Print this page
Կլոր սեղան հիմնադրամը Կոտայքում, Արմավիրում և Արագածոտնում շարունակում է Արցախից տեղահանված ընտանիքների օժանդակության ծրագիրը

ԵՀԽ հայաստանյան Կլոր սեղան հիմնադրամը շարունակում է «Աջակցություն Արցախից տեղահանվածներին» ծրագիրը: Հայ Առաքելական Եկեղեցու Արագծոտնի թեմի՝ Աշտարակի «Սուրբ Մարիանե» կենտրոնում մարդասիրական օգնության բաշխումն ուղեկցվել է կանանց համար խմորեղենի պատրաստման դասերով: Այն վարել է Արցախի Հադրութ քաղաքից Հասմիկը: Դասընթացի թեման՝ Արցախի գաթայի պատրաստումն էր: Աշտարակում նախատեսված է օգնություն բաշխել 254 շահառուի:

1 Ashtarak Centre humanitarian aid to the displased from Karabakh roundtable act.am

Բաշխման ընթացքին մասնակցել և արցախցի շահառուների հետ զրուցել է Տեր Փառեն քահանա Առաքելյանը: Նա նաև պատասխանել է նրանց հուզող հարցերին:

2 Ashtarak Centre humanitarian aid to the displased from Karabakh roundtable act.am

Սաղմոսավանի սոցիալական կենտրոնում օգնության բաշխումն ուղեկցվել է արցախցի կանանց համար կար ու ձևի դասով: Դասընթացի մասնակից կանայք շեշտել են, որ նախաձեռնության շնորհիվ նոր հմտություն են սովորում, որն իրենց պետք է գալու ամբողջ կյանքի ընթացքում, շեշտել նաև դասընթացի հոգեբանական ազդեցությունը: Նրանք ընդգծել են, որ կարևոր է նաև երեխաների մասնակցությունը կենտրոնի խմբակներին: Իսկ երգի և նկարչության դասերի ընթացքում արցախցի և գյուղի երեխաները երգել ու նկարել են միասին:

4 Sagmosavan Centre training for displased from Karabakh roundtable act.am

Սաղմոսավանի կացարանում բնակվում է 30 մարդ՝ Արցախի Հադրութ, Շուշիից, Բերձոր (Լաչին) քաղաքներից: Շահառուները բարձր են գնահատել, որ եկեղեցին կացարան է տրամադրել, հոգացել սննդի կարիքները:

5 Sagmosavan Centre training for displased children from Karabakh roundtable act.am

ՀԱԵ Արմավիրի թեմի Քարակերտի «Սբ Գրիգոր Նարեկացի» հոգևոր մշակութային և Գայի «Սբ Նշան» սոցիալական կրթա-մշակութային կենտրոններում իրականացել է 104 արցախցիների համար նախատեսված սննդի, սանհիգիենիկ և անկողնային պարագաների բաշխման գործընթացը: Մարզի Քարակերտ, Լեռնագոգ, Դալարիկ համայնքներում ապաստանել է 48, իսկ Գայ, Լուսագյուղ և Արաքս համայնքներում՝ 56 արցախցի:

6 Karakert Centre humanitarian aid for displased children from Karabakh roundtable act.am

ՀԱԵ Կոտայքի թեմի ճամբարում բնակվում է 33 անձ: Օլիմպիական ավանի 3-րդ մասնաշենքում՝ 188 մարդ, ներառյալ 64 անչափահաս: Նրանք Արցախի տարբեր շրջաններից են, հիմնականում՝ Քաշաթաղից, Հադրութից, Շուշիից, Բերձորից: Կացարանում գործում է մանկապարտեզ, դպրոցականները սովորում են Ծաղկաձորի դպրոցներում: Ծաղկաձորի երեք հյուրանոցում էլ ապաստան է գտել 486 արցախցի: ՀԿՍ աշխատակիցները մասնակցեցին նրանց բոլորի համար նախատեսված մարդասիրական օգնության բաշխմանը:

9 Tsakhkadzor humanitarian aid for displased children from Karabakh roundtable act.am

Ծրագիրն իրականացվում է Եկեղեցիների համատեղ գործողությունների դաշինքի (ACT Alliance) հետ համագործակցությամբ: