Նորություններ

ԵՀԽ հայաստանյան Կլոր սեղան բարեգործական հիմնադրամի աջակցությամբ Հայ Առաքելական Եկեղեցու Շիրակի թեմի Գյումրիի Սոցիալ-կրթական կենտրոնում տեղի ունեցավ «Սոցիալական աշխատողների պրակտիկ հմտությունների զարգացում» թեմայով երկօրյա դասընթաց։ Դասընթացավարներն էին ԵՊՀ սոցիալական աշխատանքի և սոցիալական տեխնոլոգիանրի ամբիոնի դոցենտ, սոցիոլոգիական գիտությունների թեկնածու Յուլիանա Մելքումյանը և նշված ամբիոնի դասախոս Սյուզաննա Ջուհարյանը։ Դասընթացի նպատակն էր իրականացնել Կլոր սեղան հիմնադրամի գործընկեր սոցիալական կենտրոնների սոցիալական աշխատողների վերապատրաստում՝ հաշվի առնելով պրակտիկ հմտությունների անհրաժեշտությունը Արցախից տեղահանված և տեղաբնակ ընտանիքների հետ ամենօրյա աշխատանքում։7 Gyumri training roundtable act.am


Երկօրյա հանդիպման ընթացքում դասընթացավարները մասնակիցներին ներկայացրեցին ճգնաժամի միջամտության մոդելը սոցիալական աշխատանքում, սոցիալական խորհրդատվության նրբությունները, սոցիալական աշխատանքը տեղահանված ընտանիքների հետ, միջամտության պլանը, համագործակցության հմտությունների պրակտիկ մոտեցումները և այլն։ Այդ ամենն ուղեկցվեց պրակտիկ և ինտերակտիվ վարժություններով, խմբային աշխատանքներով և քննարկումներով։ Դասընթացին մասնակցեց Գյումրիի, Իջևանի, Վանաձորի, Ստեփանավանի, Գավառի, Վարդենիսի, Քարակերտի և Գայի սոցիալական կենտրոնների 22 աշխատակից։

13 Gyumri training roundtable act.am


Վերապատրաստման դասընթացը հնարավորություն ընձեռեց մասնակիցներին զարգացնել հմտություններ խոցելի խմբերի կարիքներին ճգնաժամային պայմաններում արձագանքելու համար՝ հիմնվելով սոցիալական աշխատանքի արժեքների և էթիկական նորմերի վրա, կիրառելով դեպքի վարման և խորհրդատվության տեխնիկաները։

  • Print
  • Email

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436