Նորություններ

«Սիրիահայ երիտասարդների պայծառ ապագա» ծրագրի շրջանակում մեկնարկել է 2-ամսյա մասնագիտական վճարովի պրակտիկա՝ հայաստանյան բուհերում ուսանող 15 սիրիահայ երիտասարդների համար։ Ծրագիրն իրականացնում է «ՀԱԼԵՊ» հայրենակցական բարեսիրական հասարակական կազմակերպությունը («ՀԱԼԵՊ» ՀԿ)՝ ԵՀԽ հայաստանյան Կլոր սեղան հիմնադրամի աջակցությամբ:


Երիտասարդներն ընտրվել են համալսարանում իրենց առաջադիմության, ակտիվության և նախաձեռնողականության, ծրագրերի իմացության և մոտիվացիոն նամակների հիման վրա։ Մասնակիցները ՀՀ պետհամալսարանների տնտեսագիտություն և կառավարում, տեղեկատվական տեխնոլոգիաներ, Ճարտարապետություն և դիզայն, hաղորդակցություն, ստոմատոլոգիա, իջազգային հարաբերություններ, ծրագրային ճարտարագիտություն ֆակուլտետների ուսանողներ են: Մասնագիտական պրակտիկայի հիմնական նպատակն է կատարելագործել բուհերի ուսանողների և նորավարտ երիտասարդների հմտություններն ու կարողությունները, ընդլայնել գիտելիքն իրենց մասնագիտական ոլորտում, հնարավորություն տալ ձեռք բերել աշխատանքային փորձ, ինչպես նաև ծանոթանալ աշխատանքային միջավայրին:


«ՀԱԼԵՊ» ՀԿ-ի հետ ձեռք բերված պայմանավորվածության արդյունքում երիտասարդներն իրենց մասնագիտական պրակտիկան անցնում են Ակբա Կրեդիտ Ագրիկոլ և Կոնվերս բանկերում, «Դիջիլաբ» ընկերությունում, Աշն Փրոջեքթս և Արխանգել ճարտարապետական ստուդիաներում, Երևանի ստոմատոլոգիական կենտրոններից մեկում, «ՀԱԼԵՊ» ՀԿ-ում, Բիզնես էնջելս նեթուորք և Գլոբալ Ար ՏՏ ընկերություններում։


Ծրագիրը, Կլոր սեղան հիմնադրամի աակցությամբ, վերջին մեկ ու կես տարում ավելի քան 280 սիրիահայ և տեղաբնակ երիտասարդների հնարավորություն է ընձեռել զարգացնել իրենց նեղ մասնագիտական գիտելիքն ու հմտությունները, բարձրացնել աշխատունակությունը և մասնակցել երիտասարդական տարբեր ոլորտներին վերաբերող միջոցառումների և հանդիպումների:
«Սիրիահայ երիտասարդների պայծառ ապագա» ծրագիրը ֆինանսավորվում է Եկեղեցիների Համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի կողմից և իրականացվում «ՀԱԼԵՊ» ՀԿ-ի հետ համագործակցությամբ: Ծրագրի կարողությունների զարգացման բաղադրիչի նպատակն է բարելավել սիրիահայ երիտասարդների հմտություններն ու մրցունակությունը հայաստանյան աշխատաշուկայում և հնարավորություն տալ՝ հասնելու իրենց աշխատանքային նպատակներին:

  • Print
  • Email

Տեսադարան

Պատկերասրահ

Հետադարձ կապ

[spmap lat="40.1618907" lng="44.2898331" zoom="14" height="100" maptype="ROADMAP"]

Մայր Աթոռ Սուրբ Էջմիածին,
Էջմիածին 1101, Հայաստան

Հեռ.` +374 10 517-157
Հեռ.` +374 10 517-216
Ֆաքս` +374 10 517-436