամային կառավարման պետական ակադեմիայի հետ սերտ համագործակցությամբ:

ՀԿՍ կարողությունների զարգացման ծրագրի շրջանակներում իրականացվող դասընթացին մասնակցում էին հոգևորականներ Հայաստանի բոլոր մարզերից: Դեռևս 2010 թ.-ին ստեղծված հոգևորականների ցանցը պարբերաբար վերապատրաստվում է և աջակցում է հիմնադրամին՝ արագ և օպերատիվ գործելու արտակարգ իրավիճակներում՝ ինչպես արագ արձագանքման, այնպես էլ զարգացման փուլերում: Նրանք կիրառում են ստացած սոցիալ-հոգեբանական աջակցության հմտություններն արձագանքման գործողություններում, առաջնորդվում են միջազգային ստանդարտներով և կանոնակարգերով:

IMG 1022

Հաշվի առնելով սոցիալ-հոգեբանական աջակցության հայեցակարգը՝ դասախոսներն անդրադարձան հոգևորականների դերին արտակարգ իրավիճակների կանխարգելման և հաղթահարման գործում: Ուսումնասիրվեցին նրանց փոխհամագործակցությունը տուժած բնակչության հետ ծանր դեպքերում, զոհերին աջակցելու, մարդասիրական և հոգևոր խնամք կազմակերպելու, համապատասխան մարմինների հետ հաղորդակցվելու և ահազանգ կազմակերպելու, բնակչության տեղահանման աշխատանքային խմբեր ստեղծելու, տարհանման ծրագրեր մշակելու, ռիսկերը գնահատելու և այլ թեմատիկ հարցեր:

Դասընթացավարները շահագրգիռ կողմերի հետ սեմինարն իրականացրեցին՝ ամբողջ ընթացքում հարցերի և պատասխանների, գործնական խնդիրների, աշխատանքների և թեմատիկ վերլուծությունների միջոցով:

2011 թ.-ից սկսած՝ հոգևորականներն օգնում են ՀԿՍ-ին արտակարգ իրավիճակներում կապ հաստատելու և կարիքների գնահատման առաջնային տեղեկատվություն ուղարկելու գործում, իսկ հետագայում աջակցում են հումանիտար օգնության կազմակերպման և բաշխման, ցուցակները և հաշվետվությունները կազմելու աշխատանքում:

ՀԿՍ-ի գործընկերները պարբերաբար մասնակցում են վերապատրաստման դասընթացների և աշխատանքային հանդիպումների, պատրաստ են իրենց գիտելիքը փոխանցել իրենց գործընկերներին և շահառուներին:

Կլոր սեղան հիմնադրամի Արտակարգ իրավիճակներին արագ արձագանքման ծրագրերի շրջանակում 2011 թ. իրականացվել է «Աջակցություն Տավուշի մարզում սողանքի զոհերին» ծրագիրը: 2012-2018 թթ., Հայաստանում սիրիացի փախստականների համար կազմակերպվել են հումանիտար և զարգացման ծրագրեր: 2014 թ., հումանիտար օգնություն է տրամադրվել Սիրիայի հակամարտության արդյունքում տեղահանված Քեսաբահայ բնակիչներին: 2016 թ., հումանիտար օգնություն է տրամադրվել Արցախում ապրիլյան պատերազմի արդյունքում տեղահանված բնակիչներին:

IMG 6081«Եկեղեցիների համատեղ գործողություն» դաշինքի (ACT Alliance) եվրոպական ֆորումը Բրյուսելում ամփոփել է տարեկան ժողովը: Միջոցառմանը մասնակցել է նաև ԵՀԽ հայաստանյան Կլոր սեղան հիմնադրամի գործադիր տնօրեն Կարեն Նազարյանը: «Համաժողովի ընթացքում անդամները քննարկեցին, թե ինչպես աշխատել նոր՝ ընդգրկող մոդելով՝ «Ավելին՝ ավելիի դիմաց» սկզբունքի հիման վրա: Նոր սկզբունքի համաձայն՝ դաշինքի անդամների վճարած անդամավճարները մնում են տարածաշրջանային ֆորումների տիրապետության տակ, ինչը ֆորումների անդամներին ավելի մեծ ճկունություն է տալիս ծրագրեր իրականացնելիս»,- ասաց Նազարյանը:

Միջոցառման քննարկման մյուս թեմաներից է եղել ACT Alliance դաշինքի անդամների աշխատանքը ՄԱԿ-ի Կայուն զարգացման նպատակներին (ԿԶՆ) համահունչ դարձնելը: «Ներկայացվեց ACT-ի հարցումը, որի նպատակն էր պարզել, թե անդամները հատկապես որ նպատակների իրագործման մեջ են ընդգրկված: Բացահայտվեց, որ դաշինքի անդամ հավատքահեն կազմակերպությունները և եկեղեցիներն առավելապես իրականացնում են գենդերային հավասարության և շրջակա միջավայրի պաշտպանության և պահպանության նպատակները»,- ընդգծեց Կլոր սեղան հիմնադրամի գործադիր տնօրեն Կարեն Նազարյանը:


IMG 6103Այնուհետև մասնակիցները պատմել են, թե յուրաքանչյուրն ինչպես է ընդգրկվել ԿԶՆ իրականացման գործընթացում: Կարեն Նազարյանը պատմել է, թե Կլոր սեղան հիմնադրամն ինչ է արել այդ առումով: «Մենք հոգևորականների և Կլոր սեղան հիմնադրամի աշխատակիցների համար հատուկ դասընթաց անցկացրեցինք ԿԶՆ մասին: Փետրվարին հրավիրեցինք «Կայուն զարգացման նպատակները և Եկեղեցին» խորգրով համաժողովը, որի նպատակն էր պարզել, թե ինչպես և որքանով կարող է Հայ Առաքեական Եկեղեցին իր սպասավորներով ընդգրկվել ԿԶՆ իրականացման գործընթացում: Սակայն պետք է շեշտեմ, որ հանրության շրանում կա ԿԶՆ վերաբերյալ իրազեկության պակասի խնդիր»,- ընդգծեց Կարեն Նազարյանը:


Հանդիպման եզրափակիչ մասում մասնակիցները լսել են Եվրամիության խորհրդի գլխավոր քարտուղար Եպպե Տրանհոլմ-Միկելսենին: Նա ներկայացրել է Եվրամիության օրակարգի առաջնահերությունները: Համաժողովի ավարտին մասնակիցները որոշել են հաջորդ հանդիպումն անցկացնել Հունգարիայի մայրաքաղաք Բուդապեշտում:

 

DSCN9244Եկեղեցիների համաշխարհային խորհրդի հայաստանյան Կլոր սեղան հիմնադրամն ամփոփեց աշխարհի խոշորագույն միջեկեղեցական կազմակերպություններից մեկի՝ «Եկեղեցիների համատեղ գործողություն» դաշինքի (ACT Alliance) գլխավոր քարտուղար Ռուդելմար Բուենո դե Ֆարիայի (Rudelmar Bueno de Faria) այցը Հայաստան: Դաշինքն աշխարհի խոշորագույն կազմակերպությունն է, որտեղ միավորվում են 150-ից ավելի բողոքական և ուղղափառ եկեղեցիներ և հավատքահեն կազմակերպություններ՝ ավելի քան 125 երկրից: Դաշինքի անդամ է նաև Կլոր սեղան հինադրամը: Ռուդելմար Բուենո դե Ֆարիան այցելել էր Կլոր սեղան հիմնադրամի գործադիր տնօրեն Կարեն Նազարյանի հրավերով:


Նա հանդիպել է Կլոր սեղան հիմնադրամի աշխատակիցների, ACT Alliance-ի հայաստանյան ֆորումի անդամների, Հայաստանում ՄԱԿ-ի մշտական համակարգողի, ՄԱԿ-ի Բնակչության հիմնադրամի հայաստանյան գրասենյակի և ՄԱԿ-ի փախստակաների հարցերով հանձնակատաի հայաստանյան գրասենյակի ներկայացուցիչների, ինչպես նաև Ամենայն Հայոց Կաթողիկոս Գարեգին Երկրորդի ու ՀՀ ԱԻՆ ներկայացուցիչների հետ:

DSCN9248Պարոն դե Ֆարիան ավելի մանրամասն է ծանոթացել Կլոր սեղան հիմնադրամի գործունեությանը: Հիմնադրամի աշխատակիցների հետ հանդիպման ընթացքում նա նշել է, որ դաշինքի նպատակներից մեկն անդամ կազմակերպությունների զարգացումն է և դաշինքի կազմում դերակատարման ավելացումը: «Մենք պետք է առաջնահերթություն տանք տեղական հավատքահեն կազմակերպությունների դերակատարմանը սոցիալական ծառայությունների մատուցման, զարգացման և շահերի պաշտպանության ոլորտներում: Նաև կարևոր է, որպեսզի անդամները կարողանան օգտագործել Դաշինքի ներուժը՝ գլոբալ խնդիրները լուծելիս»,- ասել է Ռուդելմար Բուենո դե Ֆարիան:


Հիմնադրամի աշխատակիցներից բացի հյուրը հանդիպել է նաև դաշինքի հայաստանյան ֆորումի մասնակիցների հետ: Բացի Կլոր սեղան հիմնադրամից ֆորումում ընդգրկված են նաև ԱՄՔՈՐ և ԷԿԼՕՖ կազմակերպությունները: ACT Alliance-ի գլխավոր քարտուղարը ծանոթացել է ֆորումի անդամ կազմակերպությունների գործունեությանը, նրանց իրականացրած ծրագրերին: Ռուդելմար Բուենո դե Ֆարիան հայտնել է որ Դաշինքը պատրաստ է ընդլայնել Հայաստանում իրականացվող մարդասիրական, զարգացման և շահերի պաշտպանության ծրագրերի ֆինանսավորումը՝ Կայուն զարգացման նպատակների (ԿԶՆ) առաջնահերթությունների շրջանակում: Նա հատկապես ընդգծել է կանանց և տղամարդկանց հավասարությունը խրախուսող և կանանց կարողությունների զարգացման ծրագրերը:


DSCN9253Հյուրը Հայաստան էր բերել նաև կարևոր մի ուղերձ՝ հավատքահեն կազմակերպությունները, ինչպիսին «Եկեղեցիների համատեղ գործողություն» դաշինքն է, պետք է դուրս գան էկումենիկ շրջանակից և ներգրավվեն քաղաքացիական հասարակության հետ ավելի ընդարձակ համագործակցության շրջանակներում՝ այդ թվում ՄԱԿ-ի նման վերազգային կառույցների հետ: «Մենք միայն միասին կարող ենք ներառական զարգացումը, ապահովել մարդու արժանապատվության պաշտպանությունը, ինչը համընկնում է ՄԱԿ-ի մի քանի կազմակերպությունների օրակարգին, որն իրականացվում է Կայուն զարգացման նպատակների շրջանակում»,- ասել է ACT Alliance-ի ղեկավարը:


DSCN9311Նա կարևոր է համարել նաև համաշխարհային քաղաքական և մյուս զարգացումները հաշվի առնելով գործելը: «Մենք այլևս չենք կարող գործել նախկինի նման: Իրավիճակը կտրուկ փոխվել է: Մենք պետք է մարգարեների նման լինենք: Այսօր որոշ կրոնական և եկեղեցական կազմակերպություններ մերձենում են կառավարությունների հետ: Նրանք նաև համագործակցում են այնպիսի քաղաքաքան գործիչների հետ, որոնք խարխլում են մարդկային արժանապատվությունը»,- ընդգծել է նա: «Եկեղեցիների համատեղ գործողություն» դաշինքի ղեկավարը համոզված է՝ այդ ամենը դաշինքը և նրա անդամները պետք է հաշվի առնեն՝ դիրքորոշում արտահայտելիս և համարժեք վարքագիծ դրսևորելիս:


Ռուդելմար Բուենո դե Ֆարիան Հայաստան կատարած այցի ընթացքում հանդիպել է նաև Կլոր սեղան հիմնադրամի աջակցությամբ իրականացվող «Սիրիահայ երիտասարդների պայծառ ապագա» ծրագրի մասնակից երիտասադրներին՝ Սիրիայից, Իրաքից և Հայաստանից: Կլոր սեղան հիմնադրամի հյուրը հանդիպել է նաև Հայաստանում ՄԱԿ-ի մշտական համակարգող Շոմբի Շարփի, Հայաստանում ՄԱԿ-ի բնակչության հիմնադրամի գրասենյակի ղեկավարի, ՄԱԿ-ի փախստականների հարցերով գերագույն հանձնակատարի գրասենյակի ներկայացուցիչների հետ:


DSCN9305Շոմբի Շարփի հետ հանդիպման ընթացքում դե Ֆարիան քննարկել է մարդասիրական և զարգացման նախաձեռնություններում «Եկեղեցիների համատեղ գործողություն» դաշինքի և ՄԱԿ-ի ջանքերի միավորումը՝ Կայուն զարգացման նպատակների շրջանակում: Շոմբի Շարփն ընդգծել է, որ ՄԱԿ-ի հայաստանյան գրասենյակի տարբեր ծրագրերի և Կլոր սեղան հիմնադրամի միջև արդեն կա արդյունավետ բազմամյա համագործակցություն: Նա նաև պատրաստակամություն է հայտնել ընդլայնել համատեղ գործողությունները:

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալել է Ռուդելմար Բուենո դե Ֆարիային՝ ուղեկցությամբ ԵՀԽ Հայաստանյան Կլոր Սեղան բարեգործական միջեկեղեցական հիմնադրամի հոգաբարձուների խորհրդի նախագահ Գերաշնորհ Տեր Մուշեղ եպիսկոպոս Բաբայանի և գործադիր տնօրեն դոկտ. Կարեն Նազարյանի:

M63B4789 copyԴաշինքի գլխավոր քարտուղարը Նորին Սրբությանը ներկայացրել է կազմակերպության գործունեությունը: Վերջինս նշել է նաև, որ դաշինքը բացի աղետներին արագ արձագանքումից, շահերի պաշտպանության և զարգացման ծրագրերից, տարբեր ոլորտներում օգնություններ է ցուցաբերում հակամարտության մեջ ներքաշված և բնական աղետներից տուժած երկրներին՝ ի մասնավորի նաև բռնության ենթարկված քրիստոնյաներին: Այս առումով, պրն. դե Ֆարիան ընդգծել է, որ դաշինքը սերտ փոխգործակցում է Միացյալ Ազգերի կազմակերպության և տարբեր երկրներում ու տարածաշրջաններում դաշինքի անդամ կազմակերպությունների հետ:

«Եկեղեցիների համատեղ գործողություն» դաշինքի և Կլոր Սեղանի միջև առկա գործակցության առիթով իր գոհունակությունն է հայտնել Ամենայն Հայոց Կաթողիկոսը` կարևորելով դաշինքի առաքելությունն արտակարգ իրավիճակների հաղթահարման գործում: Նորին Սրբությունը ողջունել է դաշինքի համագործակցությունը տարբեր եկեղեցական կառույցների հետ՝  նշելով, որ դա նպաստում է նաև Եկեղեցու առաքելության արդյունավետ իրագործմանը, քանզի Եկեղեցին հոգևոր խնամատարությունից բացի, սոցիալական ծառայության շրջագծից ներս նաև աղետներից և հակամարտությունից տուժածներին է բերում իր աջակցությունը: Այդ կապակցությամբ Վեհափառ Հայրապետը մասնավոր իր գնահատանքը բերեց «Եկեղեցիների համատեղ գործողություն» դաշինքի գլխավոր քարտուղարին 2016 թ. ապրիլյան քառօրյայի, 2018 թ. երաշտի ժամանակ և հետագայում Հայաստանին ցուցաբերված մարդասիրական օգնության համար:


M63B4804 copyԶրույցի ժամանակ անդրադարձ կատարվեց դաշինքի անդամ հանդիսացող Կլոր Սեղան հիմնադրամի գործունեությանը, որի համահիմնադիրն է Մայր Աթոռ Սուրբ Էջմիածինը: Ընդգծվեց, որ այն տարիներ շարունակ, գործակցելով թեմերի և եկեղեցական կառույցների հետ, Հայաստանի տարբեր շրջաններում իրականացրել է զանազան օգտաշատ սոցիալական ծրագրեր` նպաստելով ժողովրդի բարօր ու բարգավաճ կյանքի կերտմանը:

Ամենայն Հայոց Կաթողիկոսը և դաշինքի գլխավոր քարտուղարը խոսեցին նաև ղարաբաղյան հակամարտության խաղաղ կարգավորման ուղղությամբ գործադրվող ջանքերի և այդ գործընթացում Հայ Եկեղեցու ներգրավվածության մասին: Նորին Սրբությունը ողջունեց դաշինքի առաջարկը ԵՀԽ Հայաստանյան Կլոր Սեղան հիմնադրամի հետ համաժողով անցկացնել ղարաբաղյան հակամարտության խաղաղ կարգավորման հարցի շուրջ:

Այցի ընթացքում «Եկեղեցիների համատեղ գործողություն» դաշինքի գլխավոր քարտուղարկը հանդիպել է նաև ՀՀ արտակարգ իրավիճակների նախարարության ներկայացուցիչների հետ և քննարկել արտակարգ իրավիճակներում` Դաշինքի աջակցությամբ Կլոր սեղան հիմնադրամի իրականացրած ծրագրերը:

 

20190508 103022ԵՀԽ հայաստանյան Կլոր սեղան հիմնադրամի արտակարգ իրավիճակների ծրագրի պատասխանատու Ալլա Սարկիսովան և Մայր Աթոռ Սուրբ Էջմիածնի սոցիալական հարցերի բաժնի տնօրեն Տ. Մարկոս քհն. Մանգասարյանը Մայիսի 8-10 Սերբիայի մայրաքաղաք Բելգրադում մասնակցեցին ACT Alliance-ի նախաձեռնած արտակարգ իրավիճակների պլանավորման և արձագանքման փորձնական սեմինարին: Այն նպատակ ուներ բարձրացնելու ACT Եվրոպական ֆորումի անդամների և նրանց գործընկերների կարողությունները՝ համակարգված, արդյունավետ և ժամանակին արձագանքելու Հարավային և Արևելյան Եվրոպայի երկրներում ծագող ցանկացած արտակարգ իրավիճակներում:


Հանդիպմանը մասնակցում էին ACT հայաստանյան ֆորումի, Սերբիայի, Հունգարիայի, Չեխիայի, Ռուսական, ինչպես նաև Բալկանյան IOCC կազմակերպությունների հումանիտար պատասխանատուները:


Եռօրյա սեմինարի ընթացքում մասնակիցները մանրակրկիտ քննարկեցին և ուսումնասիրեցին արտակարգ իրավիճակների նոր պլանը Նորվեգական եկեղեցու կողմից կատարված փոփոխություններով, ACT-ի արտակարգ իրավիճակների աձագանքման մեխանիզմները, դրանք իրականացնելու կարողությունները: Առաջարկվեց փոփոխել մասնակից կազմակերպությունների արձագանքման պլանը, այնուհետև լրացնել այն առցանց տարբերակով բոլոր կազմակերպությունների համար և պատրաստել գործողությունների պլաններ (contingency plans), որոնք հետագայում կկիրառվեն ծրագիր-առաջարկների մեջ:


Նաև քննարկվեց կարողությունների զարգացման անհրաժեշտությունը մասնակիցների համար և մշակվեց կարողությունների զարգացման ծրագիր:

Picture1Եկեղեցիների համատեղ գործողությունների դաշինքի (Action of Churches Together Alliance) հայաստանյան ֆորումի, Հորդանանի, Պաղեստինի, Եգիպտոսի, Լիբանանի, Իրաքի ֆորումների և Համաշխարհային լյութերական դաշինքի ներկայացուցիչները Հորդանանի մայրաքաղաք Ամմանում մասնակցեցին ACT-ի՝ համայնքային սոցիալ-հոգեբանական աջակցության մերձավորարևելյան ֆորումի (MENA Regional PSCoP) հերթական հանդիպմանը: Միջոցառմանը ներկա էր նաև Կլոր սեղան հիմնադրամի արտակարգ իրավիճակնկերի ծրագրի պատասխանատու Ալլա Սարգիսովան:

Տարածաշրջանայաին ֆորումների նպատակն է ուսուցման և փորձոռության միջոցով ներգրավել ավելի շատ դերակատարների, որոնք համայնքներում սոցիալ-հոգեբանական աջակցություն են իրականացնում: Համայնքներում սոցիալ-հոգեբանական աջակցության տրամադրումը կարևոր է համայնքների վերականգման, կայունության, վերակառուցման և հետագա զարգացման կարողությունների խթանման առուով: ACT հայաստանյան ֆորումը MENA Regional PSCoP-ին միացել է 2017 թ:


Մասնակիցները քննարկեցին Համայնքային սոցիալ-հոգեբանական աջակցությա հիմքերը՝ տեղական և միջազգային տեսակետներից: «Նրանք նաև անդրադրձել են անցած տարվա կատարած աշխատանքին, ձեռքբերումներին և մարտահրավերներին: Դա ներառել է նաև Հայաստանում և Իրաքում կատարված աշխատանքի մասին զեկույցի ներկայացումը: Մասնակիցները նաև անդրադարձել են համայնքային սոցիալ-հոգեբանական աջակցության կարիքներին, ինչպես նաև սոցիալ-հոգեբանական հարցերին առնչվող այլ խդնիրների»,- ասաց Կլոր սեղան հիմնադրամի արտակարգ իրավիճակների ծրագրի պատասխանատու Ալլա Սարգիսովան: Մասնակիցները հանդիպման ընթացքում որոշեցին դերակատարների համար խնդրին առնչվող դասընթացներ կազմակերպել և ընդգծել, որ այդ հարցում կարող են ներգրավվել նաև սոցիալ-հոգեբանական աջակցության համաշխարհային միավորումների անդամները: Հանդիպման ավարտին մասնակիցները մշակեցին 2019-2020 թթ. Գործողությունների նախնական ծրագիրը:

Եկեղեցիների համաշխարհային խորհրդի հայաստանյան Կլոր սեղան հիմնադրամը, ՄԱԿ-ի մշտական համակարգողի, ՄԱԿ-ի Բնակչության հիմնադրամի և ՄԱԿ-ի Զարգացման ծրագրի հայաստանյան գրասենյակների և «Հաց աշխարհի համար» (Brot für die Welt) կազմակերպության հետ համագործակցությամբ, փետրվարի 4-ից 5-ը Ծաղկաձորի Մարիոթ հյուրանոցային համալիրում անցկացրեց «Կայուն զարգացման նպատակները և Եկեղեցին» խորագրով համաժողովը:
Համաժողովի առաջնահերթ նպատակը ՄԱԿ-ի հռչակած և ՀՀ կողմից ընդունված 17 Կայուն զարգացման նպատակները և Եկեղեցու գործունեության համադրումն այդ նպատակներին քննարկելն էր:


Համաժողովին մասնակցեցին Կլոր սեղան հիմնադրամի գործադիր տնօրեն Կարեն Նազարյանը, Եկեղեցիների համաշխարհային խորհրդի ներկայացուցիչ Մանոջ Կուրիանը, ինչպես նաև Հայաստանում ՄԱԿ-ի մշտական համակարգող պարոն Շոմբի Շարփը, միջազգային և տեղական կազմակերպությունների ներկայացուցիչներ, Հայ Առաքելական Եկեղեցու թեմերին կից՝ Կլոր սեղան հիմնադրամի աջակցությամբ գործող սոցիալական կենտրոնների աշխատակիցները, այլ հյուրեր:


Հայ Առաքելական Եկեղեցու Կոտայքի թեմի առաջնորդ Գերաշնորհ Տ. Առաքել արքեպիսկոպոս Քարամյանը բացման խոսքից և աղոթքից հետո ողջունեց համաժողովի մասնակիցներին և նշեց, որ կարևորագույն այս հանդիպումը կազմակերպելով՝ Կլոր սեղան հիմնադրամը ևս մեկ անգամ ընդգծեց իր նվիրվածությունը և հոգածությունը սոցիալական և կրթական զարգացման թեմաների հանդեպ:


Կլոր սեղան հիմնադրամի գործադիր տնօրեն Կարեն Նազարյանը համաժողովի բացման ընթացքում նշեց. «Աշխարհի շատ երկրներ իրենց ցարգացման ծրագրերը ձգտում են համահունչ դարձնել ԿԶՆ, քանի որ դա է ժամանակի հրամայականը: Մյուս կողմից, ՄԱԿ-ը քաջ գիտակցում է, որ զարգացման նպատակների իրականացմանը մեծապես կարող է նպաստել սերտ համագործակցությունը կրոնական հաստատությունների և առաջնորդների հետ, օրինակ՝ «ՄԱԶԾ ուղեցույցը՝ հավատահեն կազմակերպությունների և կրոնական առաջնորդների հետ շփումների վերաբերյալ» (UNDP Guidelines on Engaging with Faith-based Organizations and Religious Leaders) վերնագրով փաստաթուղթը: Իսկապես, հավատահեն կազմակերպությունները և կրոնական առաջնորդները երկրագնդի գրեթե բոլոր համայնքների մի մասն են: Նրանք ոչ միայն նշանակալի ներդրում են ունենում զարգացման գործընթացներում, այլ նաև բազմաթիվ ուղղություններով ավելացնում են արժեք՝ ՄԱԿ-ի ջանքերին: Անշուշտ, ԿԶՆ-ից պետք է կենտրոնանալ հատկապես այն նպատակների վրա, որոնք առաջնահերթ են Հայաստանի համար»:


Եկեղեցիների Համաշխարհային Խորհրդի (ԵՀԽ) հայաստանյան Կլոր սեղան հիմնադրամի հոգաբարձուների խորհրդի նախագահ, Մայր Աթոռ Սուրբ Էջմիածնի վարչատնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը նշեց, որ Եկեղեցին վաղուց է իրականացնում ծրագրեր, որոնց նպատակն է աղքատության հաղթահարումը, կրթության մատչելիությունը և համայնքների զարգացումը: «Փոխանցում եմ ձեզ նաև Վեհափառ Հայրապետի օրհնությունը և հաջող ընթացքի համար մաղթանքները հեռավոր Ավստրալիայից»,- նշեց Մուշեղ սրբազանը:


«Խոսելով Միջկրոնական ներդաշնակության համաշխարհային շաբաթվա ոգով, որը ՄԱԿ-ը նշում է ամեն փետրվարի առաջին շաբաթը, ես հավատացած եմ, որ Կայուն զարգացման նպատակները՝ մեր մոլորակի կայուն ապագայի ճանապարհային քարտեզը, զգալի արտացոլում ունեն Եկեղեցու առաքելության մեջ: Այս ճանապարհը բոլորս անցնում ենք միասին և միայն միասին կարող ենք դիմագրավել մեր դեմ հառնած մարտահրավերներին - լինի դա աղքատության և անհավասարության հաղթահարումը, շրջակա միջավայրի փրկությունը թե բարօրության, խաղաղության և արդարության հասնելը: Ինչպես նշեց ՄԱԿ-ի Գլխավոր քարտուղարը՝ հավատը կարևորագույն նշանակություն ունի հույսի և դիմակայունության համար»,- միջոցառման բացման ժամանակ ասաց Հայաստանում ՄԱԿ-ի մշտական համակարգող պարոն Շոմբի Շարփը։


Հայաստանում Գերմանիայի Դաշնային Հանրապետության դեսպան պարոն Մաթիաս Քիսլերը նշեց, որ արդեն ավանդույթ է դարձել Կլոր սեղան հիմնադրամի հետ համագործակցությունը: «Կլոր սեղան հիմնադրամի աջակցությամբ գործող սոցիալական կենտրոնները կարևոր դերակատարում ունեն համայնքների սոցիալական կյանքում, և այդ առումով Կլոր սեղան հիմնադրամն արդեն նպաստում է Կայուն զարգացման նպատակների իրագործմանը»:
Միջոցառման ընթացքում Եկեղեցիների համաշխարհային խորհրդից հատուկ հրավիրված բանախոս Մանոջ Կուրիանը ներկայացրեց Կայուն զարգացման նպատակները՝ հավատքի և եկեղեցու տեսանկյունից: «Իրականում եկեղեցին արդեն մեկ հազարամյակից ավելի իր գործունեությամբ նպաստում է ՄԱԿ-ի հռչակած նպատակների իրականացմանը: Քրիստոնեության փիլիսոփայության և գաղափարախոսության առանցքում հենց միմյանց օգնելու սկզբունքն է»,- ասաց նա համաժողովի բացման ժամանակ:


Նյու Յորքից հղած տեսաուղերձի ընթացքում «Եկեղեցիների համատեղ գործողություններ» (ACT Alliance) դաշինքի գլխավոր քարտուղար պարոն Ռուդելմար Բուենո դի Ֆարիան շեշտեց, որ եկեղեցիները ԿԶՆ-ի մշակման գործընթացում ամենաակտիվ դերակատարներից և մասնակիցներից մեկն էին: «Եկեղեցիները զարգացմանն ուղղված գործունեություն են ծավալել ՄԱԿ-ի հիմնադրումից դեռևս հարյուրավոր տարիներ առաջ: Կայուն զարգացման նպատակների իրականացման համար պետք է ջանք գործադրեն ոչ միայն կառավարությունները, այլև եկեղեցիները, քաղաքացիական հասարակությունը, անհատները»,- նշեց դե Ֆարիան:


Բրյուսելից հղած տեսաուղերձի ընթացքում Եվրադիակոնիա միջազգային միջեկեղեցական կազմակերպության գլխավոր քարտուղար տիկին Հիթեր Ռոյը նշեց, որ իրենց ուրախ են տեսնելու, թե որքան շատ են համաժողովի մասնակիցները և հույս հայտնեց, որ նրանք ջանք չեն խնայի Կայուն զարգացման նպատակների իրականացման մեջ իրենց ներդրումն ունենալու համար: «Որպես միջազգային դիակոնիալ կազմակերպություն, որն իրականացնում է սոցիալական ծրագրեր, Եվրադիակոնիան բոլոր պատասխանատուներին հորդորում է Կայուն զարգացման նպատակները դիտարկել որպես ավելի լավ կենսապայմաններ, կրթական, սոցիալական և տնտեսական չափորոշիչներ սահմանելու ուղի»,- ասաց տիկին Ռոյը:


Համաժողովի մյուս նպատակն էր զինել Հայ Առաքելական Եկեղեցու սպասավորներին և թեմերին կից գործող սոցիալական կենտրոնների աշխատակիցներին Կայուն զարգացման նպատակների մասին անհրաժեշտ գիտելիքով և քննարկել, թե ինչպես եկեղեցին կարող է գործուն աջակցություն ցուցաբերել Կայուն զարգացման նպատակների իրականացմանը՝ պետական մարմինների և քաղաքացիական հասարակության հետ սերտ համագործակցությամբ:


Կայուն նպատակների իրագործման մեջ մեծապես գնահատվում է Եկեղեցու դերը, քանզի նրա սպասավորները համայնքներում հստակ տիրապետում են այնտեղ տիրող սոցիալ-տնտեսական իրավիճակի մասին տեղեկություններին, գիտեն իրենց հոգևոր հոտի անդամների կարիքները և կարող են անգնահատելի դերակատարում ունենալ Կայուն զարգացման նպատակների իրականացմանն ուղղված գործնական քայլերի իրականացման հարցում:


«Կայուն զարգացման 2030 օրակարգում» ներառված 17 նպատակները պաշտոնապես ուժի մեջ են մտել 2016 թվականի հունվարի 1-ից: Դրանք ներառում են աղքատության, սովի վերացումը, բնակչության առողջության ամրապնդումը, որակյալ կրթության ապահովումը, կանանց և տղամարդկանց իրավունքների հավասարությունը, մաքուր ջրի և սանիտարական պայմանների ապահովումը, մատչելի և մաքուր էներգիայով ապահովումը, արժանապատիվ աշխատանքի և տնտեսական աճի ապահովումը, արդյունաբերության, նորարարությունների և ենթակառուցվածքների զարգացումը, անհավասարությունների վերացումը, կայուն համայնքների ստեղծումը, պատասխանատու սպառումը, կլիմայի պահպանումը, կյանքը ջրի տակ և ճանմբարում, խաղաղության ամրապնդումը և հանուն այդ նպատակների իրականացման համագործակցության ամբապնդումը:


Կայուն զարգացման նպատակներն ընդունել էին աշխարհի երկրների առաջնորդները՝ 2015 թ. սեպտեմբերին կայացած ՄԱԿ-ի պատմական գագաթնաժողովի ժամանակ: Այդ նպատակները հարուստ, աղքատ և միջին եկամուտ ունեցող բոլոր երկրներին կոչ են անում անցնել գործողությունների՝ խթանելու բարգավաճումը և միաժամանակ պաշտպանելու մոլորակը:

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436